Xəbər Lenti

İnfoqrafika

Arxiv

Yazar

07 Dekabr

2018
14:23
Bakıda piyada 120-lik yolda ölümlə üz-üzə dayandı - VİDEO

Bakının əsas yollarından olan Beynəlxalq Hava Limanı şosesində təhlükəli anlar yaşanıb.

FaktXəbər-in məlumatına görə, naməlum piyada gecə saatlarında ölümü gözə alaraq sürət həddi 120 km/saat olan yolda maşınların arası ilə hərəkət edir.

Şahidlərdən biri baş verənləri telefonla çəkərək sosial şəbəkələrdə yayıb.

Görüntülərdən məlum olur ki, naməlum şəxsin gəzdiyi ərazinin yaxınlığında piyada keçidi var.

Məsələ ilə bağlı Trend-ə danışan nəqliyyat üzrə ekspert Ərşad Hüseynov bildirib ki, sözügedən piyadanın bu hərəkəti böyük qayda pozuntusudur:

“İlkin olaraq həmin piyada tapılmalıdır, güman etmək olar ki, onun sağlamlığında hər hansı problem var. Ola bilsin ki, həmin an o, sərxoş halda olub”.

Ə.Hüseynovun sözlərinə görə, piyada polis tərəfindən cərimələnməlidir.

“Hər birimiz insanıq, ola bilər ki, ruhi əsəb xəstəsidir, əslində biz ona kömək etməyə borcluyuq. Əgər normal insandırsa, həmin şəxs ərazidə xidmət edən hüquq-mühafizə orqanları tərəfindən tapılaraq cərimələnməlidir”.

Nəqliyyat üzrə ekspert sonda sürücülərə tövsiyə edib ki, bu cür hallarla rastlaşdıqları zaman dərhal polis əməkdaşlarına xəbər etsinlər.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : aerport yolu 
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


16-12-2018 07:20



  (+994 55) 786-96-84

  [email protected]

Valyuta.com