Xəbər Lenti

Sorğu

İnfografika

Arxiv

17 Yanvar

2017
10:58
959
Yeni üsul eyni kompüterdə bir neçə brauzeri izləyəcək

ABŞ-ın Lihay və Vaşinqton universitetlərinin tədqiqatçılar qrupu bir kompüterdə quraşdırılan müxtəlif brauzerlərdən istifadə edilən zaman istifadəçiləri izləməyə imkan verən texniki üsul nümayiş etdirib.

FaktXəbər-in "ICTnews"a istinadən verdiyi məlumata görə, "Cross-browser fingerprinting" (CBF) adlanan yeni praktika son bir neçə ildə internet brauzerlərində quraşdırılan texnologiya və funksiyalara əsaslanır. Yeni metod kompüterin əməliyyat sistemi və proqram təminatı komponentlərinin (videokart, mərkəzi prosessor, AudioContext və s.) istifadə olunduğu brauzerdə yerinə yetirilən əməliyyatlar üçün verilən cavabları təhlil edir. Əldə edilən məlumatlar əsasında tədqiqatçılar ayrı-ayrı istifadəçilər üçün istifadə edilən brauzerdən asılı olmayaraq spesifik müxtəlif aparat vasitələrini müəyyənləşdirməyə nail olublar. Məsələn, "WebGL" proqramında "3D" kubun tərəflərindən birinə şəkilin çəkilməsi bütün brauzerlər üçün aparat təminatının parametrlərində oxşar cavaba səbəb olur. Ekspertlərin sözlərinə görə, bu, əməliyyatın brauzerin proqram təminatı ilə deyil, videokartla edilməsi ilə əlaqədardır.

"CBF" praktikası vasitəsilə tədqiqatçılar istifadəçi brauzerlərinin 99,24 faizini düzgün müəyyənləşdirə biliblər, halbuki əvvəlki üsullar 90,84 faizlik nəticəyə nail olmağa imkan verib.

Tədqiqatçılar yeni metod barədə daha ətraflı məlumatı fevralda keçiriləcək şəbəkə və paylayıcı sistemlərin təhlükəsizliyinə həsr edilən simpozium (Network and Distributed System Security Symposium) çərçivəsində təqdim etməyi planlaşdırırlar.

Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru