Xəbər Lenti

Sorğu

İnfografika

Arxiv

07 Yanvar

2010
10:54
6300
HACIBALA ABUTALIBOV BU AY İŞDƏN ÇIXARILACAQ
Bakı merinin öz işçiləri ilə vidalaşıb halallaşdığı deyilir

“Bakı Şəhər İcra Hakimiyyətinin başçısı Hacıbala Abutalıbov tezliklə bu vəzifədən gedəcək. Onun yanvarın sonuna qədər öz postu ilə vidalaşacağı deyilir. Düzdür, paytaxt merinin vəzifəsindən alınacağı barədə indiyə qədər dəfələrlə məlumatlar yayılıb. Onun hətta istefa tarixi də açıqlanıb, mümkün xələflərinin də adı çəkilib. Amma bu hadisənin baş verməsi hər dəfə bir səbəb üzündən ertələnib. Məsələ bu dəfə ciddidir. Bakı Şəhər İcra Hakimiyyətinin əməkdaşlarından biri Hacıbala Abutalıbovun hətta tabeçiliyindəki işçilərlə vidalaşıb halallaşdığını da bildirir”.

Bu məlumat qəzetimizə hökumətə yaxın mənbələrdən verilib. Xəbərə görə, Abutalıbovun öz postundan gedişinin reallığı ona görə ciddi qəbul olunmalıdır ki, bu dəfə onun şəxsi istəyi ilə yuxarıların qərarı üst-üstə düşür. Başqa sözlə, Abutalıbov ona görə gedir ki, bunu həm özü, həm də yuxarılar istəyir.
Eldar ƏzizovQaynağımızın sözlərinə görə, Hacıbala Abutalıbov özü də artıq “çamadan əhval-ruhiyyəsindədir”, işlərini sürətlə sahmana salır, təhvil-təslimə hazırlaşır, necə deyərlər, alıb-verəcəklərini bir də götür-qoy edir. Onun yerinə kimin təyin olunacağına gəlincə isə qaynağımız bir real namizədin olduğunu bildirir: “Bu namizəd Gəncə Şəhər İcra Hakimiyyətinin indiki başçısı Eldar Əzizovdur. Abutalıbovu böyük ehtimalla məhz o əvəzləyəcək. Unutmaq olmaz ki, Əzizov birinci şəxsə birbaşa çıxışı olan bir neçə icra başçısından biridir. Keçmiş komsomolçu kadrlardan olan Eldar Əzizovun atası Əziz Əzizov da hazırda hakimiyyətdə önəmli yer tutan keçmiş partiya-təsərrüfat nomenklaturasının təmsilçisi olub. Bu da bir plyusdur. Üstəlik, Eldar Əzizovun özü neçə illərdir ki, Gəncə kimi vacib strateji məntəqəyə, ölkənin ikinci böyük şəhərinə rəhbərlik edir. O, burada etimad qazanmasaydı, nəinki Bakıya rəhbər gətirilməz, heç Gəncədə də saxlanmazdı. Abutalıbovla bağlı məsələyə gəlincə isə onun limiti artıq bitib. Avropa Şurasının Bakıda mer seçkilərinin keçirilməsi tələblərinin burada nə dərəcədə ciddi rol oynadığını demək isə çətindir. Amma mümkündür ki, merin əvəzlənməsi bu sahədə islahat aparılması təəssüratı yaratmağa da xidmət etsin”.
Mövzuya qayıdacağıq(musavat).

Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru