Xəbər Lenti

Sorğu

İnfografika

Arxiv

27 Dekabr

2016
10:34
1132
Manatla bağlı nigarançılığı necə aradan qaldırmaq olar?
Qubad İbadoğlu: “Növbəti ildə manat dollar nisbəti bu ildəkindən xeyli fərqli olacaq”

“Artıq ilin sonuna barmaq sayılı günlər qalıb. Hələ də bu ilin ən böyük nigarançılığı və ən çox müzakirəsi manatla bağlıdır. Çünki manat yenə növbəti ilə gerçək məzənnəsi ilə qədəm qoya bilmir.” 

FaktXəbər-in məlumatına görə, bu sözləri açıqlamasında iqtisadçı alim Qubad İbadoğlu söyləyib. Onun sözlərinə görə, Mərkəzi Bank əlavə 1 ili də boşa xərcləyib. Bu səbəbdən də manatın "xəstəliyi" iqtisadiyyatın bütün sahələrinə təsir edib. İl ərzində 50 mindən çox iş yerləri bağlanıb, əmək haqları və pensiyalar dəyərsizləşib, istehlak bazarında nəinki idxal malları, həm də idxal komponentləri olan yerli məhsullar da bahalaşıb, inflyasiya ikirəqəmli ədədlə ifadə olunub.

Q.İbadoğlu bildirir ki, Azərenerji, ARDNŞ kimi inhisarçı şirkətlər xarici borc öhdəliklərini yerinə yetirə bilmədiyi üçün onların müraciətləri əsasında elektrik enerjisi və qazın ikinci dərəcəli tarifləri müvafiq olaraq 1.6 və 2 dəfə artırılıb: “2017-ci ildə büdcə kəsiri son 10 ilin zirvəsinə qalxıb, xarici ticarət və tədiyyə balansının mövqeləri xeyli zəifləyib.”

İqtisadçı alim ösylənilənlərin nəticəsi olaraq manatla bağlı narahatçılıqların bir az da artdığını və milli valyutanın növbəti ilə 3 məzənnə (valyuta hərracının məzənnəsi, kommersiya banklarının məzənnəsi və "qara bazar" məzənnəsi) ilə qədəm qoyduğunu deyir: “Onlar arasında "qara bazar" ən çox müzakirə mövzusuna çevrilib. Bəzi orqanlar da "qara bazar"ı ləğv etməyi qarşısına məqsəd qoysa da, ona nail olan bilmədi. Çünki, manatın banklardakı məzənnələri real bazar dəyərini ifadə edə bilməyib, onun satışı tam liberallaşdırılmayıb, əksinə, valyuta mübadilə məntəqələri bağlanıb. Ən başlıcası isə bəzi banklar özləri "qara bazar"ın əsas təchizatçısına və tədarükçüsünə çevriliblər və indiyədək iri valyuta əməliyyatlarını qeyri-leqal olaraq həmin bazarlarda reallaşdırırlar. Əslində "qara bazar" kiçik deyil, iri valyuta əməliyyatlarının alqı-satqısı üçün yaradılıb. Bu bazarda ünsiyyət vasitələri də bir çox hallarda canlı deyil, telefon rabitəsi ilə aparılır. Hazırda bir zənglə lazım olan qədər valyuta sifariş verənlər də elə banklarla əlaqəli şəkildə işləyirlər. Çünki, banklar üçün "qara bazar" dan çox onun məzənnəsi əhəmiyyətlidir. Elə ona gündəlik "qara bazar" kursunu dərc etməkdə mətbu orqanlar heç bir əziyyət çəkmirlər. Çünki onlar belə məlumatları real deyil, virtual bazarlardan alırlar. 

Bəllidir ki, "qara bazar"da formalaşan məzənnənin kommersiya banklarının alqı-satqı kursundan bir neçə qəpik də olsa da yuxarıdır, bu fərq də iri valyuta əməliyyatlardan böyük qazanclar götürmək üçün kifayət edir. Ona görə də hazırkı "qara bazar"lar bəzi kommersiya banklarına lazımdır, məhz belə bazarların yaşamasında da ən çox marağı olanlar da bəzi banklardır.” 

Q.İbdaoğıunun sözlərinə görə, nə qədər ki, manatın gerçək məzənnəsi, tarazlı kursu müəyyənləşməyib bir o qədər də "qara bazar"lar mövcud olacaq. Odur ki, müvafiq orqanlar "qara bazar"la mübarizəyə deyil, sərbəst üzən məzənnə rejiminə keçid üçün hazırlıq işlərinə daha çox diqqət yetirməlidir: “Çünki bundan başqa alternativ yoxdur. 

Yekunda məsləhətim odur ki, sonradan peşmançılıq çəkməməyiniz üçün manatla olan borclarınızı ilin sonuna qədər geri almağa çalışın və bu il ərzində manatla yeni borclar verməyin. Çünki növbəti ildə manat dollar nisbəti bu ildəkindən xeyli fərqli olacaq.”

Məqalədə : Qubad İbadoğlu manat 
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru