Tarix:24-11-2016 14:47
Sarkisyan qoşunlarını işğal olunmuş ərazilərdən çıxarsın! - XİN
Şərh yaz
Ermənistan prezidenti həqiqətən Azərbaycanın ərazi bütövlüyünə hörmətlə yanaşırsa, onda ilk addım kimi öz qoşunlarını işğal olunmuş bütün Azərbaycan ərazilərindən çıxarmalıdır.
 
Bunu Azərbaycan Xarici İşlər Nazirliyinin mətbuat xidmətinin rəhbəri Hikmət Hacıyev bu yaxınlarda Ermənistan prezidenti Serj Sarkisyanın “Sputnik” informasiya agentliyinə müsahibəsini şərh edərkən deyib.
 
H.Hacıyev bildirib ki, müsahibədə Ermənistan prezidenti yenə də öz mahiyyətini ortaya qoyub, iddialarla və şikayətlərlə çıxış edib: "ATƏT-in Minsk qrupunun həmsədr ölkələrinin prezidentlərinin Akvil, Muskoka, Dövil, Los-Kabos və Enniskilen bəyanatlarında Helsinki Yekun Aktına uyğun olaraq münaqişənin həllinin əsasını təşkil edən prinsiplər öz əksini tapıb. Bu prinsiplərə güc tətbiq etməmək və ya güc tətbiq edərək hədələməmək, dövlətlərin ərazi bütövlüyü və öz müqəddəratını təyinetmə daxildir. Ermənistan Azərbaycana qarşı işğalçılıq siyasətini, o cümlədən ölkəmizin ərazi bütövlüyünə qarşı güc tətbiqetmə və ya güclə hədələmə, gücdən istifadə etməklə ərazilərin ilhaqı və əhalinin zorla öz doğma yurdlarından qovulması kimi beynəlxalq hüquqa zidd hərəkətlərini ört-basdır etmək məqsədilə bu prinsipləri təhrif edir, onların tətbiqində selektiv yanaşmaya və ikili standartlara yol verməyə çalışır".
 
XİN rəsmisi əlavə edib ki, 1975-ci il Helsinki Yekun Aktında ilk növbədə bir dövlətin digər dövlətin ərazi bütövlüyü və ya siyasi suverenliyinə qarşı güc tətbiq etmək və ya güc tətbiq edərək hədələməkdən çəkinməsi kimi öhdəliyinin olduğu qeyd edilir: "Eləcə də dövlətlərin sərhədlərinin toxunulmazlığı və ərazi bütövlüyü prinsipləri bir daha təsdiq olunaraq güc vasitəsilə ərazi əldə edilməsinin qəbuledilməzliyi vurğulanır. Bununla bərabər, dövlətlərin ərazi bütövlüyü və ya siyasi suverenliyinə qarşı gücdən istifadə nəticəsində yaranmış vəziyyətin hüquqi qəbul edilməməsinə dair dövlətlərin öhdəliyi var. Güc tətbiq etmək və ya güc tətbiq edərək hədələmək prinsipindən çox danışan Ermənistan tərəfi anlamalıdır ki, bu prinsipdən irəli gələn şərtlərin icra edilməsi məsuliyyəti də bilavasitə Ermənistana aiddir. Hərbi güc tətbiq edərək Azərbaycanın ərazilərini işğal edən tərəf Ermənistandır. Azərbaycanın işğal edilmiş ərazilərində çoxsaylı hərbi kontingent saxlayaraq hədə doğuran tərəf də məhz Ermənistandır. Ermənistanın qoşunları işğal olunmuş Azərbaycan ərazilərindən çıxarılmayana qədər Ermənistan Azərbaycana qarşı güc tətbiq etmək və güc tətbiq edərək hədələmək kimi qeyri-qanuni fəaliyyətini həyata keçirir".
 
O qeyd edib ki, Ermənistan Azərbaycanın ərazi bütövlüyünə və suverenliyinə qarşı güc tətbiq edərək onun ərazilərinin işğalını və törədilmiş etnik təmizləmənin nəticələrini “öz müqəddəratını təyinetmə” kimi təqdim etmək cəhdləri göstərir: "Bu, sadəcə olaraq, Ermənistanın Azərbaycana qarşı təcavüzkar siyasətini və ölkəmizin ərazilərinin ilhaqını pərdələmək cəhdindən başqa bir şey deyil. Xalqların öz müqəddəratını təyin etməsi hüququnun ifadəsi hər hansı dövlətin ərazi bütövlüyü və ya siyasi müstəqilliyinə qarşı fəaliyyətin həyata keçirilməsinə imkan verən hal kimi təfsir oluna bilməz. Helsinki Yekun Aktının 8-ci bəndində deyilir: “İştirakçı dövlətlər xalqların bərabər hüquqları və öz müqəddəratını təyin etmək hüququna hörmət edərək, bütün hallarda BMT Nizamnaməsinin məqsəd və prinsiplərinə və beynəlxalq hüququn müvafiq normalarına, eləcə də dövlətlərin ərazi bütövlüyünə uyğun şəkildə fəaliyyət göstərəcəklər”.
 
H.Hacıyev deyib ki, Ermənistan BMT-yə, ATƏT-ə və digər beynəlxalq təşkilatlara üzv olarkən öz üzərinə digər dövlətlərin ərazi bütövlüyü və suverenliyinə hörmət etmək kimi öhdəlik götürüb: "Hər bir dövlət kimi, Ermənistanın da borcu və öhdəliyidir ki, digər dövlətlərin, o cümlədən qonşu Azərbaycanın ərazi bütövlüyü və suverenliyinə hörmətlə yanaşsın. Azərbaycanın ərazi bütövlüyünün yalnız bir anlayışı var və bu anlayış da Azərbaycanın beynəlxalq səviyyədə tanınmış sərhədləri daxilində ərazi bütövlüyü və suverenliyini nəzərdə tutur. Ölkəmizin ərazi bütövlüyü Dağlıq Qarabağ Azərbaycanın ayrılmaz hissəsi olaraq bütün beynəlxalq ictimaiyyət tərəfindən tanınır. Ermənistan konstitusiyasına görə, ölkənin xarici siyasətini dövlət başçısı müəyyən edir və o, Azərbaycanın ərazi bütövlüyünə hörmətlə yanaşdığını dediyi halda, digər şəxslər fərqli bəyanatlarla çıxış edirlər. Ermənistan prezidenti həqiqətən Azərbaycanın ərazi bütövlüyünə hörmətlə yanaşırsa, onda ilk addım kimi öz qoşunlarını işğal olunmuş bütün Azərbaycan ərazilərindən çıxarmalıdır. Ermənistan prezidentinin də şəxsən qatıldığı Sankt-Peterburq görüşündə müzakirə olunan təkliflər də bunu nəzərdə tutur".
 
XİN rəsmisi bildirib ki, indi Ermənistan tərəfi Sankt-Peterburq görüşündən irəli gələn məsələlərin həlli istiqamətində addımlar atmaq və qəbuledilməz hesab olunan status-kvonu dəyişmək əvəzinə, bəhanələrə əl atır, qəsdən insidentlərin araşdırılması kimi texniki məsələləri gündəliyə gətirməklə əsas hədəfdən yayınmağa cəhd göstərir:
 
"Nəzərə almaq lazımdır ki, münaqişənin həlli prosesində BMT Təhlükəsizlik Şurasının məlum qətnamələri kimi vacib sənədlər var. Bu qətnamələr də ATƏT-in Minsk qrupunun həmsədrlərinin mandatının əsasını təşkil edir. 1993-cü ildə BMT Təhlükəsizlik Şurası 822, 853, 874 və 884 saylı qətnamələri qəbul edərək Azərbaycana qarşı gücdən istifadə olunmasını və onun torpaqlarının işğal edilməsini pisləyib. Bu qətnamələrdə Təhlükəsizlik Şurası Azərbaycanın ərazi bütövlüyü və suverenliyinə hörmətini bir daha ifadə edib və Dağlıq Qarabağ regionunun Azərbaycanın ayrılmaz hissəsi olduğunu bir daha təsdiq edib, işğal olunmuş ərazilərdən bütün işğalçı qüvvələrin dərhal, tam və qeyd-şərtsiz çıxarılmasını tələb edib. Bu qətnamələr, eləcə də beynəlxalq humanitar hüququn pozulması hallarını, Azərbaycanda böyük sayda mülki əhalinin zorakılıqla qovulmasını, mülki əhaliyə qarşı hücumları və onun ərazisinin bombardman edilməsini xüsusilə vurğulayıb. Ermənistan bu qətnamələrin tələblərini hələ də yerinə yetirməyib".
 
H.Hacıyev qeyd edib ki, Ermənistan dövlətinin başçısının Dağlıq Qarabağın “müstəqil olmasını və ya Ermənistana birləşdirilməsi”ni görməyi arzulaması və hələ bundan bir qədər əvvəl “Dağlıq Qarabağ Ermənistanın ayrılmaz hissəsidir” deməsi beynəlxalq hüquqa, BMT Təhlükəsizlik Şurasının məlum qətnamələrinə, Helsinki Yekun Aktına, digər beynəlxalq təşkilatların müvafiq qərar və qətnamələrinə köklü şəkildə ziddir: "Bu, bir daha sübut edir ki, Ermənistan Azərbaycanın işğal olunmuş ərazilərinin ilhaqı siyasətini yürüdür və Ermənistan münaqişənin beynəlxalq hüququn norma və prinsipləri əsasında danışıqlar yolu ilə həllinin tərəfdarı deyil, bu ölkənin danışıqlarda iştirakı imitasiya məqsədi daşıyır". (Trend)
Orphus system Mətndə orfoqrafik səhv aşkar etdinizsə, həmin hissəni qeyd edib Ctrl + Enter düymələrini sıxın.
Xəbərlərimizi Faktxeber.com-un facebook səhifəsində də izləyə bilərsiniz.
İmza : N
Teqlər :
XİN - Ermənistan - Sarkisyan - ərazi_bütğvlüyü -
Paylaş :
Mail Yazdır Şərh yaz 0 dəfə şərh edilib
Tarix:24-11-2016 14:47 - Oxundu: 633
Siyasət
29-04-2017 10:35 İran prezidentliyinə namizədlər platformalarını açıqladı
28-04-2017 15:45 Suriyaya səfər etmək mənim vəzifəm idi -Pedro Aqramunt
28-04-2017 15:00 Milli Şura BŞİH-in təklifi ilə razılaşmayıb
28-04-2017 14:13 XİN Dağlıq Qarabağda çıxış etmiş musiqiçiləri "qara siyahı"ya salacaq
28-04-2017 12:35 Moskvada Lavrov-Məmmədyarov-Nalbandyan danışıqları başlayıb
28-04-2017 12:01 MSK partiyalarla bağlı geniş araşdırmalara başlayıb
28-04-2017 11:51 XİN Zaxarovanın jurnalistlərlə bağlı açıqlamasına münasibət bildirib
27-04-2017 21:19 Azərbaycan XİN 7 ölkəyə xəbərdarlıq etdi
27-04-2017 10:45 Azərbaycanlı diplomatın arvadı Nyu-Yorkda oğurluqda ittiham olunub
26-04-2017 15:07 Milli Məclisin növbəti iclasının vaxtı və GÜNDƏLİYİ
25-04-2017 15:59 Azərbaycan tərəfindən Yəmənə humanitar yardım göstərilib
25-04-2017 12:32 ""İndependent"in məqaləsində regiondakı real vəziyyət təhrif olunub"
25-04-2017 10:05 Donald Tramp Azərbaycana maliyyə yardımını ləğv etməyi planlaşdırır
24-04-2017 17:08 Aureliya: Ermənilərin əsassız bəyanatları faktiki baxımdan təsdiqlənmir
24-04-2017 14:31 Beynəlxalq Forum erməniləri “abırlı” olmağa çağırdı
24-04-2017 09:31 Bu gün Strasburqda AŞPA-nın yaz sessiyası başlayır
22-04-2017 20:44 İqtisadçı Rövşən Ağayev REAL Hərəkatından ayrılıb
18-04-2017 11:57 Avropa İttifaqı Azərbaycanda 70 layihəyə 90 milyon avro ayırıb
18-04-2017 10:54 Azərbaycanlı və erməni deputatlar görşə bilər
18-04-2017 10:32 ATƏT Parlament Assambleyasının sədri Azərbaycana səfər edəcək
18-04-2017 09:28 İrəvan teatrının yaradıcısının nəvəsi Bakıya gəlmək istəyir
17-04-2017 11:28 Tofiq Zülfüqarov Mehriban Əliyevaya müraciət etdi
16-04-2017 21:41 Prezident İlham Əliyev Ərdoğanı təbrik edib
14-04-2017 14:44 Rusiya XİN: Xəzərin statusuna dair Konvensiya layihəsi imzalanmaya hazırdır
13-04-2017 11:01 Prezident İlham Əliyev Vitali Kliçkonu qəbul edib
10-04-2017 12:09 İlham Əliyevin sədrliyi ilə Nazirlər Kabinetinin iclası keçirilib
08-04-2017 17:29 Milli Şura Bakıda mitinq keçirib
07-04-2017 10:06 Fransalı jurnalist Qarabağa getmək üçün Azərbaycan XİN-dən icazə istədi
07-04-2017 09:54 Azərbaycanla Aİ arasında danışıqlar başlanır
04-04-2017 20:15 Milli Şura mitinqin vaxtını dəyişib
04-04-2017 15:53 Lavrov: Azərbaycan və Ermənistan mübahisəli məsələlərdə razılaşıblar
04-04-2017 10:01 Azərbaycanın demokratiya balı bir az da düşüb
03-04-2017 14:15 Azərbaycan və Qazaxıstan arasında 6 sənəd imzalanıb
03-04-2017 11:42 Maliyyə hesabatı təqdim etməyən partiyaların sayı açıqlanıb
03-04-2017 11:32 Sergey Lavrov: Dağlıq Qarabağ münaqişəsinin həlli...
31-03-2017 11:42 "Dağlıq Qarabağ nizamlanmasının bir çox aspektləri artıq razılaşdırılıb"
29-03-2017 14:05 "Dağlıq Qarabağ münaqişəsinin tənzimlənəcəyinə ümid qalmayıb"
29-03-2017 10:15 MSK indiyədək illik maliyyə hesabatı verən partiyaların sayını açıqlayıb
28-03-2017 20:16 AXCP sədrliyinə sabiq namizəd partiyadan çıxarılıb
28-03-2017 15:13 Lukaşenko: Azərbaycan və Ermənistan münaqişəni vasitəsiz həll etməlidir
28-03-2017 14:35 Prezident: “Sahibkarlar fəal olmalı, özləri yeni bazarlara çıxmalıdırlar”
27-03-2017 20:34 Azərbaycan və Ermənistan xarici işləri nazirləri Moskvada görüşəcəklər
27-03-2017 14:50 XİN Şuşa məscidi ətrafında baş verənləri vandalizm kimi qiymətləndirdi
27-03-2017 11:40 Oqtay Əsədov Rusiyaya gedib
18-03-2017 15:02 "Ermənistan nə qədər tez anlasa, onlar üçün də o qədər yaxşı olacaq"
17-03-2017 22:39 Milli Məclis hökumətin hesabatını qəbul edib
17-03-2017 12:30 Baş nazir: "Beynəlxalq Bankın keçmiş rəhbəri Azərbaycanı daha pis vəziyyətə salıb"
16-03-2017 10:56 "Çətinliklərin öhdəsindən gəldik, bu il iqtisadi artım olacaq”
15-03-2017 15:40 "Ermənistanın şərt qoyması danışıqların pozulması, boykot və şantajdır"
15-03-2017 09:06 Azərbaycan və Fransa prezidentləri mətbuata bəyanatlarla çıxış ediblər
14-03-2017 16:32 İlham Əliyevin Fransaya rəsmi səfəri başlayıb
14-03-2017 12:20 Rusiya Qarabağ münaqişəsində ehtiyatlı mövqe tutur - Maksim Şevçenko
14-03-2017 11:57 Sabah Bakıda AŞPA-nın komitə iclası keçiriləcək
14-03-2017 10:57 Azərbaycan pasportu ilə daha çox ölkəyə vizasız getmək olacaq
14-03-2017 10:41 "Hücum edən şəbəkədə Azərbaycanın bir neçə hökumət qurumu var idi..."
13-03-2017 15:37 "Vitse-prezidentlərlə bağlı qanun qəbul ediləcək"
13-03-2017 14:00 Gürcüstan səfirliyi Batumidə baş verənlərlə bağlı bəyanat yayıb
11-03-2017 10:33 Prezident İlham Əliyev ATƏT-in Minsk qrupunun həmsədrlərini qəbul edib
10-03-2017 21:29 Türkiyə-Rusiya-Azərbaycan ittifaqının yaradılması müzakirə olunub
10-03-2017 20:59 AİP Baş Məclisinin növbəti iclası keçirilib - VİDEO

Xəbər Lenti
Bu gün ən çox oxunanlar


Sorğu
Səs ver Nəticələr

Ölkə Siyasət
Dünya Münasibət
Hüquq İqtisadiyyat
Hərb Təhsil
Araşdırma Analiz
Hadisə, Kriminal Top Secret
İdman Maraq Dünyası
Mənəviyat Ailə-Uşaq
Sağlamlıq Foto
Tarix Video
Texnologiya Mədəniyət
Reportaj Vətən uğrunda
Рейтинг@Mail.ru ® 2009 FAKTXEBER.COM - Azərbaycan Onlayn Xəbər Portalı

Dərc olunan materilların mətninə görə, redaksiya heç bir məsuliyyət daşımır.
Saytdakı materiallardan istifadə edərkən istinad zəruridir.


Rss - Saytın Xəritəsi - Dizayn : AA Design

Faktxeber.az