Xəbər Lenti

Sorğu

İnfografika

Arxiv

18 Mart

2017
14:51
585
Küçədə yatan nüvə fiziki - FOTO

Qazaxıstanın Almatı şəhərində küçədə tapılan bir evsiz hamını təəccübləndirib. 

FaktXəbər-in məlumatına görə, Almatıda havaların soyuq olduğu vaxt ticarət mərkəzlərindən birinin qarşısındakı skamyada uzun müddət oturan və üst-başı çirkli, cırılmış şəxs ətrafdakıların diqqətini çəkib. Ona verilən sualları cavablandıran evsiz şəxs illərlə qul kimi yaşadığını, qaçdığını, ancaq pulu və şəxsiyyətini təsdiq edən sənədləri olmadığı üçün evə qayıda bilmədiyini söyləyib. 

Bəzi bloqqerlərin sosial media vasitəsi ilə onun yaxınlarını axtarmağa başlaması və Novosibirsk xüsusi xidmət orqanlarının işə qarışmasından sonra həmin şəxsin Lazer Fizikası İnstitutunda nüvə fiziki işləyən və 3 il bundan əvvəl federal axtarışa verilən Yuri Obraztsov olduğu ortaya çıxıb.

Obratzsov daha sonra jurnalistlərə verdiyi açıqlamada Özbəkistanın paytaxtı Daşkənddəki dostları ilə görüşmək üçün yola çıxdığını, Qazaxıstandan keçərkən qatar stansiyasında tanımadığı şəxslər tərəfindən oğurlanaraq maşınla bir fermaya aparıldığını deyib. Obraztsov fermadan qaça bilmədiyini və 3 il orada inəklərə baxmağa məcbur edildiyini, zorakılığa məruz qaldığını söyləyib.

Obraztsov, "Çirkli döşəklər üzərində yatırdıq, elə bil ictimai icma quruluşu idi. Nə tapsaq yeyirdik, buğda, sığırların yediklərinin artıqlarını. Çox döyürdülər, hətta bir dəfə döyməsi nəticəsində sol qulağım eşitmə qabiliyyətini itirdi, pis eşidirəm", - deyib.

Obraztsov son günlərə qədər digər könüllülərlə birlikdə ona yardım edən və Novosibirskə getməsi üçün bilet alan Rəsul Bayramukovun evində qalır. Rusiya Daxili İşlər Nazirliyinin də hadisəni araşdıracağı bildirilir.

Система Orphus Mətndə orfoqrafik səhv aşkar etdinizsə, həmin hissəni qeyd edib Ctrl + Enter düymələrini sıxın.
Xəbərlərimizi Faktxeber.com-un facebook səhifəsində də izləyə bilərsiniz.
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru