Xəbər Lenti

Sorğu

Arxiv

İnfografika

10 Yanvar

2017
13:00
876
Dini məsələlərdə özünü aldatmağın 40 yolu - 12-Cİ YOL

İslam dininin buyurduqlarını yerinə yetirməmək üçün həm özümüzü, həm də ətrafımızı aldatmaq üçün ağlımız çatan hər cür hiyləgərliyə can atırıq. Amma Allahın açıq-aydın əmr və dəlilləri qarşısında kor, kar və dilsizik. Allahın bütün xəbərdarlıqlarına baxmayaraq, şeytanın yolu ilə gedirik. İnsan olaraq bizi Yaradana özümüzü bəyəndirmək əvəzinə, Allahdan başqa hər kəsə özümüzü bəyəndirmək dalıyca düşmüşük. 

11-Cİ YOL - NƏFSİMLƏ BACARMIRAM

12- DİNDARLAR SƏMİMİ DEYİL

İnsanların bir qismi dini olduğu kimi qəbul etməməsinə səbəb olaraq irəli sürdüyü arqumentlərdən yəqin ki, ən qeyri-ciddisi dindar şəxslərin səmimiliyi barədə qərəzli fikirləridir. Bəzi insanların dindar görünərək insanları aldatmağa çalışdıqları doğru ola bilər. Ancaq bu, bütün dindarlara qarşı qərəzli münasibət göstərilməsinə səbəb olmamalıdır.

Bir nəfər dindar və eyni zamanda həqiqətən qeyri-səmimi ola bilər. Amma bu qeyri-səmimiliyin səbəbi qəti şəkildə din deyil. İnsanın fərdi vəziyyəti ilə əlaqədar heç bir məsələnin dindən qaynaqlandığını demək olmaz. Bununla yanaşı, əgər həqiqətən də bir nəfər səmimiyyətsiz şəkildə dindar görünmək istəyirsə, bu, o insana aid xüsusiyyətdir. Bu da çox acınacaqlı haldır.

Quranda dindar görünüşlü saxtakar ikiüzlü insanlara diqqət çəkilir və pislənir: “Həqiqətən, münafiqlər Allaha qarşı hiyləgərlik edirlər, halbuki, Allah onları aldadır (onların hiylələrinin cəzasını özlərinə qaytarır). Onlar namaza durarkən (yerlərindən) süst qalxır, camaatla (ünsiyyətdə olarkən) riyakarlıq edir və Allahı çox az yada salırlar.” (“Nisa” surəsu, 142)

Heç şübhəsiz, Allah kimin dəbdəbə içində ikiüzlülük etdiyini yaxşı bilir: “(Ya Peyğəmbər!) Allahın dinini və cəza gününü yalan hesab edəni gördünmü? Bəli, o, həmin o kəsdir ki, yetimi hiddətlə qovar. Və (heç kimi) yoxsulları yedirtməyə rəğbətləndirməz. Vay halına o namaz qılanların ki, onlar öz namazlarından qafildirlər və ona etinasızdırlar. Onlar riyakarlıq edər, Və ehtiyac olan şeyləri (borc, zəkat, sədəqə, ev ləvazimatı və s. başqalarından) əsirgəyərlər. (Yetimi qovmaq və fəqirə (miskinə) etinasız yanaşmaq dini inkar etmək əlamətlərindəndirsə, onda vay halına namazdan qafil olanın, əməldə riyakarlıq edənin və zəkata mane olanın! Onların günahı daha böyükdür).”(“Maun” surəsi)

Orphus system Mətndə orfoqrafik səhv aşkar etdinizsə, həmin hissəni qeyd edib Ctrl + Enter düymələrini sıxın.
Xəbərlərimizi Faktxeber.com-un facebook səhifəsində də izləyə bilərsiniz.
Məqalədə : özünü aldatmaq 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com