Xəbər Lenti

Sorğu

İnfografika

Arxiv

Yazar

09 Dekabr

2016
12:05
1173
İqtisadi böhran varlılar üçün böyük təhlükədir

Son günlər ölkədə oğurluq hallarının sayı artıb. Oğurlar artıq gizlənmədən, günün günorta çağı böyük ticarət mərkəzlərindən oğurluq etməkdən belə çəkinmirlər. Politoloq Arzu Nağıyev özünün facebook səhifəsində Bakıdakı ticarət mərkəzlərindən birində baş vermiş oğurluq səhnəsinin videosunu paylaşıb. 

A.Nağıyevin “ Bu videoda görünən əlində böyük bağlama tutan şəxs Bakıdakı ticarət mərkəzlərindən birində oğurluq edərkən kameralara düşüb...Bəlkə tanıdınız,siz də ehtiyatlı olun...” şərhi ilə paylaşdığı videodan görünür ki, bir şəxs əlində böyük bir bağlamanı qucağında aparır. Həmin bağlamanın içində televizor olduğu ehtimal edilir.   

Bundan başqa Ədliyyə Nazirliyinin əməkdaşının Bakıda yerləşən evindən külli miqdarda pul və qızıl-zinət əşyaları oğurlanıb. Hamiz Hümmət oğlu Məlikzadənin Binəqədi rayonu, Çiçək qəsəbəsi 16/316 nömrəli evə günorta saatlarında girən naməlum şəxsoaradan  30 min manat, 8 min dollar və dəyəri 10 manat olan qızıl-zinət əşyaları aparıb.

Göründüyü kimi, oğurluqlar günün-günorta çağı baş verir və obyekt kimi varlı şəxslərin əmlakları seçilir. 

24 il 6 ay polis sistemində çalışmış keçmiş polis rəisi, istefada olan polis polkovnik-leytenantı Mahmud Hacıyev deyir ki, oğruluq subyektiv cəhətdən qəsdən törədilən cinayətdir. Onu anlaqlı şəxs qəsdən edir. 

“Belə bir əmələ imza atmağa hazırlaşan insan düşünür -kimin nəyini oğurlayacaq, hara gedir, niyə görə gedir. Burada elementar məntiq var. Oğru əvvəlcədən hazırlıq görür. Spontan oğurluq çox nadir halda ola bilər. Oğurluğa hazırlaşan şəxs bilir ki, böyük riskə gedir. Oğurluq cinayətdir və gələcəkdə törətdiyi əmələ görə azadlqıdan məhrum oluna bilir. Aydın məsələdir ki, bunu düşünən şəxs çalışacaq ki, əldə etdiyi əmlak riskə dəysin. Yəni kasıbın  evini yarmaqdan, kasıbın malını oğurlamaqdan vaz keçəcək. Əldə etdiyi maddiyyatın riskini qarşılamasını, bir növ özünü doğrultmasına çalışacaq. Odur ki, oğrunun varlının evinə ”baş çəkməsi" daha çox hallarda baş verir. Oğurlanacaq obyekt seçiləndə maddiyyat, var-dövlət əsas götürülür" deyə, sabiq rəis bildirib. 

Mahmud Hacıyev ölkədə tüğyan edən iqtisadi böhranın oğurluq hallarınının sayında özünü göstərməsini labüd sayır: “Bu aksiomadır. Hansı ölkədə iqtisadi-maddi durum çətindirsə, iş yerləri bağlanırsa və işsizlər ordusu yaranırsa, orada oğurluqların sayının artmasında təəccüblü heç nə yoxdur. Azərbaycan manatı 120 faizdən artıq dəyərini ititrib. Özəl sektordan və dövlət qurumlarından kütləvi ixtisarlar həyata keçirildi. Ölkədə çox ciddi işsizlik yaranıb. Adamlar ciblərindəki son qəpik-quruşlarını xərcləyib qurtarıblar. Bu yandan kommunal xərclər ortalama 70 faizdən artıq bahalaşıb. Bazar-dükanda qiymətlər od tutub yanır. Sosial durumun son həddə qədər aşağı enməsi tamah motivi ilə törədilən cinayətlərin sayını qaldıracaq. Oğurluq motiv cəhətdən tamah məqsədi ilə törədilən cinayətdir. Bu baxımdan varlı-dövlətli şəxslərin əmlaklarının oğurlanması hallarının sayında artımın qeydə alınması da davam edəcək. Oğru çalışır ki, varlının evini yarsın ki, riskinın qarşılığında çoxlu maddiyyat əldə etsin”.(musavat.com)

Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


25-11-2017 07:57

ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru