Xəbər Lenti

Sorğu

İnfografika

Arxiv

23 Fevral

2017
17:01
929
Dilimizin anlatmaq istədiyi 9 təhlükə

Bədənimiz elə yaranıb ki, çox vaxt hiss etmədiyimiz xəstəliklər, problemlər barədə bizə siqnal ötürür. Dil də istisna deyil: onun vəziyyətinə baxaraq səhhətimiz və diqqət etməli olduğumuz aspektlər barədə məlumat ala bilərik.

Bu gün FaktXeber.com bu vacib müşahidələri sizinlə bölüşəcək.

Çiyələk- qırmızı rəng

Bu, vitamin B12 və dəmir çatışmazlığının göstəricisidir. Dad tumurcuqlarının  düzləşməsi nəticəsində dil «keçəlləşir». Ağır formalarda isti maye və istiotlu yeməklər zamanı kəskin  ağrılar ola bilər. Yemək rasionunu dəyişmək və həkimə müraciət etmək tövsiyə olunur.

Qara və ya qəhvəyi ərp

Qroxunc görünüşü olsa da, adətən  ağız boşluğunun pis gigiyenası, siqaret çəkmək, çoxlu qəhvə, tünd çay içməklə əlaqəli ola bilər. Nəticədə ağızdan pis qoxu gələ və dad anomaliyası yaşana bilər. İlk növbədə zərərli vərdişlərdən imtina etmək və gigiyenaya diqqət etmək, hər gün təkcə dişi deyil, dili də təmizləmək tövsiyə olunur.

Ağ ərp

Rənginə və görünüşünə görə kəsmiyi xatırladan ağ ərp  - maya infeksiyasının, başqa sözlə kandidozun əlamətidir. Belə ərp sağlam insanın ağzında az miqdarda olan Candida albicans mayasının həddən artıq böyüməsi nəticəsində yaranır. Bunun səbəbi  antibiotiklərdən uzun müddətli istifadə, diabet, zəif immun sistemi və ya yüksək qan təzyiqi ola bilər. Həkimə müraciət etmək tövsiyə olunur.

Dildə qırışlar

Dildə qırışlar və ya qatların yaranması sadəcə qocalmanın da əlaməti ola bilər (Bəli, dil də qocalır). Adətən çatlar  ağrısızdır, lakin ağız boşluğunun pis gigiyenasında infeksiyanın  düşmə ehtimalı artır. Belə ki, göbələk infeksiyası  məhz elə həmin çatda  inkişaf eləyə və bərk ağrı verə bilər.  Bundan başqa pis hazırlanmış protezlər də çatlara səbəb ola bilər.

Problemi xüsusi dərmanlarla aradan qaldırmaq mümkündür.

Dildə ağ ləkələr

Bu onu göstərə bilər ki, dili nə isə qıcıqlandırır. Məsələn  dilin bir hissəsini həmişə sürtən diş. Lakin çox vaxt həddindən artıq siqaret çəkən insanda hüceyrələrin həddindən artıq böyüməsi ilə yaranır. 5-17 faiz bu ləkələr xərçəng xəstəliyinin xəbərçisi ola bilər. Bir neçə həftə ərzində keçməsə həkimə müraciət etməli və uyğun analizlərdən keçilməlidir.

Bitməyən qırmızı zədələr

Uzun müddət keçməyən qırmızı ləkələr və ya uçuqlar çox ciddi xəstəliyin  xəbərçisi ola bilər. Adətən dil xəçrçəngi ilə asossasiya edilir. Dərhal həkimə müraciət edilməlidir.

Qıcqırma hissi

Adətən qadınlarda hormonal dəyişikliklər  nəticəsində, xüsusən də  menopauzadan sonra görünür. Bu problemlə həkimə müraciət etmək lazımdır. Bundan başqa düzgün seçilməyə diş  məcunu da dildə narahatlıq yaradır: bəzi insanların məcunu köpükləndirən laursulfat natriuma alergiyası olur.

Təpələr və çökəkliklər

Bu çox nadir xüsusiyyətdir və adətən  heç bir təhlükəsi olmur. Əgər ağrı yoxdursa narahat olmağa dəyməz – sadəcə hər bir insanın müxtəlif anatomiyası olur.

Ağrılı yaralar

Ağrılı yaralar – stomatitdir. Adətən uşaq xəstəliyi hesab olunur, ancaq 20 faiz böyükdə də müşahidə olunur. Bu ilk növbədə  stress və imunitetin aşağı düşməsinin xəbərçisidir. Adətən 2 həftə müddətində keçir. Lakin uzun çəkərsə, həkimə müraciət etmək tövsiyə olunur. Bundan başqa dincəlmək və sağlamlığı qorumaq tövsiyə olunur.

Система Orphus Mətndə orfoqrafik səhv aşkar etdinizsə, həmin hissəni qeyd edib Ctrl + Enter düymələrini sıxın.
Xəbərlərimizi Faktxeber.com-un facebook səhifəsində də izləyə bilərsiniz.
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru