Tarix:16-12-2016 16:57
Suriya yalanlarının son nümunəsi: 7 yaşlı Hələbli Bana - ARAŞDIRMA
Şərh yaz
Suriyada Qərb və Ərəb media orqanlarının son təbliğat aləti Hələbdən olduğu bildirilən 7 yaşlı Banadır. Ancaq Bananın həqiqət olub olmadığına dair onlarla sual işarəsi var. Bu gün FaktXəbər olaraq bir video təqdim etdik. Orada da Bana barədə məlumat qeyd edilirdi. Sözügedən videoda özlərini Suriya vətəndaşı kimi tanıdan, amma əslində Amerikada yaşayıb, Əl-Nusra terrorçularının təbliğatını aparan jurnalistdən, Böyük Britaniyanın yaratdığı saxta “Ağ Dəbilqəlilər” xeyriyyə təşkilatının nümayəndəsindən və sairdən bəhs edirdi. Çox maraqlıdır ki, 5 ildən artıqdır Suriyada 200 mindən çox insanın ölümünə səbəb olan İŞİD və digər terror təşkilatlarının əməllərinə susqun qalan medialar, son 1 həftədə Hələbin azad edilməsi xəbərinə kəskin reaksiya verirlər. Məscidləri terror yuvasına, silah anbarına çevirənləri deyil, silah anbarını dağıdanları günahkar bilirlər, adı xəstəxana olan terror bazasındakı terrorçuları deyil, onları öldürənləri günahkar bilirlər və öldürülənlərin də xəstə olduğunu söyləyirlər, Yəməndə Səudiyyənin bombardmanından küçələrə səpələnən sivil insanları Hələb sakinləri kimi göstərirlər, İsrailin Qəzza bombardmanında tikə-parça olmuş uşaqları “Şərqi Hələbin məsum körpələri” kimi qələmə verirlər. Amma onların bu cür təbliğatlarına baxmayaraq, Hələb əməliyyatı başa çatıb. Mühasirədə qalan terrorçuları mülki vətəndaş sifətində oradan çıxarmaq istəyən havadarları isə işə girişiblər. Məhz buna görə də əllərində olan media vasitəsi ilə Suriya və Rusiyanın qətliam törətdiyini, atəşkəsin tətbiq edilməsi üçün təzyiqlərə başlayıblar.  
 

Buna da baxın

Onlar sizin yalanlara inanmağınızı istəyirlər - VİDEO

Suriya hadisələrini izləyənlərin yaxşı xatırlayır. Müharibənin ilk başladığı dövrlərdə Qərb mediasında "Dəməşqdə homoseksual qız" (A Gay Girl in Damascus) adlı təbliğat işləri başlamışdı. Amma sonradan bu Dəməşqli lesbianın əslində ABŞ-da yaşayan kişi olduğu ortaya çıxmışdı. Hələb 7 yaşlı Bana da müdhiş ingilis dili və dağıntı altından belə status paylaşması ilə insanları "göz yaşına boğur". 
 
Barbara McKenzienin şəxsi bloqunda dərc etdiyi və son "qara piar" maşınını da ifşa edən "Bana of Aleppo: The Story So Far" adlı araşdırmasını FaktXəbər oxucularına təqdim edirik. 
 
Bayaq da qeyd etdiyimiz kimi, müharibənin başladığı günlərdə - 2011-ci ildə Dəməşqdə homoseksual bir qız var idi, məlumatları o paylaşırdı. İndi isə Hələbdən @AlabedBana tvit paylaşır. 
"Sevgili Dünya, Rusiyanın və Əsədin Hələb qətliamına icazə verməkdənsə, 3-cü Dünya müharibəsini başlamaq daha yaxşıdır".
 
Bananın bütün hekayəsi müharibədən zərər görmüş bir şəhərdə yaşamaqdan narahatlığını dünya ilə bölüşmək üçün 2016-cı ilin sentyabrında Şərqi Hələbdən ilk tvit yazması ilə başlayıb. 
 
Deyilənə görə, Bana valideynləri və 2 qardaşı ilə birlikdə Hələbdə yaşayırdı. Anası Fatimə nadir hallarda tvit yazan, Bananın tvitter səhifəsini idarə edən müəllimədir və atası Həsən isə - tamamı ilə öz idarəetmə sistemini yaradan Əl-Nusranın nəzarətində olan bölgədə - yerli məclisin hüquq müşavirdir. 
Şərqi Hələbin Şəhər Məclisi
 
Bananın ilk tviti ürək ağrıdıcıdır: "Sülh istəyirəm".
 
Bananın tvit yazmaqda yeganə məqsədi, Hələbin Putin və Əsəd tərəfindən bombalanması barədə danışmaq və bu barədə nəsə edilməsini istəməkdir. (Bana bombardmanda dostlarını itirmişdi, ancaq heç vaxt adlarını yazmamışdı) Tvitlər demək olar ki, hər zaman bombalar, sülhün zəruriliyi, "bizim üçün dua edin" və "bizə kömək edin" mövzuları barədədir.
 
"Minlərlə Əsəd qüvvəsi bizi qətliam etmək üçün Şərqi Hələbə hücum edir, sevgili dünya bizi xilas et. - Fatimə"
 
Bundan əlavə, Əsəd və Putinin müharibə cinayətlərinə görə mühakimə olunması üçün çağırışlar da var: "Rusya və Əsəd Beynəlxalq Cinayət Məhkəməsinə çıxarılmalıdır. Əgər çıxarılmayacaqsa, bundan sonra heç kim orada mühakimə olunmamalıdır. - Fatimə"
 
Kiçik Bana təxminən 20 tvitlə 24 sentyabra sakit başlayır və 4 oktyabra qədər (retvitləri də nəzərə alsaq) 120-dən tviti idarə edərək yaxşı bacarıq nümayiş etdirir. Tvitter istifadəçilərinin çoxunun hələ də istifadəsinin bilmədiyi "haştaq" barədə isə Bana ilk gündən xəbərdar olub. O, ilk günün sonunda #Aleppo, #HolocaustAleppo, #MassacreınAleppo, #StopAleppoMassacre haştaqlarından istifadə edib.  POTUS və OMG kimi qısaltmalar məsələsində də təcrübə malik olub. İzləyiciləri Bananın ingilis dilində mükəmməl şəkildə yazdığı statuslardan təsirləniblər:
 
"Hələbdə müharibə bitsə, dünyada ən xoşbəxt adam olacağam. - Bana"
 
"Burada insanlar həşəratlar kimi ölür. Nə baş verəcəyini bilmirəm. Bombalar yağış kimi yağır".
 
"Təyyarələrin səsini eşidəndə artıq çox qorxuram. Gecənin qaranlığında təhlükə dolu Hələbdə, bu axşam etdiyim dua, mənə və hər kəsə sakitləşdirici olacaq."
 
"Gece və gündüz yaşadığım bu qorxunc yuxudan ayılmaq istəyirəm"
 
7 yaşı olan bir uşağın "I`ll" kimi ingilis dilində qısaltmalar və "qorxunc yuxu" kimi idiom ifadələr (hərfi mənada başa düşülməyən frazeloji birləşmələr) işlətməsi, Bananı dahilər kateqoriyasına salırdı. Bütün həqiqət, onun dahi olmadığı sevimli Bananın videosu çəkiləndə - əgər deyilənləri də əzbərləməyibsə, uşaq ingilis dilində iki sözü yan-yana güclə deyirdi - ortaya çıxdı. Nə qədər istəsələr də, paylaşdıqları ilə özlərini daha da artıq biabır ediblər. 
 
İlk tvit yazdığı gün hər şey əvvəlcədən hazırlansa da, qol-qıçı sındırılan cümlələr belə olub:
 
Və 29 oktyabrda, "Yağış yağır. Mən yağışı çox sevirəm" deməsi isə, sadəcə fəlakətdir.
 
Bananın atası olduğu bildirilən Həsən Alabed həqiqi insan kimi görünür. 2001-ci ildə yaradılan və özünə aid facebook hesabı, Bana layihəsinin ortaya çıxması ilə üst-üstə düşəcək şəkildə (təşəkkürlər @Qoppa999) sentyabr ayında açılan tvitter hesabı var. Atası Bananın tvitlərində, ya da videolarında heç vaxt göstərilmir, ola bilsin Hələbdə işləyirdi. Həsənin facebook səhifəsində yalnız layihənin bir hissəsi kimi 2016-cı ilin oktyabr ayında göstərildiyi üçün onun Bana ilə əlaqəli olması ehtimal yoxdur. Bundan başqa, qızın adı ilə bağlı bir qarışıqlıq da mövcuddur:
 
"Atasının kiçik qızı Zəhra. Allah səni və bütün uşaqları qorusun."
 
Və hesab açılandan 3 həftə sonra Bananı 51 nəfəri təqib edirdi. Bunların heç birinin 7 yaşlı bir qızın seçimi olmayacağı açıq idi: istisnasız olaraq hamı - siyasətçilər, media şirkətləri, ya da sosial media fəalları. Onlarının çoxu Suriyadakı müharibə ilə əlaqədə idilər və çoxunun terrorçu qruplar ilə güclü əlaqələri var idi: Iyad el-Baghdadi, Louisa Loveluck, Julian Roepcke, Sophie McNeill.
 
Bananı eyni zamanda terrorçuların himayədarı olan Suriya İnqilabı və Müxalif Qüvvələr Milli Koalisiyası, həmçinin Suriyada uçuşa qadağan bölgə elan edilməsi tələbini səsləndirən, saxta yardım təşkilatı "Ağ Dəbilqəlilər" təqib edirdi. 
 
Bananı ilk təqib etdiklərindən biri də 2016-cı ilin yanvarında Madaya yalanının şişirdilməsinə yardımçı olan Avstraliyalı jurnalist Sofiya McNeill idi. Məsələ bu şəkildə idi: "Hökumət tərəfindən mühasirəyə alınan Madayanın xalqı aclıqdan ölürdü və bunun səbəbi şəhərə yardımın aparılmasının qarşısını alan Suriya hökuməti idi. Əslində, oktyabr ayında Madayaya üç aylıq yardım göndərilmişdi. Amma əsas problem terrorçuların qidaları hədsiz dərəcədə baha qiymətlərə satması idi." Bana tərəfindən təqib edilən bir çox tvitter səhifəsi eyni şəkildə Suriya müharibəsinə dair yanlış məlumat yayanlardır. 
 
Bana 3 oktyabrda 65000 nəfərlik böyük bir izləyici sayına çatır. Tərəfdarlarının böyük bir hissəsi isə layihəni idarə edən şəxslər tərəfindən açılan və istifadəsiz saxta hesablar idi. Amma nəhəng media şirkətləri - "Telegraph", "Guardian" və bir çox əsas televiziya kanalları təsirli məqalələr ilə Bananı bağırlarına basdılar. Böyük Britaniyanın Cari İşlər və Siyasət Jurnalı olan "New Statesman" Bananın hesabı barədə araşdırma aparan və profilin saxta olduğunu göstərən şəxslərə qarşı hücuma keçdi.
 
Banaya son dəstək isə ona ingilis dilində "Harry Potter" elektron kitab seti göndərən müəllif JK Rovlinqdən gəldi.
 
"Banaya sevgilərlə! Səni düşünürəm, Hələbə diqqət et. (Dostum JK Rovlinq, necəsən? Kitab üçün təşəkkürlər, Hələbdən sevgilər - Bana)"
 
"Bana" layihəsinin "Dəməşqdəki homoseksual qız" və "Ağ Dəbilqəlilər" kimi uydurma olduğu məsələsində heç bir şübhə yoxdur. Çünki yazdığı tvitlər dünyadan özünü Rusiya bombalarından qorumasını istəyən suriyalı kiçik qızın düşüncələri deyil. Əksinə, Qərbin Suriyadakı işğalını haqlı çıxartmaq və hakimiyyət dəyişikliyini labüd hala gətirmək üçün Suriya və Rusiyanın əməliyyatlarına qarşı xalqın hissini formalaşdırmağa yönələn çoxşaxəli və yaxşı planlaşdırılmış əməliyyatın məhsuludur.
 
Bana layihəsini dəstəkləyənlər, Suriya Ərəb Ordusu, Hizbullah və Qüds briqadaları kimi müttəfiqlər tərəfindən Şərqi Hələbdən qovulmuş, Şərq Hələb xalqına qarşı terror həyata keçirən və Qərbi Hələbi bombalayan terrorçuların himayədarlarıdır. 
 
Bana ilk günlərdən bəri Əsəd və Putini soyqırım törətməkdə, qətliam etməklə, kasset, fosfor və termit bombaları ilə əməliyyat aparmaqda günahlandırıb. O gündən bəri də dünyanı bombalamanın qarşısının alınmasına çağırır.
 
"Evimizin yaxınlığına 2 fosfor və 2 çəllək bombası düşüb, evimiz zərbədən titrədi, biz ağladıq. - Fatimə."
 
Fosfor bombasının nəyə qadir olduğunu isə söyləməyə ehtiyac yoxdur. O ki qala onun evin yanına düşməsinə və ondan sonra yazılan mesaja.
 
Qərbi Hələbin küçələrində nümayişçiləri güllə yağışına tutan, bölgəyə humanitar yardım çatmasına əngəl yaradan, 4 ildən artıqdır Hələbi əsarəti altında saxlayan terrorçular barədə isə bir kəlmə də yoxdur. "Bananın ailəsi" Rusiyanın İdlibdə bir məktəbi bombardman etdiyinə dair şübhəli paylaşım etmişdi - hansı ki, sonradan bütün detalları ilə hadisənin səhnələşdirildiyi ortaya çıxdı - amma Qərbi Hələbdə terrorçuların artilleriya atəşlərinin yaratdığı vəhşiliyə heç bir maraq göstərmirdi.
 
"Bana layihəsi"nin məqsədi Rusiyanın və Suriyanın çəkinmədən vətəndaşları bombalayaraq müharibə cinayəti törətdiyinə dair görüntü yaratmaq idi. Həqiqətdə, həm Rusiya, həm də Suriya Hələbi bombaladıqlarını rədd edirdilər və Suriyanın Hələbin alınması üçün böyük miqyaslı quru əməliyyatı apardığını nəzərə aldıqda, müttəfiqlərin eyni anda Hələbi bombalaması mümkün deyildi.
 
Dünyanı Hələbdə dəhşətli qətliam törədildiyinə inandırmağa cəhdin isə iki əsas yönü var: Madayada olduğu kimi Suriya və Rusiyanın mühasirəni ləğv etməsi, Hələbin şərqi və qərbini terrorçulardan azad edilməsi əməliyyatlarının dayandırılmasına yönəlik təzyiq yaradılması. Bununla da Suriya və müttəfiqlərinin əməliyyatları məhdudlaşdırılacaq, ən pisi isə terrorçular yeni nailiyyətlər əldə etmiş olacaq, ya da ən azından ehtimal olunan parçalanma üçün şərait yaradacaqlar.
 
Başqa bir prioritet isə uçuşa qapalı bölgənin yaradılması idi. Rusiya və Çin Liviyada qərarın necə icra olunduğunu gördükləri üçün Birləşmiş Millətlər Təşkilatının qərarını indiyə qədər veto ediblər. 
 
Suriya Ordusunun Hələbi tam nəzarətə götürməsi isə "Bana layihəsi"nin sonunu yaxınlaşdırıb. Banadan gələn son mesaj bu cürdür:  
 
"Son mesaj - Hazırda ağır bombardman altındayıq, daha çox sağ qala bilməyəcəyik. Biz öləndə, geridə qalan 200 000 nəfər üçün danışmağa davam edin. Əlvida.  - Fatimə"
 
Və sonra Bana daha bir mesaj yazır:
 
"Bu axşam evimiz yoxdur, bombalanıb və mən də dağıntı altında qalmışam. Ölülər gördüm və az qala mən də ölürdüm. - Bana"
 
Mesaj ilk saatlarda 7800 nəfər tərəfindən yenidən paylaşılmışdı. Amma maraqlıdır ki, heç kəs düşünmürdü: Bana dağılmış evin altından mesajı necə yazırdı? Hökumət qüvvələrinin hər gün bombaladığı Hələbdə Bana interneti haradan tapıb?
 
Amma Bana yorulmur. 14 dekabr tarixindəki mesajında yazır: "Əziz dünya, hazırda ağır bombardman altındayıq. Nəyə görə susursan? Nəyə görə? Nəyə görə? Nəyə görə? Qorxu məni və uşaqlarımı öldürəcək - Fatimə Hələb".
 
 
FaktXəbər
Xəbərlərimizi Faktxeber.com-un facebook səhifəsində də izləyə bilərsiniz.
İmza :
Teqlər :
Suriya - Hələb -
Paylaş :
Mail Yazdır Şərh yaz 0 dəfə şərh edilib
Tarix:16-12-2016 16:57 - Oxundu: 1747
Araşdırma
18-02-2017 13:03 Bakıda təmiz su fırıldağı: qapı-qapı gəzən təhlükə
15-02-2017 14:51 Uşaqların internet asılılığının əsl səbəbkarı kimdir? ARAŞDIRMA
13-02-2017 14:22 Cərrahlar niyə məhz yaşıl və mavi forma geyinir?
10-02-2017 11:16 İnternet zaman anlayışını dəyişir
10-02-2017 10:31 Yerli quş əti bahalaşır, səbəb...
10-02-2017 10:07 Bakıda kürünün kiloqramı 1500 dollardır
08-02-2017 09:30 1000 manat ver, Azərbaycan vətəndaşı ol, amma...
07-02-2017 10:39 Böhranda cibinizə münasib yemək hazırlamağın qaydası
03-02-2017 13:06 4000 nəfərin həyatına son qoyan TARİXİN ƏN ÖLÜMCÜL ÇOVĞUNU - FOTO
01-02-2017 12:27 Bakıda toy böhranı – bəzi şadlıq sarayları bağlana bilər
27-01-2017 22:09 Məcburi köçkünlər Hadı Rəcəblini yataqxanaya dəvət etdilər - FOTO
27-01-2017 10:43 Sovetin ilk mobil telefonu – LK-1 FOTO-VİDEO
24-01-2017 14:33 Kanadaya miqrasiya qaydaları – ARAŞDIRMA
21-01-2017 14:33 Köhnə çörəklər xəmirə qatılmaq üçün zavoda qaytarılır?
19-01-2017 16:05 "Kaspersky Lab": "Like" hərisliyi depressiyaya səbəb olur - FOTO
18-01-2017 11:10 Maqnitlə yanacağa qənaət etmək olarmı?
17-01-2017 14:47 Azərbaycandakı banklar müştəriləri ilə hansı dildə danışır? - MONİTORİNQ
10-01-2017 12:41 Harri Hudini – Böyük sehrbazın AXMAQ PƏRƏSTİŞKARA görə ölümü
26-12-2016 11:15 Android telefonları sürətləndirməyin yolları - ARAŞDIRMA
19-12-2016 22:36 İndiyə kimi neçə Rusiya səfiri öldürülüb? - ARAŞDIRMA - FOTO
16-12-2016 16:57 Suriya yalanlarının son nümunəsi: 7 yaşlı Hələbli Bana - ARAŞDIRMA
12-12-2016 16:45 Azərbaycan kinoteatrlarında uşaqlar üçün təhlükəli cizgi filmi -VİDEO
10-12-2016 11:30 Yeni ilə özəl endirim, yoxsa artım kampaniyaları?
06-12-2016 11:13 Toy mövsümü başlayınca bahalaşan ev əşyaları
25-11-2016 16:22 Lizinqlə satılan maşınlara görə niyə artıq sığorta pulu tələb edilir? – ARAŞDIRMA
21-11-2016 10:34 Ölkənin milyonları Rusiya sərhədində batır - araşdırma
11-11-2016 11:08 İşdən çıxarılan nazirlər- kimlər haradadır?
05-11-2016 11:28 “Aprel döyüşləri”nin təkrarlanması üçün real zəmin yaranıb
04-11-2016 14:25 Füzulinin Bakı şəhərində yerləşən heykəli...
02-11-2016 10:12 Bakı avtovağzalında təhlükəsizlik aşağı səviyyədədir - FOTO
01-11-2016 16:00 Bu stulun sahibi kimdir? - FOTO
01-11-2016 09:46 Nardaranlılardan silinən işıq borclarını tələb edən kimlərdir?
31-10-2016 12:21 Eldar Mahmudovun bağ evindən reportaj - FOTO
28-10-2016 10:58 Bu qədər iş elanı olan şəhərdə niyə iş tapılmır?
