Xəbər Lenti

Sorğu

İnfografika

Arxiv

14 İyul

2017
16:48
736
Ermənistan ordusunun təcavüzünə azərbaycanlı uşaqların etirazı

İyulun 14-də Azərbaycan Uşaq və Gənclərin Sülh Şəbəkəsi erməni hərbçiləri tərəfindən azərbaycanlı uşaqların qətlə yetirilməsi ilə bağlı aksiya keçirib.

Əllərində Ermənistan hərbiçiləri tərəfindən qətlə yetirilən ikiyaşlı Zəhranın, 9 yaşlı Farizin və 13 yaşlı Aygünün şəkillərini tutan gənclər və uşaqlar “Biz Sülh Elçisiyik! Bizə Qoşulun!”, “Mən Zəhrayam, mənim 2 yaşım var”, “Mən Farizəm, mənim 9 yaşım var”, “Mən Aygünəm, mənim 13 yaşım var” şüarlarını səsləndiriblər.

Azərbaycan Uşaq və Gənclərin Sülh Şəbəkəsinin üzvləri olan gənclər və uşaqlar Ermənistan silahlı qüvvələrinin qətlə yetirdiyi Zəhra, Fariz, Aygün və dünyada silahlı münaqişələrdən əziyyət çəkən bütün uşaqların öldürülməsinin dayandırılmasını, bu ədalətsizliyin qarşısının alınmasını istədiklərini deyiblər.

Aksiyada Azərbaycanın, xüsusilə cəbhənin təmas xəttində məskunlaşan uşaqların və gənclərin adından BMT Baş Katibinin Uşaqlar və Hərbi münaqişələr üzrə xüsusi nümayəndəsi Virginia Qambaya erməni hərbçiləri tərəfindən azərbaycanlı uşaqların qətlə yetirilməsi ilə bağlı müraciət də ünvanlanıb.

Müraciətdə deyilir: “İyulun 4-də Ermənistan silahlı qüvvələri tərəfindən Azərbaycan Respublikasının Füzuli rayonunun Alxanlı kəndinin hədəflənmiş şəkildə, qəsdən 80 və 102 millimetrlik minaatanlardan və dəzgahlı qumbaraatanlardan atəşə tutulması nəticəsində Allahverdiyeva Sahibə və onun 2 yaşlı nəvəsi Quliyeva Zəhra həlak olub, Quliyeva Səlminaz ağır yaralanıb. Bu hadisə bütün insanları, o cümlədən uşaq və gəncləri sarsıtdı. Biz bu cür qəddarlığı və vandalizmi qəbul edə bilmirik. Zəhraya atılmış atəş bütün Azərbaycan uşaqlarına atılan atəşdir. Təəssüflər olsun ki, Zəhra erməni əsgərləri tərəfindən öldürülən ilk və yeganə mülki şəxs, qurban deyil. Xocalı soyqırımı zamanı 613 insan, o cümlədən 106 qadın, 63 uşaq və 70 yaşlı insanın, 9 yaşlı Fariz Bədəlovun, 13 yaşlı Aygün Şahmalıyevanın, keçən ilin aprel hadisələri zamanı mülki əhalinin və müxtəlif illərdə uşaqların, qadınların, ahılların Ermənistan silahlı qüvvələri tərəfindən qətlə yetirilməsi uzun sürən Ermənistan təcavüzünü bir daha sübut edir”.

Məqalədə : Alxanlı 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru