Xəbər Lenti

Sorğu

İnfografika

Arxiv

04 May

2011
16:04
4978
PENSİYALARIN ARTIRILMASI GÖZLƏNİLİR
Azərbaycan Dövlət Sosial Müdafiə Fondu (DSMF) prezidentin tapşırığı əsasında əvvəllər pensiyaya çıxmış şəxslərin müavinətlərinin yeni qaydalarla yenidən hesablanması prosesinə start verib

FaktXeber.com-un verdiyi məlumata görə, bu barədə DSMF sədri Səlim Müslümov açıqlama verib. Onun sözlərinə görə, DSMF artıq müvafiq qanunvericilik aktına, yəni “Əmək pensiyaları haqqında” qanuna dəyişikliklər edilməsi ilə bağlı qanun layihəsi hazırlayıb və hökumətlə razılaşdıraraq dövlət başçısına təqdim edib. Bu günlərdə həmin sənədin parlamentə göndərilməsi gözlənilir.

“Layihənin illik maliyyə tutumu 390 mln. manatdır. Dəyişikliklərin ilin ikinci yarısından qüvvəyə minməsi gözlənilir. Ona görə də bu il pensiyaların artımına 195 mln. manat xərclənəcək və bu, büdcəyə gözlənilən dəyişikliklərdə nəzərə alınacaq” - deyə S.Müslümov qeyd edib.

DSMF sədri deyib ki, təkrar hesablama zamanı pensiyalar yalnız artım istiqamətində dəyişiləcək. Yəni pensiyası azalmalı olan şəxslərin müavinətləri azaldılmayacaq, olduğu kimi saxlanılacaq: “Azərbaycanda minimum pensiya da artırıla bilər, amma artımın nə qədər olacağı bilinmir. Çünki müxtəlif variantlar nəzərdən keçirilir və qərar verilərkən bütün parametrlər, o cümlədən dövriyyədə olan pul kütləsinin həcmi və inflyasiya göstəriciləri nəzərə alınacaq”.

Emin Nəsirli

Система Orphus Mətndə orfoqrafik səhv aşkar etdinizsə, həmin hissəni qeyd edib Ctrl + Enter düymələrini sıxın.
Xəbərlərimizi Faktxeber.com-un facebook səhifəsində də izləyə bilərsiniz.
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  faktxeber@gmail.com


Valyuta.com


Рейтинг@Mail.ru