Xəbər Lenti

İnfoqrafika

Arxiv

Yazar

25 Yanvar

2016
11:18
Fuad Qəhrəmanlının işinə baxan hakim dəyişdirildi

Nəsimi Rayon Məhkəməsində Azərbaycan Xalq Cəbhəsi Partiyası (AXCP) sədrinin müavini Fuad Qəhrəmanlının barəsində seçilmiş həbs qətimkan tədbirinin ev dustaqlığı ilə əvəz olunması barədə verilən vəsatət üzrə məhkəmə bu gün keçiriləcək.

Bu barədə F.Qəhrəmanlının vəkili Fəxrəddin Mehdiyev məlumat verib.

Vəkilin sözlərinə görə, iş üzrə hakim də dəyişdirilib. Belə ki, ötən prosesdə iclasa sədrlik edən hakim Şəlalə Həsənovanı həmkarı Babək Pənahov əvəzləyəcək.

Xatırladaq ki, yanvarın 22-də keçirilən prosesdə müdafiə tərəfi hakim Şəlalə Həsənovanın məhkəməyə sədrlik etməsinə etiraz edərək vəsatət qaldırıblar. Fuad Qəhrəmanlının barəsində həbs qətimkan tədbiri seçilməsi haqqında qərarı Şəlalə Həsənova verdiyi üçün müdafiəçilər yenidən həmin hakimin işə baxmasını istəməyiblər. Vəkillər prosesə sədrlik edən hakimin dəyişdirilməsini tələb ediblər. Buna görə də proses qeyri-müəyyən vaxtadək təxirə salınıb.

Qeyd edək ki, AXCP sədrinin müavini Fuad Qəhrəmanlı dekabrın 8-də Baş Prokurorluğun Ağır Cinayətlərə Dair İşlər üzrə İstintaq İdarəsində dindirilib. Sonra İstintaq İdarəsi F.Qəhrəmanlı barəsində həbs qətimkan tədbirinin seçilməsi üçün Nəsimi Rayon Məhkəməsinə təqdimat verib. Məhkəmə qərarı ilə onun barəsində 3 ay müddətinə həbs qətimkan tədbiri seçilib.

F.Qəhrəmanlıya qarşı Cinayət Məcəlləsinin 281.1-ci (Dövlət hakimiyyəti əleyhinə çağırışlar etmə) və 283.2.1 (dini, irqi, sosial nifrət aşılayan çağırışlar etmə) maddələri ilə ittiham irəli sürülüb.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Müdafiə Nazirliyi açıqlama yaydı

24

Sentyabr
15:38
HƏRB
1161
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


27-09-2021 07:08





  [email protected]

Valyuta.com

Рейтинг@Mail.ru