FaktXəbər-in verdiyi məlumata görə, Kataloniyanın sabiq rəhbəri Karles Puçdemon bildirib ki, region müstəqillik istəyindən imtina də bilər. O, Almaniyanın "Welt" nəşrinə müsahibəsində deyib ki, Kataloniya probleminin həllini İspaniyanın tərkibində qalmaqla da tapmaq olar.

K.Puçdemon eyni zamanda Kataloniya seçkilərində iştirakı barədə suala cavab verməkdən yayınıb. Seçkilər dekabrın sonunda Madridin təşəbbüsü ilə baş tutacaq. Buna qədər açıqlamasında Karles Puçdemon qeyd edib ki, seçkilərdə yalnız güclü koalisiyanın ona dəstək verəcəyi təqdirdə iştirak edəcək.

Xatırladaq ki, Kataloniyanın sabiq rəhbəri hazırda Belçikada gizlənir. İspaniya hökuməti onun deportasiyasını tələb edir.