Xəbər Lenti

İnfoqrafika

Arxiv

Yazar

11 Yanvar

2018
11:19
1829
Tunisdə ikinci `Ərəb baharı` - FOTO - VİDEO

"Ərəb baharı"nın ilk baş verdiyi ölkə olan Tunisdə yerli əhali yenidən etiraza qalxıb. FaktXəbər-in verdiyi məlumata görə, 20-dən çox şəhərdə küçələrə çıxan narazı kütlə sosial rifahın yaxşılaşdırılması və qiymət artımının ləğvini tələb ediblər. 

Tunis hökuməti 3 gündür davam edən etiraz aksiayaları zamanı 50 polis əməkdaşının yaralandığını, 237 nümayişçinin isə saxlandığını açıqlayıb.

Etirazlar zamanı 55 yaşlı nümayişçinin öldüyü də bildirilir. 

"Reuters" agentliyi xəbər verir ki, 20-dən artıq şəhərdə polis bölmələri və hökumət binaları nümayişçilər tərəfindən hədəfə çevrilib.

"Anadolu" agentliyinin məlumatına görə, nümayişçilər Tunisin paytaxtına da sıçrayıb və Zəhruni səmtində yolları bağlayıb. 

Yerli polis paytaxt Tunis və Tabarba şəhərlərində küçəyə tökülən kütləyə qarşı gözyaşardıcı qazdan istifadə edib. Kayrevan, Nabil, Sus, Kasrine kimi digər vilayətlərdə də polis və nümayişçilər toqquşub, bəzi şəhərlərdə isə qarət halları baş verib.

Ölkəni çalxalayan mitinqlər baş nazir Yusif Şahidlə müxalifətdəki solçu "Patriot Cəbhəsi" arasında qarşılıqlı ittihamlara səbəb olub. Kütləvi iğtişaşlara etiraz edən baş nazir Şahid, narazı kütlənin məhz "Patriot Cəbhəsi" tərəfindən qızışdırıldığını açıqlayıb. Parlamentdə 15 deputatla təmsil olunan "Patriot Cəbhəsi" isə kütləvi iğtişaşların hökumətin işinə yaradığını bəyan edib.





Məqalədə : Tunis 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


19-06-2018 02:59



  (+994 70) 870-47-49       (+994 55) 786-96-84

  [email protected]

Valyuta.com