Xəbər Lenti

İnfoqrafika

Arxiv

Yazar

12 Oktyabr

2018
11:24
Valideynlər üçün ödənişsiz psixoloji seminarlara start verildi!

Autizm yaş artımı ilə əlaqədar olaraq meydana gələn inkişafəngəlləyici bir haldır. Bu problem şifahi və qeyri–şifahi ünsiyyətin, eləcə də, ətrafdakı insanlarla qarşılıqlı əlaqələrin qurulmasına kifayət qədər mane olur. Bu problem növü, əsasən, uşaq üç yaşa çatmamışdan öncə aşkarlanır və uşağın təlim-tərbiyəsinə mənfi təsir göstərir. Eyni sözlərin, hərəkətlərin təkrarlanması, ətrafda, yaxud gündəlik olaraq müəyyənləşmiş qaydalarda baş verən dəyişikliyə müqavimət və həssas təcrübələrə qəribə reaksiya göstərilməsi kimi əlamətlərlə müşayiət olunan digər hallar da, adətən, özünəqapanmanı büruzə verir. Əgər uşağın təlim–tərbiyəsinin məruz qaldığı mənfiliklər başlıca olaraq onun keçirdiyi emosional pozuntu halı ilə bağlıdırsa, bu, özünəqapanma kimi tərif edilə bilməz. 

● Autizm spektor pozuntusunun simptomları aşağıdakılardır: 

1. Başqaları ilə ünsiyyət zamam gözün içinə baxmamaq, üz cizglərinin vəziyyəti, oturuşu və bədən hissələrinin hərəkətlərindən düzgün istifadə etməyi bacarmamaq. 

2. Eyni maraqların, emosiyaların və birgə fəaliyyətin olmasına baxmayaraq, həmyaşıdları ilə ünsiyyəti inkişaf etdirə bılməmək. 

3. Stress, ya da çətinlik zamanı başqa insanlardan yardım və dəstək gözləməmək. 

4. Başqa insanlar stress, ya da çətin vəziyyətdə olan zaman onlara dəstək olmaq. 

5. Daxildən yaranan sevinc, nailiyyətlər və maraqları başqa insanlarla böluşməyi bacarmamaq.

● Ünsiyyətdə yaranan keyfiyyət dəyişiklikləri aşağıdakılardan biri və ya bir neçəsində əks olunur: 

1. Danışıq qabiliyyətinin geri qalması, ya da ümumiyyətlə olmaması. Mimika və jestlərdən istifadə edilməməsi. 

2. Həyatının ilk çağlarında müxtəlif çeşidli spontan təsəvvür edilən və ya sosial imitasiya oyunlarında iştirak etməmək. 

3. Söhbəti başlamaq, ya da davam etmək qabiliyyətinin olmaması. 

4. Sözlərin eyni qaydada və ya təkrarlanan istifadəsi. 

● Maraqların, fəaliyyətin, davranışın məhdud stereotipi və ya təkrarlanan tipləri aşağıdakılardan ən azı biri ilə təcəssüm olunur: 

1. Stereotip və məhdud maraq növləri üzrə aktiv fəallıyət. 

2. Funksional olmayan spesifik hərəkətlər ardıcıllığına tabe olmanın daim diqqət cəlb etməsi. 

3. Stereotip və təkrarlanan mexaniki hərəkətlər. 

4. Obyektlərin və ya oyuncaqların funksional olmayan hissələri ilə əməliyyatlar. 

Hazırki dövrdə autizm spektor pozuntusu hallarının artmasını nəzərə alaraq "Psixoloqlar Kabineti" psixoloq Kamil Həmidovun rəhbərliyi altında valideynlər üçün ödənişsiz psixoloji seminarlar keçirir. 

İlk seminar 27 oktyabr, 15:00-da "Kamal" kurslarında həyata keçiriləcək. 

Ünvan : Faiq Yusifov küçəsi 31 (MetroParkın yanı)

Telefon: 077-570-51-53

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : autizm 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


14-12-2018 09:29



  (+994 55) 786-96-84

  [email protected]

Valyuta.com