Xəbər Lenti

İnfoqrafika

Arxiv

Yazar

26 Fevral

2016
16:22
“Qadın mollalar attestasiyadan keçərək lisenziya ala biləcəklər”
QMİ-dən açıqlama

“Azərbaycanda Qafqaz Müsəlmanları İdarəsinin (QMİ) təqdimatı ilə dövlət qeydiyyatından keçmiş 5 dini icma mövcuddur ki, onların rəhbərləri və üzvləri qadınlardır. Onlar öz bölgələrində maarifçılik və xeyriyyə işləri aparırlar, dini maarifləndirmə sahəsində müəyyən uğurlara malikdirlər və fəaliyyətləri QMİ tərəfindən tənzimlənir”.

Bunu QMİ-nin sədr müavini Qəmər Cavadlı bildirib.

Bir sıra dini icmaların tərkibində qadınların təmsil olunduğunu deyən QMİ rəsmisinin sözlərinə görə, onların statistikası dəyişkəndir və heç də o demək deyil ki, o qadınların hamısı mollalıq fəaliyyəti ilə məşğuldur. Dini icmaya mənsub insanların, o cümlədən qadınların iş sahəsi müxtəlif ola bilər.

“Ayrıca Bakıda rəsmən fəaliyyət göstərən "Şəbnəm" qızlar mədrəsəsində, Bakı İslam Universitetində və BDU-nun İlahiyyat fakültəsində yüksək təhsilli ilahiyyatçı qızlarımız, hətta Quranı əzbər bilən hafizlər yetişib. Onların bir qismi tələbat və istəkləri olduğu təqdirdə el məclislərində iştirak edə bilərlər və mən əminəm ki, bu işi daha peşəkar şəkildə icra edərlər”.

Q.Cavadlı həmçinin bildirib ki, heç bir nəzarətə və statistikaya uyğunlaşmayan, "el mollası" kimi yetişmiş, məclislərdə "püxtələşmiş" ala-yarımçıq dini savada malik mollabacılar da vardır ki, bunlara rəsmi rəy vermək qeyri-mümkündür.

“Yas məclisi - el məclisidir. El məclisində elin tanıdığı, bəyəndiyi, seçdiyi adam mollalıq edər. Onun üzərində nəzarəti də el özü, istəsə, edə bilər. Başqa şəkildə nəzarət yalnız anlaşılmazlığa və narazılığa səbəb olar”.

Q.Cavadlı həmçinin bildirib ki, qadın mollaların attestasiyadan keçirilərək lisenziya alması və təkmilləşdirmə kurslarına cəlb edilməsi məsələsi perspektivdə nəzərdə tutulur, ideya gerçəkləşəndə ətraflı məlumat veriləcək.

Məqalədə : QMİ qadın molla 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Azərbaycan nefti ucuzlaşıb

11

May
10:12
İQTİSADİYYAT
190

Azərbaycana qar yağıb

11

May
09:22
BÖLMƏNİ DÜZ SEÇ!
221

Yoluxanların sayı azaldı

10

May
17:06
ÖLKƏ
422

Prezident Putinlə telefonla danışdı

10

May
15:41
SİYASƏT
464

Xınalığa 2 sm qar yağıb

10

May
12:35
ÖLKƏ
656
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


11-05-2021 11:53





  [email protected]

Valyuta.com

Рейтинг@Mail.ru