Xəbər Lenti

İnfoqrafika

Arxiv

Yazar

16 Aprel

2019
16:29
196
Gəncədə futbol akademiyası yaradılacaq

AFFA Tovuzdan sonra Gəncədə də futbol akademiyası açacaq.

Bu barədə AFFA-nın baş katibi Elxan Məmmədov "Kəpəz TV"yə açıqlamasında məlumat verib. Bir neçə gün öncə qərb bölgəsinə səfər edən Məmmədov federasiya rəhbərliyinin artıq akademiya ilə bağlı tapşırıq verdiyini bildirib:

"Gəncədə də futbol akademiyasının yaradılmasına müvafiq tapşırıqlar verilib. Bununla bağlı bəzi hesabatlar hazırlayacağıq. Gəncədə hazırda neçə idman məktəbi fəaliyyət göstərir, stadion ərazisində infrastrukturu harada yerləşdirmək olar və bu kimi başqa məsələləri İcraiyyə Komitəsinin növbəti iclasında təqdim edəcəyik. AFFA rəhbərliyi bu tapşırığı verib və çalışacağıq ki, göstərişləri yerli icra hakimiyyəti ilə birgə qısa zamanda yerinə yetirək".

Daha sonra stadionun iki il öncə yenilənən əsas meydançasını nəzərdən keçirən baş katib şəhərin ən böyük futbol arenasının tezliklə təmir olumasını arzuladıqlarını dilə gətirib: “Təbii ki, biz də istəyərdik ki, stadion təmir olunsun və ümid edirik ki, yaxın gələcəkdə bu olacaq. Amma o vaxta qədər dövlətin dəstəyi ilə məşq meydançaları inşa olunacaq. Növbəti mövsümdən öncə bu meydançalar fəaliyyətə başlayacaq”.

Elxan Məmmədov “Kəpəz”in növbəti mövsümdə Premyer Liqaya buraxılması məsəlinə də toxunub: "Kəpəz” 3 il öncə Premyer Liqada çıxış etdi və uğurlu nəticə göstərdi. Hətta avrokuboklarda da ilkin mərhələdə oynadı. Bu, sevindirici haldır. Amma indi nəsə etmək istəsək, təməldən etməliyik. Yəni, bütün yaş qruplarında komandaların olmasını nəzərə almalıyıq. Bu, çox önəmlidir. Biz də istərdik ki, “Kəpəz” Premyer Liqada iştirak etsin. Lakin bütün şərtlərə cavab vermək lazımdır ki, sağlam, təməlli klub olaraq fəaliyyət göstərsin”.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


19-04-2019 04:54



  (+994 55) 786-96-84

  [email protected]

Valyuta.com

Рейтинг@Mail.ru