Xəbər Lenti

Sorğu

İnfografika

Arxiv

16 Mart

2017
12:52
951
İntihar edən yazarın ev üçün yığdığı pulu mənimsəyiblərmiş - VİDEO

Gənc yazar Mövlud Abdullayevin (Mövlud Mövlud) intiharının bəzi təfərrüatları məlum olub.  İntihar hadisəsi gecə 02.15 dəqiqədə baş verib. Yazar işlədiyi ofisin yaxınlığında, 7-ci mikrorayon, Axundov küçəsində 17 mərtəbəli binanın üst qatına çıxaraq özünü aşağı atıb. O, hadisə yerində dünyasını dəyişib. Mövlud Abdullayevin nəşi artıq Məhkəmə Tibbi Ekspertiza və Pataloji Anatomiya Birliyində müvafiq ekspertizadan keçirildikdən sonra qohumlarına təhvil verilib. Mərhum nəşi artıq doğulduğu Qazax şəhərinə göndərilib, o bu gün Qazaxda torpağa tapşırılacaq.

İntiharın səbəbləri dəqiq məlum deyil. Yaxınlarının verdiyi məlumata görə, son günlər mərhumun ailəsində problemlər yaşanırmış. Mərhum ev almaq üçün uzun müddət pul yığırmış, bəzi məlumatlara görə Mövlud Abdullayev yığdığı pulu ev almaq üçün bir tanışına verib, tanışı isə dələduzluq yolu ilə pulu mənimsəyib. Bundan sonra yaşanan problemlər ailə daxilində gərginliyə səbəb olub və mərhum yazar 20 gün əvvəl ailəsindən ayrılaraq tək yaşayıb. İntiharın dəqiq səbəbi istintaq araşdırmalarından sonra məlum olacaq. Artıq 1989-cu il təvəllüdlü Abdullayev Mövlud İsmayıl oğlunun intiharı ilə bağlı Binəqədi rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanılıb. 

Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru