Xəbər Lenti

İnfoqrafika

Arxiv

Yazar

13 Oktyabr

2016
16:13
2268
Dini məsələlərdə özünü aldatmağın 40 yolu - 3-CÜ YOL

İslam dininin buyurduqlarını yerinə yetirməmək üçün həm özümüzü, həm də ətrafımızı aldatmaq üçün ağlımız çatan hər cür hiyləgərliyə can atırıq. Amma Allahın açıq-aydın əmr və dəlilləri qarşısında kor, kar və dilsizik. Allahın bütün xəbərdarlıqlarına baxmayaraq, şeytanın yolu ilə gedirik. İnsan olaraq bizi Yaradana özümüzü bəyəndirmək əvəzinə, Allahdan başqa hər kəsə özümüzü bəyəndirmək dalıyca düşmüşük. 

3- QOCALANDA EDƏRƏM

Azərbaycanda, ümumiyyətlə isə digər müsəlman ölkələrində cəmiyyətin böyük hissəsinin Allaha inanan insanlardan ibarət olduğu görünür. Amma insanlarla dini mövzularda söhbət zamanı, adətən çox insanın inancının vacibliyini yerinə yetirmədiyi görünür. Bunun üçün müxtəlif bəhanələr irəli sürməklə yanaşı dini vəzifələrini sonrakı illərə təxirə saldıqlarını söyləyirlər.

İlk növbədə qeyd etmək lazımdır ki, insanın Allaha olan ibadəti ana bətninə düşdüyü andan başlayaraq, son nəfəsini verəcəyi ana qədər davam edir. Buna görə də Allaha inanan bir insanın ömrü yaxşı təhsil, dünya üçün çalışmaq və inancının tələblərini yerinə yetirmək şəklində mərhələlərə ayrıla bilməz. 

“Allah günahlarınızdan keçsin və sizə müəyyən bir müddətədək (hər bir canlı üçün qaçılmaz olan əcələdək) möhlət versin (və ondan öncə üsyanınızın cəzası olaraq öldürməsin), həqiqətən, Allah tərəfindən əcəl yetişdiyi zaman əsla təxirə salınmaz. Kaş bunu biləydiniz.” (Nuh, ayə 4)

“And olsun əsr vaxtına ki, şübhəsiz, insan ziyan içindədir, yalnız iman gətirib saleh əməllər edən, bir-birinə haqqı və səbiri tövsiyə edənlərdən başqa.” (Əsr, ayə 1-3)

İnsan özünə görə görülməsi lazım bildiyi şeylər üçün çəkmədiyi əzab qalmır. Komfortlu bir evdə yaşamağı, ya da lüks maşına minməyi sonrakı illərə təxirə salmır, dərhal almaq istəyir. Əmək haqqının artması üçün səbrlə illərin keçməsini də gözləmir, dərhal və qısa yolla varlanmaq istəyir. Sahib olanda özünü xoşbəxt edəcəyinə inandığı şeyləri əldə etmək üçün çırpınır. Amma insan başa düşmür ki, təxirə saldığı şey onun özünün var olma səbəbidir.

“…Belə deyildir, əslində siz bu tez keçib-gedən dünyanı sevirsiniz. Və axirəti buraxırsınız.” (Qiyamət, ayə 20-21)

“Şübhəsiz, onlar bu tez keçən dünyanı çox sevər və ağır günə (Qiyamət gününə) arxa çevirərlər (unudarlar).” (İnsan, ayə 27)

Bəli, insan əvvəlcədən əldə etdiyi şeyi sevməyə, imtahan edilmək üçün gəldiyi və sonsuz həyatını müəyyənləşdirəcək olan ömrünü isə bu şeylər uğrunda sərf edir. Halbuki, bilmədiyi bir həqiqət var; insanın sahib olduğu həqiqi dəyərlər, qazanaraq əldə etdikləri deyil.

Uzun ömür dediyi şey o qədər boş əziyyətlər içində keçir ki insanın, məsələn, 60 il yaşadığını güman edən insan gündə 8 saatdan götürdükdə 20 il yatır. Qalan 40 ilini də ayaq üstə yuxulayır, yatır. Bax, ömür dediyin budur.

Dini məsələlərdə özünü aldatmağın 40 yolu
1-ci YOL 2-ci YOL 3-cü YOL 4-cü YOL
5-ci YOL 6-cı YOL 7-ci YOL 8-ci YOL
9-cu YOL 10-cu YOL 11-ci YOL 12-ci YOL
13-cü YOL 14-cü YOL 15-ci YOL 16-cı YOL
17-ci YOL 18-ci YOL 19-cu YOL 20-ci YOL
21-ci YOL 22-ci YOL 23-cü YOL 24-cü YOL
25-ci YOL 26-cı YOL 27-ci YOL 28-ci YOL
29-cu YOL 30-cu YOL 31-ci YOL 32-ci YOL
33-cü YOL 34-cü YOL 35-ci YOL 36-cı YOL
37-ci YOL 38-ci YOL 39-cu YOL 40-cı YOL

Məqalədə : 40 yol 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


26-04-2018 21:00

ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com



Рейтинг@Mail.ru

DMCA.com Protection Status