Xəbər Lenti

Sorğu

İnfografika

Arxiv

10 Aprel

2017
11:55
728
Əsir düşməmək üçün özlərini öldürən kəşfiyyatçılarımız anılıb - FOTOLAR

Bu gün, 1997-ci ilin 10 aprel tarixində əsir düşməmək üçün özlərini partladıb şəhid olan yeddi kəşfiyyatçımızın xatirəsi yad edilib.

İlk olaraq şəhidlərimizin II Fəxri Xiyabanda olan məzarları ziyarət edilib. Daha sonra isə “Qurd qapısı” yaxınlığındakı mərasim evində kəşfiyyatçıların ailə üzvləri, Müdafiə Nazirliyinin rəsmiləri, Qarabağ döyüşçülərinin, deputatların, yazıçıların, şairlərin, rejissorların, sənət adamlarının və QHT təmsilçilərinin iştirakı ilə anım tədbiri keçirilib.

Tədbirdə çıxış edən ictimai şəxslər, şəhidlərimizin ruhuna dualar oxuyub, onların vətən üçün etdiyi qəhrəmanlıqlardan danışıblar.

Hadisəyə aid jurnalist Teymur Zahidoğlunun hazırladığı 16 dəqiqəlik “Kəşfiyyatçılar” sənədli filminin təqdimatı da keçirilib.

Məlumat üçün qeyd edək ki, 1997-ci il aprelin 7-də iki kəşfiyyat qrupu xüsusi tapşırıqla Qarabağa göndərilir. Qrup düşmənin arxasına keçərək tapşırığı yerinə yetirir. Birincin qrup itkisiz qayıdır, lakin ikinci qrupu bir yaşlı erməni qadını görür. Təbii ki, döyüşçülərimiz o qadına toxunmurlar. Ancaq bir az keçmiş düşmən həmin o qadının xəbəri ilə kəşfiyyat qrupunu mühasirəyə alır və təslim olmalarını söyləyirlər. Təslim haqqında təklif döyüşçülərimiz tərəfindən rədd edildikdən sonra ağır döyüş başlayır.

Kəşfiyyatçılarımız düşmənin xeyli canlı qüvvəsini məhv edir. Güllələri qurtardıqda düşmənin əlinə keçməmək üçün özlərini qumbara ilə partladırlar. 8 nəfər heyətdən ibarət olan qrupun 7-üzvü şəhid olur, onlardan biri Əhmədov Aqil Mürsəl oğlu isə ağır yaralanaraq huşsuz vəziyyətdə əsir düşür. Erməni məhkəməsi Aqilə güllələnmə qərarı da çıxarır. Ancaq uzun sürən danışıqlardan sonra Aqili dəyişmək mümkün olur.(musavat.com)

Xatırladaq ki, onların hər birini mərhum prezident Heydər Əliyev "Azərbaycan Bayrağı" ordeni ilə təltif edib:

Leytenant Ağayev Elxan Ataxan oğlu: 

Leytenant Gərəhmədov Vüqar Rzaxan oğlu: 

Çavuş Rzayev Anar Üzeyir oğlu; 

Çavuş Mustafayev Dinar İbrahim oğlu; 

Çavuş Həsənov Aqşin Əli oğlu; 

Çavuş Ələkbərov Nizami Səfi oğlu; 

Çavuş Cavadov Fariz Şamil oğlu; 

Çavuş Aqil Əhmədov Mürsəl oğlu (Sağdır)

Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru