Xəbər Lenti

Sorğu

Arxiv

İnfografika

17 Mart

2017
22:20
380
İran və Səudiyyə Ərəbistan Həcc ziyarəti ilə bağlı razılığa gəlib

İranlı zəvvarlar cari ilin Həcc mövsümündə Səudiyyə Ərəbistanına səfər edəcəklər. 

FaktXəbər-in APA-ya istinadən verdiyi məlumata görə, bu barədə İranın Həcc və Ziyarət Təşkilatı açıqlama verib.

Açıqlamada bildirilir: “İran xalqının diqqətinə çatdırırıq ki, cari ildə Həcc ziyarəti barədə Səudiyyə Ərəbistanı Həcc Nazirliyi ilə aparılan danışıqların ardınca və onlardan istədiklərimizin yerinə yetirilməsinə əmin olduqdan sonra ali lider, İslam Respublikası məsul şəxsləri və İran xalqının istəyinə uyğun olaraq ölkəmizdən olan zəvvarların təhlükəsizliyinə, izzət və hörmətlərinin qorunmasına təminat verilir. Əldə olunan razılığa əsasən  konsulluq, tibbi yardım və digər ehtiyac olan xidmətlərin göstərilməsi nəzərdə tutulur. Allahın lütfü ilə cari ilin Həcc mövsümündə 85 min nəfərin Həcc ziyarətini yerinə yetirməsi üçün şərait yaranıb. Təbiidir ki, aparılan danışıqlarda müxtəlif məsələlər, o cümlədən Mina faciəsində şəhid olanlar,  Məscidul-Haram hadisəsində şəhid olanlar haqqında danışılıb və ilk fürsətdə keçiriləcək mətbuat konfransında ona dair açıqlamalar veriləcək”.

Qeyd edək ki, 2015-ci ilin Həcc ziyarəti zamanı yaşanan faciəvi insidentdən sonra rəsmi Tehran vətəndaşlarına Məkkəyə getməyi qadağan edib. Həmin il Mina faciəsində 466 iranlı zəvvar həyatını itirib.

Orphus system Mətndə orfoqrafik səhv aşkar etdinizsə, həmin hissəni qeyd edib Ctrl + Enter düymələrini sıxın.
Xəbərlərimizi Faktxeber.com-un facebook səhifəsində də izləyə bilərsiniz.
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com