Xəbər Lenti

İnfoqrafika

Arxiv

Yazar

11 Sentyabr

2017
18:23
Abşeronda ata və qızını qətlə yetirən şəxs həbs olunub

 Baş Prokurorluq və Daxili İşlər Nazirliyi Abşeron rayonunda ata və qızının qətlə yetirilməsi ilə bağlı birgə məlumat yayıb. 

FaktXəbər-in məlumatına görə, açıqlamada bildirilir ki, prokurorluq və daxili işlər orqanlarının əməkdaşları tərəfindən peşəkarlıqla həyata keçirilmiş təxirəsalınmaz istintaq hərəkətləri və əməliyyat-axtarış tədbirləri nəticəsində Abşeron rayonunda törədilmiş qətlin üstü “isti izlər”lə açılıb və cinayəti törətməkdə şübhəli bilinən şəxs tutularaq istintaqa cəlb edilib.

Belə ki, cari il sentyabrın 9-da Bakı-Şamaxı magistral yolunun 10-cu kilometrliyində, Sulutəpə dairəsində üzərlərində müxtəlif dərəcəli zorakı xəsarətlər olan kişi və qadın meyitlərinin aşkar edilməsi barədə daxil olmuş məlumat əsasında rayon prokurorluğu və rayon Polis İdarəsinin əməkdaşları tərəfindən məhkəmə-tibb ekspertinin iştirakı ilə hadisə yerinə və meyitlərə baxış keçirilib, maddi sübutlar götürülüb və digər zəruri prosessual hərəkətlər yerinə yetirilib.

Aparılmış ilkin araşdırmalarla meyiti tapılan şəxslərin Qaradağ rayonunun Müşfiq qəsəbə sakinləri - Allahverdi Əsədov və qızı Samirə Əsədova olmaları müəyyən edilib.

Faktla bağlı rayon Prokurorluğunda Cinayət Məcəlləsinin 120.2.7-ci (iki və daha çox şəxsi qəsdən öldürmə) maddəsi ilə cinayət işi başlanaraq müvafiq ekspertizalar təyin edilib.

Prokurorluq və polis orqanları əməkdaşlarının birgə həyata keçirdiyi təxirəsalınmaz istintaq-əməliyyat tədbirləri nəticəsində hadisəni qısqanclıq zəminində törətməkdə şübhəli bilinən, S.Əsədova ilə qeyri-rəsmi nikah münasibətlərində olan Sahib Hacıyev tutularaq istintaqa cəlb olunub.

İstintaqla müəyyən edilib ki, S.Hacıyev sentyabrın 9-da idarə etdiyi “Mercedes-Benz” markalı avtomobili ilə A.Əsədovun idarə etdiyi “VAZ-2107” markalı avtomobili təqib etdikdən sonra S.Əsədovanın maşına oturmasının qarşısını almaq üçün avtomobilini A.Əsədovun avtomobilinin arxasına qəsdən vurub. Sonra avtomobildə gəzdirdiyi mətbəx bıçağı ilə əvvəlcə S.Əsədovaya, sonra isə A.Əsədova bir neçə bıçaq zərbəsi vuraraq hadisə yerini tərk edib. Hər iki şəxs aldıqları bədən xəsarətlərindən hadisə yerində vəfat ediblər.

S.Hacıyev iş üzrə təqsirləndirilən şəxs qismində cəlb edilməklə ona Cinayət Məcəlləsinin qeyd edilən maddəsi ilə ittiham elan edilib və barəsində məhkəmənin qərarı ilə həbs qətimkan tədbiri seçilib.

Hazırda cinayət işi üzrə istintaq hərəkətləri davam etdirilir.

Məqalədə : bıçaqlanma 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Ölənlərin sayı azaldı

07

May
16:46
ÖLKƏ
195

Xalq şairi Musa Yaqub vəfat edib

07

May
15:37
ÖLKƏ
205

Sabah hava buludlu olacaq

07

May
13:38
ÖLKƏ
225
Mövzu üzrə xəbərlər
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


07-05-2021 21:09





  [email protected]

Valyuta.com

Рейтинг@Mail.ru