12-10-2016 15:21 General Çovdarov Tağı Əhmədovdan 3 milyonu necə qopardı - TƏFƏRRÜAT
07-10-2016 10:31 Azərbaycan xalqının banklardan götürdüyü kredit pullarının əsl sahibi kimdir?
06-10-2016 15:56 Qabla gələn tədrici ölüm - ARAŞDIRMA
06-10-2016 10:37 Xərçəngi iki gündə sağaldan dərman tapıldığı iddia edilir
04-10-2016 16:38 "Azərişıq"da müəmma: aydın olmayan prosedur və acı nəticələr - ARAŞDIRMA
29-09-2016 16:46 "8-ci kilometr bazarı" Çovdarovun qızına necə verilib?
26-09-2016 11:31 Ucuz ağrıkəsicilər, antibiotiklər apteklərdən niyə və necə “yoxa çıxıb”…
17-09-2016 13:48 Bakıdakı evini sataraq İŞİD-ə qoşulmaq üçün Suriyaya getdi
17-09-2016 13:48 Səud rejimi İslam həccini necə oğurladı və inancdan necə qazandı? ARAŞDIRMA
07-09-2016 13:05 Azərbaycanlıların idarə etdiyi “qara mühasibat” və meyvələr üzərində qan - FOTO-VİDEO
06-09-2016 17:16 Klinton ölüm ayağındadır? - FOTO-VİDEO
02-09-2016 11:47 Sıravi bank işçiliyindən ən yüksək vəzifəyə, oradan isə...
30-08-2016 11:45 ABŞ-ın məxfi silahı: H-1B
30-08-2016 11:42 Dünyanı nüvə bombasından qoruyan “Dəhşət tarazlığı” anlayışı
25-08-2016 12:52 UŞAQ BİRJALARI - Avropanın yeni cəhənnəmi - FOTO
23-08-2016 16:13 Keçmiş nazir Azərbaycanı Gülən məktəbləri olmadan təsəvvür etmir
20-08-2016 12:49 Uşaqların sevimli konfetlərinin nədən hazırlandığını bilirsinizmi? ŞOK FAKTLAR
16-08-2016 16:42 Gülənin Azərbaycan barədə 25 İL planı – ŞOK DETALLAR - FOTO
10-08-2016 14:28 1.30 dəqiqə Ərdoğanı gözləyən Putin kimləri nə qədər gözlədib? VİDEO
06-08-2016 11:29 2 manatlıq "sələmçilər", qızıl qoyub 50 manat borc alanlar…
04-08-2016 16:47 Belə beyni olan insanları dünyada barmaqla göstərirlər - FOTO
04-08-2016 12:22 Həkimlər niyə ağ xalat geyinir?
02-08-2016 11:46 Çörək niyə bahalaşdı? - Araşdırma
02-08-2016 09:30 Ətin bahalaşmasının səbəbi bilindi
01-08-2016 15:53 Evdə işləmək niyə daha sərfəlidir? - ARAŞDIRMA
15-07-2016 16:26 Bir bankalıq cəsarət: energetik içkilər öldürür, yoxsa dirildir?

Xəbər Lenti
Bu gün ən çox oxunanlar


Sorğu
Səs ver Nəticələr

Ölkə Siyasət
Dünya Münasibət
Hüquq İqtisadiyyat
Hərb Təhsil
Araşdırma Analiz
Hadisə, Kriminal Top Secret
İdman Maraq Dünyası
Mənəviyat Ailə-Uşaq
Sağlamlıq Foto
Tarix Video
Texnologiya Mədəniyət
Reportaj Vətən uğrunda
Рейтинг@Mail.ru ® 2009 FAKTXEBER.COM - Azərbaycan Onlayn Xəbər Portalı

Firefox 3.6+, GoogleCrome10+, Opera 9+, Macromedia Flash, 1360 x 768

Dərc olunan materilların mətninə görə, redaksiya heç bir məsuliyyət daşımır.
Saytdakı materiallardan istifadə edərkən istinad zəruridir.


Rss - Saytın Xəritəsi - Dizayn : AA Design

Faktxeber.az