Xəbər Lenti

İnfoqrafika

Arxiv

Yazar

18 May

2018
13:34
23388
Pensiya yaşına çatmış müəllimlərə VACİB XƏBƏR

Bu ildən yaşı 65-ə çatmış ibtidai sinif, Azərbaycan dili və ədəbiyyat, riyaziyyat, xarici dil müəllimləri ilə müddətli əmək müqaviləsinin bağlanılması ərazi maliyyə-hesablaşma mərkəzləri (ƏMHM) və rayon (şəhər) təhsil şöbələrinin (idarələrinin) birgə razılığı əsasında həyata keçiriləcək.

FaktXəbər-in məlumatına görə, bunu Təhsil Nazirliyi (TN) Trend-in sorğusuna cavab olaraq bildirib.

Nazirlikdən qeyd edilib ki, bu məsələ TN-nin 02.04.2018-ci il tarixli F-223 nömrəli əmrində öz əksini tapıb.

Əmrə əsasən, ƏMHM və R(ş)TŞ-ləri müddətli əmək müqaviləsinin bağlanılmasına dair qərar qəbul edərkən təhsil nazirinin 14 yanvar 2002-ci il tarixli 1404 nömrəli əmrinin, ümumi təhsil müəssisələrinə müəllimlərin işə qəbulunun və yerdəyişməsinin keçirilməsinə dair qaydaların tələblərinin əsas götürülməsinə nəzarəti təmin edirlər. Onlar eyni zamanda, çalışmanın yaş həddinə çatmasına 1 ay qalmış göstərilən ixtisaslar üzrə müəllimlərin siyahısının hazırlanması, onlara bildirişlərin göndərilməsini, sənədlərin bir sıra meyarlar üzrə qiymətləndirillməsinə nəzarəti təmin edirlər.

Həmin meyarlar ümumtəhsil müəssisəsində çalışma müddəti uzadılmış işçilərin sayının həmin müəssisənin işçilərinin sayının 2 faizindən artıq olmaması (nəzərə alınmalıdır ki, müəssisənin işçilərinin sayı 100 nəfərdən az olduqda, çalışma müddəti uzadılmış işçilərin sayı iki ştat vahidinə qədər yuvarlaqlaşdırılır), fənn üzrə orta dərs yükünün 1 stavkadan az olmaması, fənn üzrə ixtisaslı pedaqoji kadrların, əvəzetmə, müvəqqəti işə qəbul imkanlarının olmaması, çalışmanın yaş həddinə çatmış müəllimin diaqnostik qiymətləndirmədə topladığı bal (ixtisas/metodika), çalışmanın yaş həddinə çatmış müəllimin pedaqoji fəaliyyəti dövründə nailiyyətləri, pedaqoji kollektivdə və valideynlər arasında nüfuzudur.

Çalışmanın yaş həddinə çatmış müəllimlərlə müddətli əmək müqaviləsi, bir qayda olaraq, dərs ilinin sonunadək bağlanılır.

Qeyd edək ki, Əmək Məcəlləsinə əsasən, dövlət büdcəsindən maliyyələşən müəssisələrdə çalışmanın yaş həddi 65-dir.

Dövlət büdcəsindən maliyyələşən müəssisənin 65 yaşına çatmış işçisinin həmin müəssisədə çalışma müddəti müvafiq dövlət orqanının rəhbəri tərəfindən hər dəfə 1 ildən çox olmayaraq uzadıla bilər. Çalışma müddətinin 5 ildən çox uzadılmasına yol verilmir.

Məqalədə : pensiya müəllim 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Ələt-Şirvan dəmiryolu xəttində yanğın - VİDEO

15

İyun
14:27
HÜQUQ,HADİSƏ
1445

Azərbaycan neftinin qiyməti 64 dolları keçib

15

İyun
13:58
İQTİSADİYYAT
414

Sabahın hava proqnozu açıqlanıb

15

İyun
13:40
ÖLKƏ
166

Azərbaycan avtomobil idxalını 2,1 dəfə artırıb

15

İyun
10:00
İQTİSADİYYAT
1162

Metroda təhlükəli anlar

14

İyun
21:02
HÜQUQ,HADİSƏ
952

Azərbaycan FIFA reytinqində gerilədi

14

İyun
19:27
İDMAN
2298

Bakıda 27 yaşlı gənc dənizdə batıb

14

İyun
19:00
HÜQUQ,HADİSƏ
999
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


16-06-2019 06:40



  (+994 55) 786-96-84

  [email protected]

Valyuta.com

Рейтинг@Mail.ru