Xəbər Lenti

Sorğu

İnfografika

Arxiv

11 Yanvar

2017
09:54
5334
Obamanın vida çıxışı hər kəsin əlini üzündə qoydu

ABŞ Prezidenti Barak Obama 8 illik rəhbərliyi dövründə başda iqtisadiyyat olmaqla bir çox sahədə uğurlu olduğunu və vəzifəyə gəldiyi gündən daha yaxşı ölkə qoyduğunu müdafiə edib, Amerika xalqını "ümidli və iradəli olmağa" çağırıb.

FaktXəbər-in məlumatına görə, Ağ Evdəki kreslonu yeni prezident Donald Trampa yanvarın 20-də təhvil verəcək Obama vida çıxışını siyasətə başladığı və "məmləkətim" adlandırdığı Çikaqoda edib.

"McCormick Place"dakı çıxışında əsasən Amerika ictimaiyyətin gözləntilərinə 8 illik prezidentliyi dövründə necə cavab verdiyini söyləyən Obama, Trampa rəhbərliyi "problemsiz şəkildə" təhvil verəcəyini söyləyib.

"Obamacare" kimi tanınan səhiyyə islahatından Amerika iqtisadiyyatının 2008-ci ildəki maliyyə böhrandan çıxışına qədər ABŞ vətəndaşlarını yaxından maraqlandıran məsələlər haqqında danışan Obama, 8 illik rəhbərliyində "ölkəni daha yaxşı hala gətirdiyini" söyləyib.

Trampın prezident kürsüsündə oturanda ilk iş olaraq dəyişməyi vəd etdiyi səhiyyə islahatıyla bağlı danışan Obama, "əgər daha yaxşı alternativ təqdim etsə, onu açıq şəkildə dəstəkləyəcəyəm", - deyib.

Çıxışında demokratiyanı tez-tez vurğulayan Obama, ABŞ-dakı müxtəlif irqlər arasında tolerantlığın öz prezidentliyi dövründə keçmişə nisbətən daha yaxşı hala gəldiyini də söyləyib.

Xarici siyasətlə bağlı məhdud açıqlamalar verən Obama, dünyanın ən çox müzakirə etdiyi və öz rəhbərliyinin də tez-tez tənqid edildiyi məsələlərin başında gələn Suriyadakı daxili müharibəyə heç toxunmayıb. Obama Yaxın Şərq ilə bağlı problemlərə də toxunmayıb.

Ekstremizmlə mübarizənin davam edəcəyini bildirən Obama, "İŞİD günahsız insanları öldürməyə çalışacaq, ancaq biz konstitusiyamıza və prinsiplərimizə xəyanət etmədiyimiz müddətdə Amerikanı məğlub edə bilməyəcəklər", - deyib.

Obama İŞİD ilə apardıqları qətiyyətli mübarizədə bu terror təşkilatının bir çox liderini öldürüldüklərini və "İŞİD əleyhinə beynəlxalq koalisiya sayəsində təşkilatın əlində olan torpaqların yarısından çoxunu itirdiyini" iddia edib.

Prezidentliyi dövründəki terrorla mübarizədə "hüquqi çərçivəsində" qalmağa çalışdığını vurğulayan Obama, "bunun üçün işgəncəni başa çatdırdıq, Quantanamo həbsxanasının bağlanması üçün mübarizə aparmışıq və amerikalı müsəlmanlara ayrı-seçkilik edilməsinə qarşı çıxmışıq. Demokratiya və hüququn üstünlüyü ilə hərəkət etdik. Xarici təxribatlara qarşı ayıq olmalıyıq və bizi biz edən dəyərlərin zəifləməməsi üçün səy göstərməliyik", - deyə danışıb.

Qeyd edək ki, Obamanın bu vida çıxışında söylədikləri onu eşidən hər kəsin əlini üzündə qoyub. Çünki danışdıqlarının 90 faizinin başdan-ayağa yalan olduğu gün kimi aydındır. Prezident seçkisi ərəfəsində Quantanamonu bağlayacağı sözünü vermişdi, İraqdan, Əfqanıstandan tamamilə çəkiləcəklərini açıqlamışdı, amma heç birini etmədi. Əksinə, Yaxın Şərqdə daha geniş müharibə zonaları yaratdı, İŞİD terrorçularının əl-qol atmasına şərait yaratdı, Suriyanın, İraqın torpaqlarının işğalına göz yumdu, 50 dəfə İŞİD terror təşkilatının başçısı Əbubəkr Bağdadinin öldürüldüyünü açıqladılar, dünya iqtisadiyyatını dollar siyasəti ilə çökdürdülər. Amerikada irqi, dini ayıseçkilik tüğyan etdi, qaradərililər heç bir cinayət etmədiyi halda küçənin ortasında güllələndi, müsəlmanlar təhqir olundu. Bunlar hələ Obamanın prezidentliyi dövründə edilənlərin bir hissəsidir.

Система Orphus Mətndə orfoqrafik səhv aşkar etdinizsə, həmin hissəni qeyd edib Ctrl + Enter düymələrini sıxın.
Xəbərlərimizi Faktxeber.com-un facebook səhifəsində də izləyə bilərsiniz.
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru