Xəbər Lenti

İnfoqrafika

Arxiv

Yazar

07 Dekabr

2018
16:02
1211
Magistraturaya qəbulda xarici dildən dinləmə sualları çox asan olacaq

“Magistratura üzrə qəbul imtahanına salınacaq dinləmə mətnləri, təxminən “B1” səviyyəsindədir. Asan anlaşılan, normal tapşırıqlardır. Dinləmə materiallarına uyğun verilən testlər də mətnə və beynəlxalq standartlara tam uyğundur”

FaktXeber.com-un verdiyi məlumata görə, bu sözləri AzEdu.az-a açıqlamasında ingilis dili müəllimi Turan Hüseynov deyib. O, imtahanların beynəlxalq standartlara uyğun təşkil olunmasının sevindirici hal olduğunu vurğulayıb:

“Yenilik tələbələrin, magistrların elmi fəaliyyətlərini gələcəkdə dünyanın öncül universitetlərində davam etdirmə prosesini asanlaşdırır. Çünki imtahanlar beynəlxalq normalarla bənzərlik təşkil edir. Magistratura üzrə qəbul imtahanına salınacaq dinləmə mətnləri, təxminən “B1” səviyyəsindədir. Asan anlaşılan, normal tapşırıqlardır. Dinləmə materillarına uyğun verilən testlər də mətnə və beynəlxalq standartlara tam uyğundur.

“Listening”in magistratura pilləsi üzrə qəbul imtahanlarına əlavə olunması tələbələr üçün üstünlükdür. Onlar bakalavr dövründə ingilis dilini keçiblər. İmtahana əlavə olunan tapşırıqlar həmin keçirilənlərin praktiki tətbiqini zəruri edir. Tələbələr bakalavrda keçdikləri dərslər üzrə praktiki hazırlaşsalar, imtahanda rahatlıqla uğur qazana bilərlər”.

Turan Hüseynov yeniliyin tələbələri dildən praktiki istifadəyə məcbur edəcəyini qeyd edib:

“Gələcək magistrantlar dissertasiya işlərinin hazırlanmasında, artıq dil problemi yaşamayacaqlar. Dünyanın əksər universitet və elm ocaqlarının araşdırma mərkəzlərinin materialları azərbaycanlı tələbələr üçün əlçatan olacaq. Onlar hər hansı tədqiqatın Azərbaycan dilinə tərcümə olunmasını gözləməyəcəklər.Bu, həm də plagiatlıq hallarının qarşısını alacaq. Mənbə qıtlığı olanda, plagiatlıq qaçılmaz olurdu”.

Qeyd edək ki,2019-cu ildə keçiriləcək magistratura səviyyəsinə qəbul imtahanının birinci mərhələsində xarici dil üzrə test blokunda imtahan iştirakçılarının xarici dil üzrə dinləyib-anlama bacarıqları da yoxlanılacaq. Audiofayllar və test nümunələriylə tanış olmaq üçün aşağıda qeyd olunan linkə daxil ola bilərsiniz: http://dim.gov.az/news/2691/

Məqalədə : Magistratura 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

“Laçın”ın sahibinin oğluna hökm oxundu

23

May
16:52
HÜQUQ,HADİSƏ
79

Övladlarınıza verdiyiniz 8 zərərli qida

23

May
16:09
AİLƏ, SAĞLAMLIQ
161

Maksimum bal toplayanların sayı azalıb - SƏBƏB

23

May
15:40
ELM / TƏHSİL
2128

Abgül Süleymanovun həbsxanası dəyişdirildi

23

May
15:26
HÜQUQ,HADİSƏ
499
Mövzu üzrə xəbərlər
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


23-05-2019 19:48



  (+994 55) 786-96-84

  [email protected]

Valyuta.com

Рейтинг@Mail.ru