Xəbər Lenti

Sorğu

İnfografika

Arxiv

11 Oktyabr

2016
11:28
6163
Kompüter oyunlarında gizlədilmiş İslam düşmənçiliyi - FOTO

Türkiyənin Gənclər və İdman naziri Akif Çağatay Kılıç İslam Əməkdaşlıq Təşkilatı Gənclər və İdman Nazirlərinin 3-ci Konfransı çərçivəsində kompüter oyunlarında, "Oyunlarda İslamofobiya" məsələsini şərh edib.

FaktXəbər-in məlumatına görə, o, dünyada İslamofobiyanın yayılmağa çalışıldığını söyləyərək, "Apardığımız tədqiqatlar nəticəsində rəqəmsal dünyada hazırlanan oyunların içərisinə İslam əleyhinə kadrların yerləşdirildiyini görürük. Dinimizdə müqəddəs olaraq görünən bir çox rəmzinin təəssüf ki, mənfi mənada bəzi oyunlarda istifadə edildiyini aşkar etdik. Bunu xüsusilə qeyd etməyimizin səbəbi isə odur ki, istəyirik İslam dünyası və İslam dünyasında məsul şəxslər buna qarşı mübarizə aparsınlar, uşaqları və gəncləri bu təbliğata qurban getməmələri üçün səylər göstərsinlər", - deyə danışıb.

Hər gün milyonlarla insan tərəfindən oynanılan kompüter oyunlarda İslam əleyhinə səs, vizual və personajlar var. FaktXəbər-in məlumatına görə, həmin oyunların ən populyarları bunlardır:

"GUITAR HERO-3": Bu oyun, aktyorlara səhnədə musiqi alətini ifa etmək üzərində qurulub. Milyonlarla istifadəçi tərəfindən oynalınan bu oyunda səhnədə aktyorun güclü sıçrayışlarla ərəbcə ALLAH yazısının üzərində rəqs etdirilməsi ilə izlənilir.

"DEVIL MAY CRY 3/DANTES AWAKENING": Dünya şöhrətli "Third Person" 3-cü nəsli oyununda da müsəlmanların qibləsi olan Kəbənin qapısı şeytan qurğusuna girişin simvolu olaraq istifadə edilir.

"RESIDENT EVIL": Milyonlarla istifadəçisi olan oyunda Həzrət Peyğəmbərin məzarının qapısı düşmənlərin ordular halında gəldiyi xaos mühitinin mənbəyi kimi təqdim edilir. Məscidi-Nəbəvinin qapısının üzərində "İlluminati" rəmzi yerləşdirilib və oyunun kitabxanada keçən hissəsində isə bütün kitablar rəfdə, yalnız Qurani-Kərim yerdə göstərilir.

"CALL OF DUTY": Dünyada indiyə qədər istehsal edilən ən böyük serialı oyun halına gələn "Call Of Duty"də xaraba bir evin tualetində divarda hədisi şərif ilə bəzədilmiş şəkil çərçivəsinin asıldığı görünür. Oyun firmasına edilən şikayətlərdən sonra çıxarılan çərçivənin yerinə qara rəngli çərçivə qoyulub.

"HITMAN": DNT-si dəyişdirilmiş bir əsgərdən bəhs edən oyununun ssenarisinə görə, o, düşmənləri öldürməyə və tapşırıqları yerinə yetirməyə çalışır. Bu oyunda da İslamı təhqir edən görüntülərə yer verilib. 

"COUNTER STRIKE": Dünya şöhrətli əsgər-terrorçu toqquşmasına əsaslanan snayper oyununda terrorçular yaralanarkən, ya da ölərkən "Allahu Əkbər" və "La ilahə illəllah" səsi eşidilirdi. İslam dünyasının sərt etirazlarından sonra oyun təsisçiləri tərəfindən yenilənib və həmin səs effektləri oyundan çıxarılıb.

"SERIOUS SAM": Dünyanı vəhşilərdən qorumaq üzərində qurulan oyunda məxluqlar hansısa ziyarətgahın içərisindəki qəbirlərdən çıxır və buna görə də ağır silahlarla ziyarətgaha hücum dilir.

"CLIVE BARKERS UNDYING": Oyunun bölümlərinin birində baş qəhrəman şeytanın təcavüzünə məruz qalır. Şeytan bir yerdə dayanıb hücumları həyata keçirərkən Quran ayəsinin üzərində durur.

"ZACK & WIKI": Oyunda iyrənc məxluqları göstərən düşmənlər ölərkən "Allahu Əkbər" səsi çıxarırlar.

"AYODANCE": Oyunda Dj 5.000.000 xal qazananda Qurani-Kərimin üzərində mahnı oxuyub rəqs edir.

"MUSLIM MASSACRE": Oyun çarşablı qadınlar və saqqallı adamları öldürmək üzərində qurulub. Və burada göstərilən saqqallı və çarşablı personajlar eybəcərə, qorxunc şəkildə təsvir olunub.  Oyunun sonunda Həzrət Peyğəmbərin öldürülməsi tələb olunur.

"BOMB GAZA": Qəzzanı bombalayıb, çarşablı qadınları və əbalı kişiləri öldürmək üzərində qurulmuş oyundur.

"MINARETT ATTACK": Oyunda dağətəyi sakit bir İsveçrə şəhərində kilsələr görünür. Ancaq başla əmri verilən kimi yerdən şəhəri işğal edəcək şəkildə minarələr qalxır. Oyunçu nə qədər minarə və ya müəzzin vursa, o qədər çox xal alır. Vurulmayan müəzzinlər oyunu uduzmağın əvəzi kimi dayanmadan azan oxuyurlar.

"PACMAN": Dünya şöhrətli "Pacman"ın bir versiyasında müsəlman çarşablı qadınları toplanaraq növbəti mərhələlərə keçilir.

Şərhlər
SEYİD tərəfindən 11-10-2016 23:20:52 tarixində yazıldı
SALAM ALEYKUM VE BEREKATUH
ALLAH İSLAM DÜŞMƏNLƏRİNƏ LƏNƏT ETSİN
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru