FaktXəbər-in "Sputnik"ə istinadən verdiyi məlumata görə, ABŞ, Fransa və İngiltərənin Suriyadakı hədəflərə 103 raket atmasından sonra Suriya prezidenti Bəşər Əsəd açıqlama verib. 

Bəşər Əsəd İran prezidenti Həsən Ruhani ilə telefon danışığında hücumun suriyalıları birləşdirdiyini və Dəməşqin terrorizmlə mübarizə əzmini artırdığını açıqlayıb.

Telefon danışığı zamanı Ruhani, İranın Suriyanın yanında olduğunu deyib.

Qeyd edək ki, səhər saatlarında Suriyaya endirilən hava zərbələri nəticəsində azı 3 nəfər yaralanıb. Zərbə Homs yaxınlığındakı obyektə endirilib. Homsdakı hərbi bazaya atılan raketlər hava hücumundan müdafiə qüvvələri tərəfindən vurulub, onların istiqaməti dəyişdirilib, nəticədə 3 dinc sakin yaralanıb.

ABŞ prezidenti Donald Tramp cümə günü Suriyaya zərbə endirilməsi barədə göstəriş verib və ABŞ, Fransa və Britaniya hərbi qüvvələri Suriyaya qarşı hərbi əməliyyatlara başlayıb. Əməliyyatlara Böyük Britaniya və Fransa da qoşulub.