Tarix:06-01-2017 09:49
Buzxanalar Naxçıvanın tarixi abidələri sırasında - FOTO
Şərh yaz
Naxçıvan Muxtar Respublikası ölkəmizin tarixi abidələrlə zəngin regionlarından biridir. Xalqımızın mədəni irsini, özünəməxsus adət-ənənələrini, tarixi keçmişini özündə yaşadan bu аbidələr sırasında xüsusi yer tutan buzxanalardan vaxtilə geniş istifadə olunub.
 
Bu gün qədim diyarda 3 tarixi buzxana abidəsi var. Həmin buzxanalardan biri Naxçıvan buzxanasıdır. XII-XIV əsrlərə aid olan bu abidə Azərbaycanda ən böyük buzxanadır. Zəngin memarlıq quruluşuna malik olan buzxana uzun müddət isti yay günlərində əhalinin buza olan tələbatını ödəyib.
 
Naxçıvan şəhərindəki “Buzxana” tarix-memarlıq abidəsi 2013-cü ildə bərpa işlərindən sonra istifadəyə verilib. Naxçıvan memarlıq məktəbinin inkişaf dövrünün yadigarı olan abidənin uzunluğu 20, eni 9, hündürlüyü isə 9,6 metrdir. Binanın damında 3 metrdən bir qurulan tağlararası boşluq çatma tağbəndlə örtülüb. Buzxananın əsas hissəsi yerin altında yerləşir. Havalandırma sisteminin düzgün qurulması burada uzun müddət buzun saxlanılmasına imkan verib.
 
Abidənin başlıca xüsusiyyəti heç də onun böyük ölçülərə malik olmasında deyil. Həmçinin yüksək texniki səviyyədə kərpicdən qurulan örtük konstruksiyasının mükəmməl həlli, tikilmə forması, bina örtüyünün uzununa yüngül və dinamik konstruksiya sxemi üzərində yaradılması onun səciyyəvi cəhətlərindəndir.
 
Qeyd edək ki, bu cür oxşar konstruksiyadan Ordubad şəhərindəki buzxanada da istifadə olunub. Hətta o dövrdə Təbriz və Ərdəbildə inşa olunan bazar komplekslərinin örtülü keçidləri də bunun oxşarıdır. Bu da, ilk növbədə, XII-XIV əsrlərdə mövcud olan Naxçıvan memarlıq məktəbinin geniş əhatə dairəsi ilə bağlıdır.
 
Ordubad buzxanası da regionda ticarət məqsədi ilə inşa olunan obyektlərdən biri olub. Memarlıq abidəsi XIV əsrdə tikilib, XVIII əsrdə yenidən bərpa edilib. 2014-cü ildə Ordubad şəhərindəki “Buzxana” tarix-memarlıq abidəsi yenidənqurma işlərindən sonra istifadəyə verilib.
 
Abidənin ümumi sahəsi 166 kvadratmetr, hündürlüyü 11 metrdir. Burada 5 günbəz, ümumi zal, giriş və yardımçı otaq mövcuddur. Konstruktiv elementi formaca 4 tağvari sütundan ibarət olan abidənin üzərinə latun örtük vurulub, buzxana hissəsinə enən pilləkənlər bərpa olunub. Xalqımızın minillik məişət mədəniyyətinin göstəricisi olan abidənin tarixi görkəmi qorunub saxlanılıb, divarlar əhəng-gil qarışığı ilə hörülüb.
 
Şərur rayonundakı Cəlilkənddə yerləşən buzxana kompleksi isə XIX əsrə aiddir. 2015-ci ildə Cəlilkənd buzxanası yenidənqurma işlərindən sonra istifadəyə verilib. Bina dördkünc formalı olub yuxarıda tağabənzər formada tamamlanıb. Yerin altında yerləşən buzxanaya enmək üçün daşdan xüsusi pilləkən düzəldilib. Binanın divarları yüngülcə yonulan boz rəngli qaya parçalarından inşa edilib. İçərisində divarlar boyunca dördkünc formalı şəkillər var.
 
Yay aylarında yerli əhali istilərdən qorunmaq, yeyinti məhsullarını, şəxsi azuqələrini uzun müddət saxlamaq üçün bu binalardan istifadə edib. Buz əldə etmək məqsədilə qış aylarında binaya çəkilmiş kəhriz suyu zirzəmiyə vurularaq buz halına salınırdı. Buzun əriməməsi üçün onların arasına saman da tökülürmüş.
 
Hazırda bu tarixi abidələrin hər biri turizm obyekti kimi fəaliyyət göstərir. Burada ziyarətçilərə milli mətbəx nümunələrimiz də təklif edilir. (AzərTac)
 
 
 
 
Orphus system Mətndə orfoqrafik səhv aşkar etdinizsə, həmin hissəni qeyd edib Ctrl + Enter düymələrini sıxın.
Xəbərlərimizi Faktxeber.com-un facebook səhifəsində də izləyə bilərsiniz.
İmza : N
Teqlər :
Naxçıvan - buzxana - tarixi_abidə - tarix -
Paylaş :
Mail Yazdır Şərh yaz 0 dəfə şərh edilib
Tarix:06-01-2017 09:49 - Oxundu: 1468
Azərbaycanı tanıyaq
17-04-2017 17:04 Azərbaycanı tanıyaq: Qobustan qayaları barədə bilmədiklərimiz
14-04-2017 15:20 Azərbaycanı tanıyaq: Azıx mağarası
11-04-2017 21:44 Azərbaycan mətbəxini bunlarsız təsəvvür etmək olmaz - İNFOQRAFİKA
06-01-2017 09:49 Buzxanalar Naxçıvanın tarixi abidələri sırasında - FOTO
06-06-2016 11:35 Gəncə "İmamzadə"sinin təqdimat videosu hazırlandı - Video
31-03-2016 14:22 Görənləri heyrətə salan ev - bura Azərbaycandır - FOTO
13-10-2015 21:19 “Sarı gəlin” niyə sarıdır?
15-08-2015 10:54 Azərbaycan manatının 23 yaşı oldu – FOTO
03-08-2015 11:01 Abbasqulu Bəyin nazı ilə çox oynayan Kərbəlayini tanıyırsınızmı? - FOTO-VİDEO
26-02-2015 09:31 XOCALI SOYQIRIMI - XX ƏSRİN FACİƏSİ - FOTO-VİDEO
13-02-2015 10:02 "Sandıqdan səslər"
06-02-2015 10:09 Qədim və zəngin Azərbaycan mətbəxini sevdirən insan
31-01-2015 10:08 Məhəmməd Əmin Rəsulzadə - 131
10-01-2015 12:16 Palçıq daşıyan necə milyonçu oldu? - Bir bakılının taleyi

Xəbər Lenti
Bu gün ən çox oxunanlar


Sorğu
Səs ver Nəticələr

Ölkə Siyasət
Dünya Münasibət
Hüquq İqtisadiyyat
Hərb Təhsil
Araşdırma Analiz
Hadisə, Kriminal Top Secret
İdman Maraq Dünyası
Mənəviyat Ailə-Uşaq
Sağlamlıq Foto
Tarix Video
Texnologiya Mədəniyət
Reportaj Vətən uğrunda
Рейтинг@Mail.ru ® 2009 FAKTXEBER.COM - Azərbaycan Onlayn Xəbər Portalı

Firefox 3.6+, GoogleCrome10+, Opera 9+, Macromedia Flash, 1360 x 768

Dərc olunan materilların mətninə görə, redaksiya heç bir məsuliyyət daşımır.
Saytdakı materiallardan istifadə edərkən istinad zəruridir.


Rss - Saytın Xəritəsi - Dizayn : AA Design

Faktxeber.az