Xəbər Lenti

Sorğu

İnfografika

Arxiv

17 Mart

2017
12:40
785
Kənd təsərrüfatı istehsalıçılarına 180 mln. manat yardım edilib

 Azərbaycanda 2016-cı il ərzində kənd təsərrüfatı istehsalıçılarına ümumilikdə 180 mln. manatdan artıq yardım edilib.

Bu barədə baş nazir Artur Rasi-zadə hökumətin ötən ilin hesabatının parlamentdə təqdimatında bildirib: "Sahibkarlıq obyeklrləri ilə dövlət arasında əlaqələr yaxşılaşdırılıb. Lisenziya tələb edən fəaliyyət növlərinin sayı azaldılıb və bəzi lisenziyaların müddətsiz verilməsi təmin edilib. Sahibkarlara 190 mln. manat güzəştli kredit verilib". 

"Ənənəvi kənd təsərrüfatı sahəsində atılan addımlar ilkin nəticələrini verib. Pambıq istehsalı 2,5 dəfə artıb. 18 min hektarda fındıqçılıq sahəsi salınıb. Kənd təsərrüfatı məhsullarının ixracının 20%-dən çox artaraq 400 mln. dollar təşkil etməsi təmin olunub", - deyə baş nazir əlavə edib.

A.Rasi-zadə qeyd edib ki, hesabat ilində neft-qaz sahəsində də inkişaf davam etdirilib, qazlaşdırma səviyyəsi 90%-ə çatdırılıb: "2016-cı ildə dövlət büdcəsinin gəlirlərinin icrası təmin edilib. Büdcənin sosialyönümlü olması orta aylıq əmək haqqı və pensiyaların artmasına zəmin yaradıb". 

Hökumət başçısı bildirib ki, 2016-cı ildə Azərbaycanın maliyyə-bank sektorunda mövcud olan çətinliklər onu mürəkkəb il kimi xarakterizə etməyə əsas verir: "Dünya bazarında karbohidrogen resurslarının qiymətlərinin kəskin aşağı düşməsi ölkənin ixrac gəlirlərinin xeyli azalmasına gətirib çıxarıb".

Baş nazir bildirib ki, bir sıra bankların qeri-qənaətbəxş işləməsi, ölkənin sistem əhəmiyyətli Beynəlxalq Bankının rəhbərliyinin cinayətkar fəaliyyəti durumu daha da ağırlaşdırıb: “Vəziyyəti nəzərə alan dövlət başçısı maliyyə sektorunda dövlət idarəçiliyinin təkmilləşdirilməsi və makroiqtisadi dayanıqlığın təmin edilməsi məqsədilə Maliyyə Bazarlarına Nəzarət Palatası və Maliyyə Sabitliyi Şurası yaradılıb. Ölkə iqtisadiyyatındakı mövcud problemlər Maliyyə Sabitliyi Şurasında araşdırılaraq onların həllinə yönəldilmiş tədbirlər planı hazırlanıb və aidiyyəti dövlət orqanları tərəfindən icrasına başlanılıb”.

A.Rasi-zadə həmçinin qeyd edib ki, ötən il baş verən hərbi əməliyyatlar işğal olunan torpaqların azad edilməsində sülh yolundan başqa, hərb yolunun da mövcud olduğunu, əsgərlərin qələbə əzmini bir daha göstərib.

Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru