Tarix:11-03-2017 10:58
Şəxsiyyət vəsiqəsi ilə qeydiyyat necə olacaq? - REAKSİYALAR
Şərh yaz

“Qanuna dəyişikliklər Azərbaycanda internetə və internet medianın inkişafına müəyyən əngəllər yarada bilər”, - Azərbaycan İnternet Forumunun prezidenti, “Multimedia” İnformasiya Sistemləri və Texnologiyaları Mərkəzinin direktoru Osman Gündüz belə deyir.

O, “İnformasiya, informasiyalaşdırma və informasiyanın mühafizəsi haqqında” qanuna dəyişikliklərdən narahatlığını dilə gətirib.

“8 saat azdır... Amerikada gecədirsə”

Osman Gündüz parlament müzakirələrindən bir gün öncə - martın 9-da bu dəyişikliklərə münasibətini Facebook səhifəsində açıqlayıb, AzadlıqRadiosu-na müsahibəsindəsə narazı qaldığı məqamları sadalayır: “Əvvəla, yeni dəyişikliyə görə, xəbərdarlıq edilən sayta deyilən problemi aradan qaldırmaq üçün ayrılan müddət çox azdır və bu müddətdə onu icra etmək mümkün deyil”, - deyir.

Dəyişikliyə görə “qadağan edilən bilgilərin yayılmasının önlənməsi məqsədilə” icra hakimiyyəti orqanı - Nəqliyyat, Rabitə və İnformasiya Texnologiyaları Nazirliyi sayta girişi qapada biləcək. Nazirlik yasaqlanan bilgilərin sayt üzərindən yayıldığını müəyyənləşdirərsə, bu barədə informasiya ehtiyatının sahibinə və provayderə yazılı xəbərdarlıq edəcək. Xəbərdarlıq edilən vaxtdan 8 saat ərzində bilgilər internet saytından götürülməsə, icra hakimiyyəti orqanı məhkəməyə üz tutacaq.

Osman Gündüz verilən möhlətin az olduğunu düşünür: “Elementar bir şeyi deyim, 8 saat vaxt verilir. Texnologiya bu qədər inkişaf etsə də, bəzən, bu müddətdə həmin problemi aradan qaldırmaq mümkün olmayacaq. Tutalım, hansısa sayt Amerikadan idarə olunur, orda da indi gecədir. Mənim saytımda problem olduğundan, kiminləsə əlaqə saxlamalıyam, amma sayta girib nəyisə silə bilmirəm, giriş bağlıdır, üstəlik, gecə vaxtıdır, Amerikayla əlaqə yaratmaq mümkün deyil”.

“5 gün gözləməlisən ki, məhkəmə işinə baxsın”

Mütəxəssis məhkəmə baxışına ayrılan vaxtınsa, əksinə, çox olduğunu bildirir:

“Məhkəmə bu işlərə 5 gün içində baxmalıdır. Fikrimcə, yetərincə uzun müddətdir. Məhkəmənin qərarı olmadan sayt bağlanıb, amma mən buna baxılması üçün 5 gün gözləməliyəm. Azərbaycanda ciddi internet resurslar var, məsələn, “APA”, “Qafqazinfo”, AzadlıqRadiosu və s. Bunlar ciddi qurumlardır və ciddi xəbərləri yayırlar. İndi 5 gün gözləməlidirlər ki, məhkəmə bunların işinə baxacaq?!. Bu, düzgün deyil. Həmin müddət qısaldılmalıdır”.

“Səbəblər konkretləşdirilməlidir”

Osman Gündüzün fikrincə, məhkəmə qərarı olmadan hansısa icra qurumunun internet resurslarını bağlamasına dair müddəa tam yenidən işlənməlidir. İnternet resursun bağlanması səbəbləri dəqiqləşdirilməli və konkretləşdirilməlidir:

“Konkret deyilməlidir ki, filan məsələyə görə bu sayt məhkəmə qərarı olmadan bağlana bilər. Yeni dəyişikliklərdə elə müddəalar var ki, peşəkarlığı, demokratik düşüncəsi yetərli olmayan bir şəxsin, qurumun əlinə keçsə, sayta nə istəsə edə bilər. Avropada bundan qorxmağa dəyməzdi bəlkə də, amma bizdə problem yarana bilər. Ona görə mexanizm dəqiq işlənməlidir”.

Dəyişikliyə görə, qadağan olunmuş bilgilərə terrorçuluğun, zorakılığın, dini ekstremizmin, milli, irqi, dini nifrət və düşmənçiliyin təbliği, hakimiyyətin zorla ələ keçirilməsinə, kütləvi iğtişaşların təşkilinə yönələn açıq çağırışlar, intiharı problemlərin həlli üsulu qismində təbliğ edən, təhqir və böhtan xarakteri daşıyan, əqli mülkiyyət hüquqlarını pozan və başqa məlumatlar da aiddir.

“Və nəhayət, domen məsələsi”

Dəyişikliyə görə, internet saytından ötrü həm “az”, həm də digər domen zonalarından ad seçilə bilər. Adların qeydiyyatını milli inzibatçı və qeydiyyatçılar gerçəkləşdirəcək.

Milli inzibatçı həm də qeydiyyatdan keçmiş domen adlarının reyestrini aparacaq, reyestr məlumatlarından istifadəni sorğu əsasında təmin edəcək.

Osman Gündüz bu addımı bəyənir və düşünür ki, “az” domeninin tənzimlənməsində problemlər var: “Problem də odur ki, bu bir qurumun – nazirliyin inhisarındadır. Burda şəffaflıq, kollegiallıq, normal qaydalar yoxdur. O səbəbdən milli domenlərin qeydiyyatı beynəlxalq qaydalara uyğun olmayan bir vəziyyətdədir”.

Osman Gündüzün sözlərinə görə, zamanında bu sahədə qaydalar yaradılmasına cəhdlər edilsə də, baş tutmayıb. O, indiki dəyişiklikdən sonra bu sahədə qayda- qanun yaranacağına ümid bəsləyir.

“Məqsəd... özünüsenzuranı bir az da gücləndirməkdir”

“Turan” İnformasiya Agentliyinin direktoru Mehman Əliyev qanuna yeni dəyişikliklərin “psixoloji basqı yaratmaq, özünüsenzuranı bir az da gücləndirmək məqsədi” güddüyünü düşünür və bu addımı “mediaya nəzarətin sərtləşdirilməsi” kimi dəyərləndirir:

“Açığı, düşünürdüm ki, bunlar bu cür sərtləşmənin, məhdudiyyətlərin xeyri olmayacağını anlayacaqlar. Amma görünən odur ki, bu sahədə islahat aparmaq niyyətləri yoxdur, medianı, interneti nəzarətdə saxlamağa çalışırlar. Son illərin təcrübəsi göstərir ki, internet üzərində nəzarət qurmaq mümkün deyil”.

Mehman Əliyevin sözlərinə görə, hakimiyyət qanuna dəyişiklik etməkdənsə, internet saytlardan jurnalistlərin peşə kodeksinə əməl etmələrini istəməliydi: “Bizdə saytlar ona əməl etmirlər. Əslində, bu saytların çoxunu da - rəsmi və ya qeyri-rəsmi - hakimiyyət yaradıb, maliyyələşdirir və kütləvi şəkildə peşə kodeksini pozur. Belə saytlara irad tutulmur. Məqsəd də aydındır - azad, müstəqil internet resurslarını nəzarətə götürmək”.

“Facebook-a şəxsiyyət vəsiqəsi ilə girmək”

“İnformasiya, informasiyalaşma, informasiyanın mühafizəsi haqda” qanunun müzakirəsi zamanı deputat Siyavuş Novruzov deyib: “Ölkəmizdə internet tam azaddır. İstənilən adam istədiyini təhqir edir və başa düşmür ki, bunu hər kəs oxuyur. Saxta profil açıb istədiyi fikri yazır. Burada internet portalının sahibi məsuliyyətə cəlb olunmalıdır, ya da şəxsiyyət vəsiqəsi ilə qeydiyyatdan keçməlidir”.

Onun çıxışına Osman Gündüzün reaksiyası belədir: “Cəmiyyətin bütün sahələrinin sosial mediaya inteqrasiya etdiyi bir zamanda bu cür yanaşmalar təəssüf doğurur”. O, təhlükəsizlik məqsədilə özünün milli sosial şəbəkəsinin yaradılmasına üstünlük verən, hətta internet resurs hazırlamaqla bağlı polisdə qeydiyyatdan keçməyi tələb edən ölkələrin olduğunu eşitsə də, “belə təşəbbüs”ə ilk dəfə rast gəldiyini deyir:

“Heç arzulamazdım ki, ölkəmizin indiki inkişaf səviyyəsində bu tip suallar səslənsin. Arzulayıram və ümid edirəm ki, Siyavuş bəyin növbəti çıxışından sonra münasibət bildirmək üçün jurnalistlər mənə “5G-yə icazə ilk olaraq kimə veriləcək?”, “Adambaşına düşən internet sürəti nə zaman 1 Gb/san olacaq?”, “Dronlardan ölkəmizdə istifadəyə nə zaman icazə veriləcək?”, “ÜDM-də İKT-nin xüsusi çəkisi nə zaman 10 faiz olacaq?” , "PayPal niyə Azərbaycana yetərincə diqqət göstərmir?" və s. bu kimi suallar da ünvanlayacaqlar”.

Orphus system Mətndə orfoqrafik səhv aşkar etdinizsə, həmin hissəni qeyd edib Ctrl + Enter düymələrini sıxın.
Xəbərlərimizi Faktxeber.com-un facebook səhifəsində də izləyə bilərsiniz.
İmza :
Teqlər :
Şəxsiyyət - vəsiqəsi - ilə - qeydiyyat - necə - olacaq? - - - REAKSİYALAR -
Paylaş :
Mail Yazdır Şərh yaz 0 dəfə şərh edilib
Tarix:11-03-2017 10:58 - Oxundu: 373
Analiz
14-03-2017 14:11 Mən ləzgiyəm, mən talışam, mən rusam...
11-03-2017 10:58 Şəxsiyyət vəsiqəsi ilə qeydiyyat necə olacaq? - REAKSİYALAR
10-03-2017 11:34 Tələbələrin ölüm səbəbini hər birimiz görürük - VİDEO
03-03-2017 16:47 Azərbaycan qadınını yerdən yerə vuran rejissorlara
25-02-2017 13:44 Şəhidlərimizin bizlərə əmanət etdiyi anaların yeganə arzusu
23-02-2017 11:38 Trampın “Fələstin dövləti modeli” dünyanı təəccübləndirmir
23-02-2017 10:11 Birinci devalvasiyadan ötən 2 ildə nələr itirdik, nələr qazandıq...
22-02-2017 12:33 Hədəf Putinin "Siloviklər"idirmi? - ANALİZ
14-02-2017 15:32 Siyasi quduzluq diaqnozu
14-02-2017 10:57 Sevginizi çərçivəyə salmayın, kitablarınızı isə paylaşın
01-02-2017 16:34 ABŞ əvvəlcə bombaladı, sonra qadağan etdi - ANALİZ
26-01-2017 15:15 İntihar – psixologiya, yoxsa düzgün tərbiyə
19-01-2017 09:43 Qazın qiymətinin yenidən artacağının anonsu verildi
16-01-2017 11:05 Azərbaycan əhalisi necə yaşayır?
11-01-2017 11:16 Təəssüf ki, ümidlər özünü doğrultmadı - Yeni "aprel döyüşləri" gözlənilir
08-01-2017 22:06 Əli İnsanova iki şərt – qəbul etsə, azad olunacaqmı...
06-01-2017 16:36 Başıbəlalı “Qarabağ tarixi” kitabı və ya onu yazanlar kimin işçiləridir?
29-12-2016 16:48 100 İLİN ETİRAFI: hamı bilir, amma heç kəs danışmır
22-12-2016 17:36 Manat daha 20-25% ucuzlaşdırıla bilər - ANALİZ
19-12-2016 22:55 SƏFİR ÖLÜMÜNƏ görə Rusiyadan hədəf göstərildi: SƏUDİYYƏ ƏRƏBİSTANI
09-12-2016 09:27 Tarif Şurasının qərarı ləğv edilə bilərmi?
08-12-2016 14:14 Repetitorluq rəsmiləşdirilir? – EKSPERTİN ŞƏRHİ
02-12-2016 15:11 Xəritəyə baxıb görmədiyimiz 60-a yaxın QUL ÖLKƏ - ANALİZ
29-11-2016 09:35 Terapiyasız şok...
12-11-2016 14:18 Obama və Trampın ilk görüşməsi barədə bədən dili mütəxəssisinin analizi - FOTO
10-11-2016 08:45 "Ermənili-azərbaycanlılı bir torbaya yığacaqlarımız bizdən inciməsinlər"
26-10-2016 12:55 Böyük Yaxın Şərq Layihəsinin məqsədləri və layihəyə daxil olan ölkələr
24-10-2016 16:44 ABŞ-ın təhlükəsizlik anlayışı və "quldur" adlandırdığı dövlətlər - ANALİZ
21-10-2016 16:50 Radikal İslam adı ilə Şeytani oyun siyahısı - ANALİZ
06-10-2016 13:48 Mən səni söyürəm, sən məni söymə
05-10-2016 14:42 ABŞ-ın Səudiyyə barədəki qərarı Krallıqda qorxu yaradıb – ÇEVRİLİŞ GÖZLƏNİLİR
03-10-2016 10:44 Eldar Mahmudovun həbs ediləcəyi anonsu - niyə 1 il sonra?
30-09-2016 10:12 Bu da Amerika rəhbərliyinin Qarabağ barədə iyrənc düşüncələrinin sübutu
29-09-2016 17:05 Gülbəddin Hikmətyar - ABŞ-ın işinə yarayanda dostu, yaramayanda düşməni olan şəxs
29-09-2016 12:33 Özünü müsəlman bilən şəxsin əxlaqsız jurnalın səhifəsində nə işi?- FOTO
29-09-2016 11:46 Aqil Abbas: Şiəliyi yıxıb-sürüyənlərə xatırlatma
28-09-2016 15:29 Akif Nağı Fazil Mustafanın Xətai barədə iddialarına cavab verdi
27-09-2016 17:02 Məkkə üçün planlar hazırlayanların Kərbəla həmləsi
27-09-2016 14:47 Ziya Məmmədovun hansı səlahiyyətləri qalıb?..
22-09-2016 10:10 Kredit borcları bağışlanacaqmı? - İqtisadçı ekspert açıqladı
19-09-2016 12:58 Qubad İbadoğlu: ''İqtisadi artım dünyadakı inkişafdan geri qalacaq''
15-09-2016 10:00 Manatı növbəti devalvasiya gözləyirmi? - Ekspert şərhi
09-09-2016 17:04 ABŞ prezidentlərinin 5 ÖLKƏNİ məhv edən PEŞMANÇILIĞI
08-09-2016 14:30 Hər kəsin cavabını axtardığı suallarla dolu bir yazı
02-09-2016 16:47 Orta Asiyanı gözləyən xaos və ya Özbəkistanın yeni prezidenti kim olacaq
30-08-2016 13:37 Suriyanın şimalında “Cerablus” oyunu nə məqsəd daşıyır? -ANALİZ
19-08-2016 13:01 Özümüzə məxsus turizm modeli
04-08-2016 11:15 Terrorçuların əsas yuvası mühasirədə: Suriya ordusu hücuma keçib
03-08-2016 14:11 Azərbaycanda dolların bahalaşması orta müddətdə davam edəcək
29-07-2016 15:16 Büdcədəki kəsir nə qədər qorxuludur?
27-07-2016 10:28 "Kurtlar Vadisi"ndə 1 dollar səhnəsi və Fətullah Gülən - FOTO-VİDEO
26-07-2016 17:14 “Sem əmi”nin planı ciddi təhlükəyə düşüb - ANALİZ
26-07-2016 16:55 Azərbaycan ordusunda fətullahçılar varmı?
14-07-2016 10:50 İlahiyyatçını niyə Şeyxin və Milli qəhrəmanın əleyhinə qoymaq istəyiblər?
14-07-2016 10:00 İpoteka kreditlərinin verilməsi qaydaları dəyişdi
11-07-2016 12:25 MKİ və Mİ6-nın terrorçulara dəstəyi ortaya çıxdı, məhkəmə dayandı
01-07-2016 11:27 5 milyonluq yol “nisyə” çəkilib?
28-06-2016 16:17 “Hər kəs qılıncını sıyırıb, əlavə dəyər vergisinin üzərinə yürüməsin”
27-06-2016 12:14 Xərclənəcək 4 milyard dolların sonrası...
24-06-2016 10:19 Biri şad, biri də bəd xəbər?

Xəbər Lenti
Bu gün ən çox oxunanlar

Bakının ən ucuz və baha taksi xidmətləri - SİYAHI - FOTO
27-03-2017 12:09
Magistratura və rezidenturaya sənəd qəbulu başa çatır
27-03-2017 10:12
Mühafizəçilər üçün yeni ayaqqabı icad edildi - FOTO
27-03-2017 16:06
Kadırov Suriyada döyüşən çeçen döyüşçüləri mükafatlandırdı - VİDEO
27-03-2017 10:52
Banklar dolların yeni alış-satış qiymətlərini elan etdilər - SİYAHI
27-03-2017 10:56
Cəlilabadda əllə quyu qazan qurğu düzəldiblər - VİDEO
27-03-2017 22:37
Aprel şəhidi: Ana, mən şəhid olsam başını dik tut - VİDEO
27-03-2017 16:34
Alimlər sübut etdi: Yumurta toyuqdan sonra yaranıb
27-03-2017 11:15
Zülfüqar Mikayılov və Elman Ağayevin məhkəmələri davam etdirilib
27-03-2017 16:06
Dollar bu gün neçəyə satılır?
27-03-2017 09:22
Sorğu
Səs ver Nəticələr

Ölkə Siyasət
Dünya Münasibət
Hüquq İqtisadiyyat
Hərb Təhsil
Araşdırma Analiz
Hadisə, Kriminal Top Secret
İdman Maraq Dünyası
Mənəviyat Ailə-Uşaq
Sağlamlıq Foto
Tarix Video
Texnologiya Mədəniyət
Reportaj Vətən uğrunda
Рейтинг@Mail.ru ® 2009 FAKTXEBER.COM - Azərbaycan Onlayn Xəbər Portalı

Firefox 3.6+, GoogleCrome10+, Opera 9+, Macromedia Flash, 1360 x 768

Dərc olunan materilların mətninə görə, redaksiya heç bir məsuliyyət daşımır.
Saytdakı materiallardan istifadə edərkən istinad zəruridir.


Rss - Saytın Xəritəsi - Dizayn : AA Design

Faktxeber.az