FaktXəbər-in verdiyi məlumata görə, Suriya ordusunun Rəqqa şəhərinə təşkil etdiyi genişmiyaslı hucmlar zamanı 14 yaşayış məntəqsi İŞİD terrorçularından geri alınıb. Bu barədə "Almasdarnews" saytı məlumat verib.

Məlumatda bildirilir ki, Suriya ordusunun "Pələnəg" diviziyası İŞİD-in paytaxtı Rəqqanın cənub-qərbində Saura və Sufyan neft yataqlarının yaxınlığında yerləşən 14 yaşayış məntəqəsini geri almağı bacarıb.

Suriya ordusunun geri aldığı məntəqələr bunlardır: Mədəfə-Əvidjan, Əl-Buxmis, Bir-as-Sidran, Rəcim-əl-həvra, Həc Məfdi, Bir-əl-ədad, Əbu-əs-sinabil, Bir-əl-əmələ, Təl-Rəcm-əl-əmələ, Məskən-əs-saura, Əl-caif, Musa-əl-Mühəndis, Əbu Həmat, Ahu Hədlə.
 
Bu arada ötən gün İran Hərbi Hava Qüvvələri Kermanşah və Kürdistan ostanlarındakı bazalardan İŞİD-in Suriyanın Deyr əz-Zor əyalətindəki mövqelərinə 6 ballistik raket zərbəsi endirib. Raket hücumu zamanı itkilər barədə rəsmi məlumat verilməsə də, İŞİD terrorçularına böyük zərbə vurduğu bildirilir.