Xəbər Lenti

İnfoqrafika

Arxiv

Yazar

14 Sentyabr

2018
16:33
Bakıda atasını öldürüb yandıran şəxsə 19 il cəza verildi

Bu gün Bakı Ağır Cinayətlər Məhkəməsində atasını öldürməkdə təqsirləndirilən Elməddin Əliyev, dostları Vəlican Dadaşov və Nəcməddin İsmayılovun cinayət işi üzrə məhkəmə prosesi başa çatıb.

Hakim Əfqan Hacıyevin sədrliyi keçirilən prosesdə məhkəmə istintaqı başa çatıb və prokuror təqsirləndirilən şəxslərə iş istəyib. Dövlət ittihamçısı V.Dadaşovun 20 il, E.Əliyevin 19 il, N.İsmayılovun isə 18 il azadlıqdan məhrum edilməsini istəyib.

Məhkəmənin hökmü ilə V.Dadaşov 19 il, E.Əliyev 18 il, N.İsmayılov isə 17 il müddətinə azadlıqdan məhrum edilib.

İttihama görə, ötən il fevralın 1-nə keçən gecə Xəzər rayonu Zirə qəsəbəsinin bağlar sahəsində Pirallahı qəsəbə sakini Azər Əliyevə məxsus bağ evində yanğın baş verib, nəticədə yanar konstruksiyalar yanıb.

Rayon polis və prokurorluq orqanları əməkdaşları tərəfindən hadisə yerinə keçirilən baxış zamanı oradan yanmış meyit tapılıb. Mərhumun ev sahibinin qardaşı İbrahim Əliyev olması və onun kəsici-deşici alətlə qətlə yetirilməsi müəyyən edilib.

Bakı Şəhər Baş Polis İdarəsi, Xəzər Rayon Polis İdarəsi və prokurorluğu əməkdaşlarının peşəkarlıqla keçirdikləri istintaq-əməliyyat tədbirləri nəticəsində hadisənin İ.Əliyevin oğlu E.Əliyev tərəfindən törədilməsinə əsaslı şübhələr yarandığından o “isti izlər”lə saxlanılıb.

Əməliyyat tədbirlərinin davamı olaraq cinayətin digər iştirakçıları da müəyyən edilib və qəsəbə sakinləri, əvvəllər məhkum olunmuşlar V.Dadaşov və N.İsmayılov da saxlanılaraq istintaqa cəlb ediliblər.

Saxlanılan oğul öz ifadəsində bildirib ki, atasının qətlinə ailəsinin namus və şərəfini qorumaq üçün fərman verib.

Onun sözlərinə görə, hərbi xidməti başa vurub evə qayıdarkən qəsəbədə atasının qeyri-ənənəvi seksual oriyentasiyanı təmsil etdiyi barədə söhbətlər eşidib. Ailədəki bu rüsvayçılığı aradan qaldırmaq üçün atasını öldürməyi qərar verib.

Qətli V.Dadaşov icra edib. O, əvvəlcə kişinin başına balta ilə vurub, sonra ona bir neçə bıçaq zərbəsi endirib. Cinayətin iştirakçıları meyiti hadisə yerində qoyaraq çıxıb gediblər. Üç saat sonra isə benzinlə qayıdaraq evi yandırıblar.

Система Orphus
Məqalədə : məhkəmə 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


19-09-2018 11:21



  (+994 70) 870-47-49       (+994 55) 786-96-84

  [email protected]

Valyuta.com