Xəbər Lenti

İnfoqrafika

Arxiv

Yazar

01 Avqust

2016
09:50
`Sovetski` sakinləriylə razılıq əldə olunub

Bakının “Sovetski” kimi tanınan məhəlləsinin söküntü aparılan hissəsində artıq demək olar ki, yaşayış yoxdur. Xüsusilə də məhəllənin söküntü komissiyası ilə qalmaqal yaşayan  Mirzə Fətəli Axundov küçəsinin sakinləri ilə razılıq əldə olunub. 

Ərazidə yaşayan sakinlərin hamısı mənzillərini tərk ediblər. Onların dövlət tərəfindən alınan mənzilləri isə artıq tamamilə sökülüb.  “Sovetski”də hazırda plana uyğun olaraq yol çəkilişi və digər bu kimi işlər görülür.

Lakin Mirzə Fətəli Axundov küçəsinin sakinləri verilən kompensasiyanı alıb, evlərini tərk etsələr də onların narazılıqları hələ də bitməyib. M. F. Axundov 45 ünvanında yerləşən tarixi tikilidə yaşayan Faiq Əliyev bildirib ki, onun evi artıq tamamilə dağıdılıb: “İyulun 22-də danışdım razılaşdım. Razılaşmaq deyəndə ki, mənim dediyim məbləğdən qat-qat aşağı kompensasiya verdilər. 24 iyulda gəlib başladılar sökməyə. Gördüm ki, artıq bunlar təxribata əl atır. Özləri ilə polis də gətirmişdilər. Məcbur qalıb razılaşdım. Ancaq hələ də mübarizəmdən əl çəkməmişəm. Sənədlərimi yığıb, Avropa Məhkəməsinə müraciət edəcəyəm. Evi təmiz sökdülər. İndi də kirayədə qalıram. Ancaq verilən məbləğ elədir ki, həmin pula şəhərin mərkəzindən mənzil almaq mümkün deyil. Məcburam kənar yerlərdən alam. O da şəhərin mərkəzinə öyrəşən adam üçün çox çətindir. Burada məndən başqa 7 qonşu da qalmışdı. Onlar da verilən məbləğlə razılaşmayıb, evlərini tərk etmək istəmirdilər. Bizim evimiz sökülən günü həmin qonşular da elə gözümün qabağında imza atıb, razılaşdılar. Elə həmin günü onların da mənzillərini sökdülər. Demək olar ki, daha bu küçədə heç kim qalmayıb. Hamı köçürülüb”. 

Verilən kompensasiya ilə razılaşmayan Mirzə Fətəli Axundov küçəsi dalan 11, ev 4-də yaşayan Vahab Şahbazov da bildirdi ki, artıq onlar da mənzillərini tərk ediblər. V. Şahbazov həmçinin, kompensasiya aldıqlarını da söylədi: “Qismən razılıq oldu aramızda. Nə onların dedikləri oldu, nə də ki, biz deyən. Ümumi razılığa gəldik və mənzilimizi məcburən də olsa tərk etdik. Ümumiyyətlə, ərazidə hər kəsi bir cür yola gətiriblər. Kimi razılaşıb, kimisi də məhkəmə yoluna davam edir. Deyilənə görə, avqustun 6-da ərazini təhvil verəcəklər. Ona görə də artıq ərazinin ətrafının çəpərlənmə işlərinə başlanılıb. Ancaq dediyim ki, artıq orada yaşayış yoxdur”.(musavat)

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Sabah 35 dərəcə isti olacaq

15

May
12:30
ÖLKƏ
472

Bu gün Türkiyə çempionu müəyyənləşəcək

15

May
11:11
BÖLMƏNİ DÜZ SEÇ!
363

Azərbaycan nefti bahalaşıb

15

May
10:41
İQTİSADİYYAT
376

Sabah 33 dərəcə isti olacaq

14

May
12:09
ÖLKƏ
647

20 yaşlı tələbə itkin düşüb

14

May
11:41
HÜQUQ,HADİSƏ
477
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


16-05-2021 01:30





  [email protected]

Valyuta.com

Рейтинг@Mail.ru