Xəbər Lenti

Sorğu

Arxiv

İnfografika

18 Yanvar

2017
21:10
943
Mingəçevirli uşaq Van Damma meydan oxuyur - VİDEO

8 yaşlı Nihad hərəkətdə olan 2 avtomobil arasında "şpakat" açıb.

ARB TV xəbər verir ki, Nihad Ağayev öz istedadı ilə bir sıra uğurlara da imza atıb. 

İnsan həyatı üçün elə təhlükəli tryuklar var ki, biz onları ancaq filmlərdə görə bilirik. Mingəçevir sakini, 8 yaşlı Nihad Ağayevin real həyatda etdiyi tryuklar isə onu izləyənləri heyrətə gətirir. O, hərəkətdə olan iki avtomobil arasında "şpakat" açaraq, görənləri mat qoyur. 

Nihad Ağayevin istedadı bununla bitmir. O, Mingəçevirdə fəaliyyət göstərən kikboksinq idman klubunun üzvüdür. Dəfələrlə yarışlarda mübarizə aparan Nihadın bir sıra uğurları var. Azyaşlı 2016-cı ildə həmyaşıdları arasında Azərbaycan çempionu olub. Bununla yanaşı, o, paytaxt Bakıda təşkil edilən qaydasız döyüş növü üzrə Avrasiya Çempionatında qızıl medal əldə edib. 

Nihadın atası, eyni zamanda onun müəllimi olan Emin Ağayev deyir ki, övladının istedadını 4 yaşında kəşf edib.

Nihad Ağayev hər gün təşkil olunan təlim-məşq toplanışlarında iştirak edir. Onun ən böyük arzularından biri Avropa və Dünya çempionu olmaqdır. Hazırda azyaşlı kikboksinqçi mart ayında Bakıda təşkil ediləcək Azərbaycan Çempionatına hazırlaşır. Onun məqsədi bu nüfuzlu turnirdə uğurla çıxış etməkdir. 

Orphus system Mətndə orfoqrafik səhv aşkar etdinizsə, həmin hissəni qeyd edib Ctrl + Enter düymələrini sıxın.
Xəbərlərimizi Faktxeber.com-un facebook səhifəsində də izləyə bilərsiniz.
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com