Xəbər Lenti

Sorğu

İnfografika

Arxiv

22 May

2015
22:15
3993
“Güney Azərbaycan: dünən və bu gün” mövzusunda konfrans keçirildi

Mayın 22-də Vətəndaş Həmrəyliyi Partiyası və Dünya Azərbaycanlıları Konqresinin birgə təşkilatçılığı ilə Seyid Cəfər Pişəvərinin rəhbərliyi ilə yaradılan Güney Azərbaycan Milli Hökumətinin 70-ci ildönümü ilə bağlı beynəlxalq konfrans keçirilib. Konfrans həmçinin “İran” qəzetinin Azərbaycan türklərini təhqir etməsinə etiraz olaraq Təbriz və Güney Azərbaycanın digər şəhərində 2006-cı il mayın 22-də başlanan “Xordad” hərəkatının 9-cu ildönümünə həsr olunub. 

“Güney Azərbaycan: dünən və bu gün” mövzusunda müzakirələrin aparıldığı konfransda çıxış edən VHP sədri Sabir Rüstəmxanlı 21 Azər hərəkatının 70 illiyinin bu il dekabrda qeyd ediləcəyini və konfransda əsas məqsədin yubiley tədbirlərinin keçirilməsi üçün müzakirə məqsədi daşıdığını bildirib. Millət vəkili qeyd edib ki, dünya dövlətlərinin xəyanəti nəticəsində məğlub olan Milli Hökumət Güneydə azadlıq mübarizəsində önəmli rol oynayıb: “Biz Güney məsələsinə biganə, artıq uduzulmuş məsələ kimi baxa bilmərik. Bəzi qüvvələr ümidsizlik toxumu səpməyə çalışır. Biz bunun qarşısına milli gücümüzü qoymalıyıq. Azərbaycanın ziyalıları, QHT nümayəndələri, siyasi partiyalar buna qarşı çıxmalıdırlar”. 

Konfrans 21 Azər hərəkatının tarixi, səciyyəvi xüsusiyyətləri, nəticələri barədə tədqiqatçı-alim Əkrəm Rəhimli məruzəsi ilə davam edib. Bildirib ki, hərəkatın milli zəmində olması ilə bağlı şübhəli yanaşmalar olsa da bu həqiqəti əks etdirmir. 21 Azər hərəkatını zəruri edən amillərdən birinin də milli şüurun oyanması olduğunu deyən məruzəçi Milli Hökumətin həyata keçirdiyi islahatlardan danışıb. İri banklar milliləşdirildi, torpaq islahatları həyata keçirildi, kəndlərdə xəstəxanalar yaradıldı, sosial proqramlar həyata keçirildi, milli ordu yaradıldı, ana dilinə dövlət dili statusu verildi. Ancaq ABŞ və Böyük Britaniyanın İran şahına dəstəyi ilə milli hökumət 12 dekabr 1946-cı ildə məhv edildi. Minlərlə soydaşımız öldürüldü, Seyid Cəfər Pişəvəri 1947-ci il iyulun 11-də Gəncədən qayıdarkən müəmmalı şəkildə maşın qəzasında dünyasını dəyişdi. 

Konfarnsda İsa Qəmbər, Pənah Hüseyn, Nəsib Nəsibli, Yasəmən Qaraqoyunlu və başqaları çıxış ediblər. 

Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru