Xəbər Lenti

İnfoqrafika

Arxiv

Yazar

25 Aprel

2015
11:47
`Neft gəlirlərinin 5 faizi də kifayət idi ki...`

İqtisadçı ekspert Qubad İbadoğlu ölkəyə daxil olan neft milyardlarının bir hissəsinin səhiyyə sferasına yönəldilməsinin vacib olduğuna dair Facebook hesabında yazı paylaşıb. FaktXəbər-in verdiyi məlumata görə, ekspert bildirib ki, neft gəlirlərinin 5 faizi də kifayət edir ki, Azərbaycan vətəndaşının sağlamlığının mühafizəsi üçün dövlət təminatlı tibbi sığorta sistemi qurulsun:

"Azərbaycanın qazandığı neft gəlirləri bu ilə qədər 115 milyard dollar olub ki, onun da 78 milyardı artıq xərclənib və 37 milyardı isə saxlanılır. Neft gəlirlərimizin 67,8 faizinin xərclənməsinə baxmayaraq, hələ də Azərbaycanda nə gənc və nə də ahıl yaşlı ölkə vətəndaşları heç olmazsa ildə bir dəfə də olsun dövlət hesabına pulsuz tam tibbi müayinədən keçmir. Gənc oğlanlar yalnız hərbi xidmətə gedəndə formal olaraq tibbi yoxlanışa cəlb olunur. Qız övladlarımızın böyük əksəriyyəti isə hamilə olanadək tibbi müayinəyə müraciət etmir. Hətta onların bir çoxu hamiləlik dövründə də imkansızlıq ucbatından müntəzəm tibbi yoxlamalardan yayınır. Ahıl ata-analarımız, əlil vətəndaşlarımız da daimi və tam tibbi nəzarət üzünə həsrətdırlər. Xərclənən 78 milyard dollarlıq neft gəlirlərinin 5 faizi də kifayət edirdi ki, Azərbaycan vətəndaşının sağlamlığının mühafizəsi üçün dövlət təminatlı tibbi sığorta sistemi qurulsun və heç olmazsa uşaqlar müntəzəm olaraq müayinədən keçsin. Amma, 2 su kanalının tikintisinə 2 milyard manata (Oğuz-Qəbələ su kəmərinin çəkilməsi – 779,6 mln. manat, Samur-Abşeron kanalının rekonstruksiya edilməsi – 1 149,6 mln. manat) qədər vəsait xərcləyən hökümət ölkənin iqtisadi baxımdan "qızıl dövrü"ndə də bunu etmədi. Yenə də də gec deyil. İnsana dəyər verən, onun saglamlığını qorumaq istəyən hakimiyyət vətəndaşına da sərmayə qoymalıdır.

Bir azdan gec olacaq, hətta istək yaransa da bu islahat üçün maliyyə mənbəyi tapılmayacaq. Artıq yığdığımız 37 milyard dollar da azalmağa başlayıb və ildən-ilə artan xərclər, məhdudlaşan gəlirlər onu da tezliklə "yeyəcək". Odur ki, dövlət tibbi sığorta sistemi qurulmalı və ölkə vətəndaşlarının saglamlığına birbaşa kapital qoyulmalıdır".

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

ADU tələbə qəbulu elan etdi

29

May
12:24
ELM / TƏHSİL
375

“UNEC-90 Kitablar arasında keçən ömür”

28

May
12:21
ELM / TƏHSİL
724
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


31-05-2020 02:37





  [email protected]

Valyuta.com

Рейтинг@Mail.ru