Xəbər Lenti

Sorğu

İnfografika

Arxiv

09 Yanvar

2017
15:16
636
Binədə yeni çəkilən yolda göz gözü görmür - FOTO

Qəsəbə sakini «prezident getdikdən sonra işıqlar yanmır» deyir 

Binə qəsəbəsinin Əli İsazadə küçəsində yeni təmirdən çıxmış daxili avtomobil yolunda gecələr göz gözü görmür. Belə ki, burada günün qaranlıq saatlarında hərəkətin normal təşkili üçün yolboyu müasir işıqlandırma sistemi qurulsa da, işıqlar yanmır.

Bu barədə “Bizim Yol”a Binə sakini bildirib. Onun sözlərinə görə, əhali arasında “Südçülük sovxozu”na gedən yol kimi tanınan bu küçə uzun müddət təmir olunmadığı üçün onun hərəkət hissəsi yararsız vəziyyətə düşmüşdü. Uzunluğu 4,5 kilometr olan küçənin həm də ensiz olması nəqliyyat vasitələrinin xüsusən də payız-qış mövsümündə hərəkəti üçün xeyli çətinliklər yaradırdı. Artıq bu problem aradan qaldırılıb. 

“Ötən ilin dekabrın 26-da iki il davam edən təmirdən sonra yolun açılışı oldu. Dövlət başçısı da mərasimdə iştirak etdi. İki tərəfli geniş yolun ortasında çox gözəl və göz oxşayan işıq dirəkləri qoydular. Prezident gələnə qədər o dirəklərdə işıqlar yanırdı. Açılışdan dərhal sonra işığın yandığını görən olmadı. Nəticədə insan həyatına və əmlakına təhlükə yaranıb”,-deyə sakin bildirib.

Yenidən qurulan Əli İsazadə küçəsi Heydər Əliyev prospekti-Hava Limanı-Mərdəkan avtomagistralındakı mövcud yol qovşağından istifadə etməklə Binə, Mərdəkan, Bilgəh, Qala, Pirallahı qəsəbələrinə və şəhərin mərkəzinə doğru əhalinin rahat gediş və gəlişini təmin etməyə imkan yaradır.

Binədə yeni çəkilən yolda göz gözü görmür

Система Orphus Mətndə orfoqrafik səhv aşkar etdinizsə, həmin hissəni qeyd edib Ctrl + Enter düymələrini sıxın.
Xəbərlərimizi Faktxeber.com-un facebook səhifəsində də izləyə bilərsiniz.
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru