Xəbər Lenti

Sorğu

İnfografika

Arxiv

Yazar

13 Aprel

2017
11:33
7841
Görünməmiş maxinasiya: Məktəb direktorları şagird barteri ilə məşğul imiş FOTO

Azərbaycanda təhsil sistemi ilə bağlı illərdir yazılır, danışılır. Axsayan tərəflər nə qədər düzəldilsə də, yenə düzəldiləcək sahələr var.

Biləsuvar rayonu Şəhid İlham İsmayılov adına Ovçubərə kənd tam orta məktəbin müəllimləri Müşfiq Yadigarov, Rasim Əmirov, Şahin İsmayılov və Qalabəy Əmirov FaktXəbər-ə şikayət ərizəsi ilə müraciət edərək, səslərinin aidiyyatı orqanlara çatdırılmasını istəyirlər. 

Müraciətlərinin bir surətini də Azərbaycan Respublikasının prezidenti İlham Əliyevə, birinci vitse-prezidenti Mehriban Əliyevaya, təhsil naziri Mikayıl Cabbarova, Korrupsiyaya qarşı Mübarizə Komissiyanın sədri Ramiz Mehdiyevə, baş prokuror Zakir Qaralova və Biləsuvar rayon icra orqanlarına göndərən müəllimlər dəhşətli faktların üstünü açıblar.

Şikayət məktubunu olduğu kimi təqdim edirik:

“Bu yaxınlarda məktəbimizin sabiq direktoru olmuş, məktəbdə qanunsuz və saxta əməllərinə görə cinayət işinin istintaqı Baş prokurorluq yanında  Korrupsiyaya qarşı Mübarizə idarəsinin əməkdaşları tərəfindən araşdırılaraq məktəb arxivində olan sənədlər əsasında ortaya çıxmış yeni cinayət faktlarıdır. Belə ki, hazırda məktəbimizdə təhsil alan və məktəbimizin məzunu olmuş iyirmiyə yaxın şagirdimizin biz müəllimlər və valideynlərin xəbəri olmadan sabiq direktor Mənsurə Şahverənovanın digər məktəb direktorları ilə əlbir olub şagird barteri ilə məşğul olmasıdır. Bu məsul vəzifə daşıyan şəxslər məktəbimizin şagirdlərinin şəxsi işlərini bir-birinə ötürərək şagird kontingentinin sayını düzəldib, saxta siniflər təşkil etməkdən ötəri bu maliyyə maxınasiyasına əl atmışlar. 

Bizim məktəbdən sabiq direktorun gizli yolla digər məktəblərə sənədləri ötürülən  şagirdlər haqqında sizlərə məlumat vermək istərdik.

1. Yadigarova Şahanə Müşfiq qızı - (13.09.2013–cü il tarixli 865 saylı arayışla Biləsuvar rayon Nizami adına 1 saylı tam orta məktəbinin 7-ci sinfində  oxuduğu bildirilir. Şagird birinci sinifdən bu günə kimi bizim məktəbdə təhsil alıb. Hal-hazırda məktəbimizin 10-cu sinfində təhsilini davam etdirir. Heç bir zaman məktəbini dəyişməyib.)

2. İsmayılov Sahil Şahin oğlu- (18.09.2013 –ci il tarixli 26  saylı arayışla Biləsuvar rayon Amankənd kənd ümumi  orta məktəbinin 4-cü sinfində  oxuduğu bildirilir. Şagird birinci sinifdən bu günə kimi bizim məktəbdə təhsil alıb. Hal-hazırda məktəbimizin 9-cu sinfində təhsilini davam etdirir. Heç bir zaman məktəbini dəyişməyib.)

3. Yarməmmədli Bahar Əli qızı- (27.11.2012 –ci il tarixli 98 saylı arayışla Biləsuvar rayon Ağayrı  kənd ümumi  orta məktəbinin 7-ci sinfində  oxuduğu haqqında məlumat verilir. Şagirdin guya öz xahişi ilə ümumi icbari  təhsilini bizim məktəbdə davam etdirməsi bildirilir. Bu şagird birinci sinifdən 9-cu sinfə  kimi bizim məktəbdə təhsil alıb. Deməli, nə vaxtsa bu şagirdin sənədləri Ağayrı kənd ümumi orta məktəbinə sabiq direktor tərəfindən ötürülüb.)

4. Tağızadə Zəhra Xeyrulla- (Eyni məzmunlu,  27.11.2012 –ci il tarixli 97 saylı arayışla Biləsuvar rayon Ağayrı  kənd ümumi  orta məktəbinin 7-ci sinfində  oxuduğu haqqında məlumat verilir. Şagirdin guya öz xahişi ilə ümumi icbari  təhsilini bizim məktəbdə davam etdirməsi bildirilir. Bu şagird birinci sinifdən 9-cu sinfə  kimi bizim məktəbdə təhsil alıb. Deməli, nə vaxtsa bu şagirdin sənədləri Ağayrı kənd ümumi orta məktəbinə sabiq direktor tərəfindən ötürülüb.)

5. Kazımlı Seyid Ərkinaz Məşkur qızı-  (Məktəbin müəllimləri olaraq bu günə kimi şagird haqqında heç bir bilgimiz olmayıb. 14 noyabr 2012-ci il tarixli, 71 saylı  Arayışın məzmunundan məlum olurki T. Əliyev adına Yuxarı Cürəli kənd tam orta məktəbin direktoru  şagirdin bu təhsil müəssisəsində 1-ci sinifdə oxuduğu bildirilir. Arayış Ovçubərə kənd tam orta məktəbinə təqdim etmək üçün verilib.)

6. Gözəlov Zülfiyyə Əkbər qızı - (13.09.2013 –ci il tarixli 863 saylı arayışla Biləsuvar rayon Nizami adına 1 saylı tam orta məktəbinin 7-ci sinfində  oxuduğu bildirilir. Şagird birinci sinifdən bu günə kimi bizim məktəbdə təhsil alıb. Hal-hazırda məktəbimizin 10-cu sinfində təhsilini davam etdirir. Heç bir zaman məktəbini dəyişməyib.)

7. Mayılova Türkanə  İnşallah  - (bu şagirdin əsl soyadı –İsmayılovadır.)-  (03.10.2012-ci il tarixli 47 saylı arayışla Biləsuvar rayon Təyyar Əlyev adına Yuxarı Cürəli kənd  tam orta məktəbinin 10-cu  sinfində  oxuduğu bildirilir. Şagird birinci sinifdən 11-ci sinfə kimi bizim məktəbdə təhsil alıb. Məktəbimizin 11-ci sinfini  bitirib. Heç bir zaman məktəbini dəyişməyib.)

8. Cavadov Xanım Rasim qızı - ( 18.09.2013 –ci il tarixli 27 saylı arayışla Biləsuvar rayon Amankənd kənd ümumi  orta məktəbinin 4-cü   sinfində  oxuduğu bildirilir. Şagird birinci sinifdən 8-ci sinfə  kimi bizim məktəbdə təhsil alıb. Hal-hazırda E. Kərimov adına Amankənd kənd tam orta məktəbini  9-cu  sinfində təhsilini davam etdirir.)

9. Məmmədova Gülər Telman qızı- ( 03.10.2012 –ci il tarixli 46 saylı arayışla Biləsuvar rayon Təyyar Əliyev adına Yuxarı Cürəli kənd  tam orta məktəbinin 6-cı  sinfində  oxuduğu bildirilir. Şagird birinci sinifdən bu günə kimi bizim məktəbdə təhsil alıb. Hal-hazırda məktəbimizin 10-cu sinfində təhsilini davam etdirir. Heç bir zaman məktəbini dəyişməyib.)

10. Nağıyeva Türkanə Hafiz qızı - ( 18.09.2012 –ci il tarixli 138 saylı arayışla Bakı şəhəri 55 saylı  tam orta məktəbinin 6-cı  sinfində  oxuduğu bildirilir. Şagird birinci sinifdən bu günə kimi bizim məktəbdə təhsil alıb. Hal-hazırda məktəbimizin 10-cu sinfində təhsilini davam etdirir. Heç bir zaman məktəbini dəyişməyib.)

11. Ağazadə Turanə Natiq qızı - ( 18.09.2012–ci il tarixli 139 saylı arayışla Bakı şəhəri 55 saylı  tam orta məktəbinin 6-cı  sinfində  oxuduğu bildirilir. Şagird birinci sinifdən bu günə kimi bizim məktəbdə təhsil alıb. Hal-hazırda məktəbimizin 10-cu sinfində təhsilini davam etdirir. Heç bir zaman məktəbini dəyişməyib.)

12. Yarməmmədov Bahar Əli qızı - ( 10.09.2012–ci il tarixli 89 saylı arayışla Biləsuvar rayonu Ağayrı kənd ümumi  orta məktəbinin 7-ci  sinfində  oxuduğu bildirilir. Şagird birinci sinifdən 9-cu sinfə  kimi bizim məktəbdə təhsil alıb.  Məktəbimizin 9-cu sinfində təhsilini başa vurub. Heç bir zaman məktəbini dəyişməyib.)

13. Mikayıllı Sevinc Rafət qızı - ( 03.10.2012–ci il tarixli 48 saylı arayışla Biləsuvar rayonu Yuxarı Cürəli kənd tam  orta məktəbinin 6-cı  sinfində  oxuduğu bildirilir. Şagird birinci sinifdən indiyə  kimi bizim məktəbdə təhsil alıb.  Hal-hazırda məktəbimizin 8A sinfində təhsilini davam etdirir. Heç bir zaman məktəbini dəyişməyib.)

14. Tağızadə Zəhra Xeyrulla -  ( 03.10.2012–ci il tarixli 50 saylı arayışla Biləsuvar rayonu Ağayrı kənd ümumi  orta məktəbinin 7-ci  sinfində  oxuduğu bildirilir. Şagird birinci sinifdən 9-cu sinfə  kimi bizim məktəbdə təhsil alıb.  Məktəbimizin 9-cu sinfində təhsilini başa vurub. Heç bir zaman məktəbini dəyişməyib.)

15. Əmənova Fatimə Mətləb - ( 03.10.2012–ci il tarixli 48 saylı arayışla Biləsuvar rayonu Yuxarı Cürəli kənd tam  orta məktəbinin 3-cü   sinfində  oxuduğu bildirilir. Şagird birinci sinifdən indiyə  kimi bizim məktəbdə təhsil alıb.  Hal-hazırda məktəbimizin 7-ci sinfində təhsilini davam etdirir. Heç bir zaman məktəbini dəyişməyib.)

16. Əzizova Əminə Əlipaşa - ( 03.10.2012–ci il tarixli 49 saylı arayışla Biləsuvar rayonu Yuxarı Cürəli kənd tam  orta məktəbinin 3-cü   sinfində  oxuduğu bildirilir. Şagird birinci sinifdən 6-cı sinfinə   kimi bizim məktəbdə təhsil alıb.  Hal-hazırda Mübariz İbrahimov adına Biləsuvar liseyinin 7-ci sinfində təhsilini davam etdirir. )

 

Biz bu faktlarla rastlaşdıqdan sonra bir valideyn və müəllim olaraq çox hiddətləndik. Necə olur ki, valideynlərin və şagirdlərin razılığı və xəbəri olmadan sabiq direktor ona olan etibarımızdan sui-istifadə edib? 

Mənsurə Şahverənova biz valideynlərdən və müəllimlərdən gizli olaraq bu əməlləri digər direktorlarla əlbir olaraq edib və çirkin əməllərini həyata keçiriblər. Bu insanlar öz çirkin əməlləri ilə şəxsi maraqlarına və varlanmaq naminə kənar məktəblərin direktorları ilə əlbir olaraq məktəblərində sadəcə sənəd üzərində yeni siniflər təşkil ediblər. Yox yerdən dövlət əmlakını mənimsəyiblər. Bir sinif üçün ən azı bir tədris ilində dövlətimizin xərclədiyi vəsait ziyalı olaraq hamımıza məlumdur. 

 

Bu şəxslər şaxta işləri ilə övladlarımızın, şagirdlərimizin taleyi və gələcəkləri ilə oyun oynamışlar. Sizlərdən çox xahiş edirik, bu direktorlar haqqında hüquq müstəvisi çərçivəsində ciddi ölçü götürəsiniz.”

Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


14-12-2017 13:57

ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru