Sorğu

Kürdüstan referendumundan nə gözlənilir?

İraqın bölünməsi
Vətəndaş müharibəsi
Nəticəsiz qalacaq
Referendum keçirilməyəcək

Xəbər Lenti

İnfografika

Arxiv

14 Sentyabr

2017
09:54
505
Bahalaşmanın 3 əsas səbəbi

Dövlət Statistika Komitəsi hesablayıb ki, avqustda Azərbaycanda istehlak bazarında qiymətlər iyula baxanda orta hesabla 0,2 faiz bahalaşıb. Elə iyulda da qiymətlər əvvəlki illərə nisbətən qalxmışdı.

İqtisadçı Natiq Cəfərli bir qayda olaraq yayda qiymətlərin düşdüyünü, bu il isə bunun əksinin baş verdiyini deyir.

Ekspert bahalaşmanın 3 əsas səbəbini göstərdi

«Bu yay əvvəlkilərdən fərqli olaraq deflyasiyanın olmamasının səbəblərindən biri benzinin bahalaşmasıdır. Benzinin qiymətinin artırılması ərzaq mallarının, xüsusilə yerli kənd təsərrüfatı məhsullarının qiymətinə təsirsiz ötüşmədi. İkinci amil avronun məzənnəsinin 15 faizə yaxın artması və avrozonadan gələn məhsulların dəyərinin qalxmasıdır», – iqtisadçı söyləyir.

Natiq Cəfərli qiymətlərin artımına dəlalət edən səbəblər sırasında kənd təsərrüfatı məhsullarının əkin sahələrinin strukturunda baş verən keyfiyyət dəyişikliklərini də önə çəkir. Onun fikrincə, bu il texniki bitkilərin əkin sahələrinin artması örüş və biçənəklərin sahələrinin azalmasına gətirib çıxardı. Bu isə öz növbəsində yemi və əti bahalandırıb.

Avqustda hər şey bahalaşıb

DSK-ya görə, avqustda ərzağın qiyməti 0,3 faiz, qeyri-ərzaq məhsullarının qiyməti 0,1 faiz, əhaliyə göstərilən pullu xidmətlərin qiyməti isə 0,2 faiz qalxıb.

Ümumilikdə, bu ilin səkkiz ayında ölkədə 14 faizlik inflyasiya qeydə alınıb. Əhali ərzağın alınmasından ötrü əvvəlki ilin eyni dövrünə nisbətən indi 18,2 faiz daha çox pul ödəyir. Bu dövrdə qeyri-ərzaq malları 12,6 faiz, xidmətlər 9,6 faiz bahalaşıb.

Bu il hökumət birrəqəmli inflyasiya olacağını proqnozlaşdırsa da, qiymət artımının 10 faizin üzərində olacağını görmək çətin deyil. 2015-ci ildə Azərbaycanda qiymətlər 4 faiz, ötən il isə 12,4 faiz qalxmışdı.

Məqalədə : Bahalaşma 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru