Sorğu

Kürdüstan referendumundan nə gözlənilir?

İraqın bölünməsi
Vətəndaş müharibəsi
Nəticəsiz qalacaq
Referendum keçirilməyəcək

Xəbər Lenti

İnfografika

Arxiv

12 Sentyabr

2017
12:13
467
Bu il avtoqəzalarda xəsarət alanların sayı artıb

“Bu il avtoqəza zamanı xəsarət alanların sayı 1587 nəfər təşkil edib. Onlardan 1393 nəfəri  hospitalizasiya edilərək xəstəxanalara yerləşdirilib”.

Bunu Bakı şəhər Təcili və Təxirəsalınmaz Tibbi Yardım Stansiyasının (BŞTTTYS) baş həkiminin müavini Murad Mirzəzadə bildirib ki, bu sayda keçən illə müqayisədə artım qeydə alınıb. M.Mirzəzadə qeyd edib ki, həmin artım cüzidir.

Onun sözlərinə görə, ümumilikdə sutka ərzində təcili yardıma 2000 çağırış daxil olur və onlara 138 briqada tərəfindən yardım göstərilir. M.Mirzəzadə qeyd edib ki, bu gün təcili tibbi yardım briqadaları paytaxtda qeydiyyatda olan əhalinin sayına uyğundur: “Əgər ölkənin digər yerlərindən paytaxta gələnlər qeydiyyata düşsə, onlara lazımi yardım göstərmək mümkün olar. Çox zaman əhalinin yaşadığı ünvanları düzgün bildirməməsi, özləri barədə məlumat vermək istəməmələri sonradan müxtəlif problemlər yaradır. Bu gün təcili yardım göstərilməsi üçün lazımi qədər dərman ehtiyatı, avadanlıqlar, sanitar maşınlar var”.

Baş həkimin müavini çox zaman təcili yardıma gedən həkimlərin , tibb bacıları, sürücülərin döyülməsi hallarının baş verdiyini qeyd edib. Onun sözlərinə görə, bu kimi vəziyyətlər adətən təcili yardımın gecikməsi hallarında qeydə alınır: “Gecikmə halları isə vətəndaşlar ünvanı düzgün vermədikdə qeydə alınır. Əhali arasında bununla bağlı məlumatlandırma çox azdır. Vətəndaşlar bilməlidirlər ki, həkim hansısa sualı verəndə orada müəyyən məntiq var. Həkimin yaxınları sualı cavablandırmaqdan imtina edərək onun əvəzində xəstənin təcili xəstəxanaya çatdırılmasını tələb edir, olmadıqda isə müxtəlif təzyiqlər göstərilir. Təcili yardım həkimləri təzyiqə məruz qalır, döyülür və ya təhqir edilir”.

Məqalədə : qəzalar 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru