Xəbər Lenti

İnfoqrafika

Arxiv

Yazar

18 Yanvar

2017
20:56
Sürücülərin nəzərinə: ``Beşmərtəbə`dəki yeni yol zolağı artıq daimi oldu`

Yasamal rayonunda "Beşmərtəbə" adlanan dairədən Azərbaycan prospekti ilə avtomobillərin hərəkəti üçün yeni yaradılmış zolaq bir neçə gün keçirilən xronometraj nəticəsində daimi istifadəyə verilib.

Bu barədə Bakı Şəhər Baş Polis İdarəsinin Dövlət Yol Polisi İdarəsinin İctimai qurumlarla əlaqə bölməsinin rəisi, polis polkovniki Vaqif Əsədov deyib.

V.Əsədov bildirib ki, "Beşmərtəbə" dairəsinə Azərbaycan prospekti ilə yaxınlaşarkən sonuncu edilən dəyişiklik qüvvəsində qalıb:

"Həmin ərazidə təhlükəsizliyin təmin edilməsi, eyni zamanda keçmə növbəliyini təmin etmək, həmçinin yol qəzalarının qarşısını almaq və süni sıxlığın aradan qaldırılması üçün "Qoşa Qala" qapısından, Sabir adına bağdan, Daxili İşlər Nazirliyinin inzibati binası yanından və Mərkəzi Univermaq tərəfdən Azərbaycan prospekti ilə yaxınlaşan avtomobil sürücüləri üçün kütləvi hərəkətə yaxınlaşarkən 5 zolaq ayrıldı".

V.Əsədov vurğulayıb ki, əvvəl "Beşmərtəbə" dairəsində nişan qoyulmuşdu, 3 hərəkət zolağı olduğu üçün sıxlıq yaşanırdı:

"İndi nişanlar götürüldü, avtomobil dairəvi hərəkətə daxil olarkən mütləq dairəvi hərəkətdə olan nəqliyyat vasitələrini buraxmalıdır. Burada əsasən günün pik saatlarında süni sıxlıq yaşanırdı. Yəni səhərlər Azərbaycan prospektindən "Beşmərtəbə" dairəsi kimi tanınan əraziyə, günün qaranlıq vaxtlarında isə Nizami metrostansiyası tərəfdən Cəfər Cabbarlı küçəsi ilə gələn avtomobillərin hərəkətində problem yaşanırdı. "Beşmərtəbə" dairəsi kimi tanınan ərazidəki təhlükəsizlik zolağından iki hərəkət zolağı Azərbaycan prospekti ilə hərəkət edən sürücülər üçün ayrıldı və bu ayrılmış zolaq üzrə dairəvi şəkildə istifadə edənlər sərbəst və fasiləsiz hərəkət edə biləcəklər". (Trend)

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Ötən gün yol qəzalarında 3 nəfər ölüb

12

May
12:22
HÜQUQ,HADİSƏ
195

Bu gün Ramazan ayının sonuncu günüdür

12

May
09:53
MƏNƏVİYYAT
301
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


12-05-2021 16:00





  [email protected]

Valyuta.com

Рейтинг@Mail.ru