Xəbər Lenti

İnfoqrafika

Arxiv

Yazar

07 Dekabr

2015
20:46
Meyitləri tapılan neftçilər sabah dəfn ediləcək, yanğın söndürülməyib

SOCAR-ın “Günəşli” yatağındakı 10-cu dərin dəniz özülündə baş verən yanğın nəticəsində itkin düşən 29 nəfərdən 6-nın cəsədi tapılaraq Səhiyyə Nazirliyi Məhkəmə-tibbi Ekspertiza və Patoloji Anatomiya Birliyinin Sabunçu və Xətai rayon şöbələrinə təhvil verilib.

Bunu SOCAR-ın “Azneft” İstehsalat Birliyinin baş mühəndisi Balamirzə Ağarəhimov yaradılan operativ qərargahda keçirilən brifinqdə bildirib.

"Saat 20:00-a olan məlumata görə, xilasedicilər tərəfindən tapılan daha 4 neftçinin kimliyi müəyyənləşdirilib. Bunlar 1984-cü il təvəllüdlü Mayılov Samir Cahangir oğlu, 1957-cü il təvəllüdlü Quliyev Fəxrəddin Xancan oğlu, 1965-cü il təvəllüdlü İsgəndərov Habil Tağı oğlu və 1963-cü il təvəllüdlü Babayev Mikayıl İsmayıl oğludur. Hazırda neftçilərin meyitləri yaxınlarına təhvil verilir. Bundan öncə Tağıyev Fuad Tahir oğlu (23.02.1981) və Mahmudov Ağa İzzət oğlunun (24.03.1968) cəsədləri sahilə çatdırılaraq aidiyyəti üzrə təhvil verilib", - deyə B. Ağarəhimov bildirib.

Baş mühəndis əlavə edib ki, mərhumlar sabah torpağa tapşırılacaq.

Onun sözlərinə görə, itkin düşmüş digər neftçilərin axtarışları davam edir: "Axtarışlar 7 gəmi ilə aparılır. Səhər açılan kimi, helikopterlər də axtarışlara qoşulacaq".

B. Ağarəhimovun sözlərinə görə, yanğını söndürmək hələ də mümkün olmayıb, lakin bu istiqamətdə işlər davam etdirilir.

Məqalədə : GÜnəşli SOCAR 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

ADU tələbə qəbulu elan etdi

29

May
12:24
ELM / TƏHSİL
279

“UNEC-90 Kitablar arasında keçən ömür”

28

May
12:21
ELM / TƏHSİL
476

Sabahın hava proqnozu açıqlanıb

27

May
13:49
ÖLKƏ
473
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


29-05-2020 17:12





  [email protected]

Valyuta.com

Рейтинг@Mail.ru