Xəbər Lenti

Sorğu

İnfografika

Arxiv

18 Mart

2017
17:04
877
Rekert jurnalistlər yeni varianta başlayıblar - FAKTXƏBƏR-DƏN AÇIQLAMA

Son zamanlar dövlət səviyyəsində rekert jurnalistlərə qarşı aparılan mübarizə effekt verməyə başlayıb və bu sahədə adı çıxanların bir hissəsi məsuliyyətə cəlb olunub, bir hissəsi isə ortalıqdan çəkilib. Amma buna baxmayaraq, künc-bucaqda fəaliyyət göstərən, kimlərisə ləkələməyə çalışan əxlaqsız adamlar var. Özlərini jurnalist adlandıran, əslində isə çirkli yollarla pul qazanmaq istəyən belələri son günlər yeni variantlara əl atmağa başlayıblar. Onlar əməkdaşı olduqlarını söylədikləri redaksiyaların qapısını belə tanımadıqları halda, əllərində ifşaedici materiallar olduğunu söyləyib, idarə və müəssisələrin canlarına düşüblər. 

FaktXəbər olaraq bildiririk ki, son günlər bu cür əxlaqsızlıq edən şəxslər bizim də adımızdan istifadə edərək, bəzi idarə rəhbərlərinə poçtla məktub göndəriblər və ifşaedici materialları saytımızda dərc etdirəcəyini bildiriblər. FaktXəbər olaraq bildiririk ki, biz fəaliyyətimizi Azərbaycan Respublikasının qanunları çərçivəsində qurmuşuq və hər hansısa şəxs və ya şəxslər barəsində heç bir konkret fakta söykənməyən material dərc etmirik, etməyəcəyik də.

Azərbaycanda fəaliyyət göstərən bütün idarə, müəssisə və təşkilatlara bildiririk ki, FaktXəbər adından onlara daxil olmuş hər hansı bir yazılı və ya elektron məktub (əgər [email protected] və ya [email protected] elektron poçtlarından daxil olubsa) barədə dərhal 055-786-96-84 nömrəsi ilə əlaqə saxlasınlar, özlərini jurnalist kimi təqdim edən şəxsdən isə vəsiqə tələb etsinlər, ehtiyac olduğu halda vəsiqəsin üstündə qeyd olunan yuxarıdakı nömrə ilə əlaqə saxlayıb jurnalistin kimliyini dəqiqləşdirsinlər. Əks halda, yaranmış problemə görə FaktXəbər heç bir məsuliyyət daşımır. Paralel olaraq qeyd edək ki, FaktXəbər İnternet Portalı .az.com domenləri ilə fəaliyyət göstərir. Digər domenlər altındakı fəaliyyət göstərən saytların bizimlə yaxından-uzaqdan heç bir bağlılığı yoxdur.

FaktXəbər redaksiyası

Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru