Xəbər Lenti

Sorğu

İnfografika

Arxiv

Yazar

11 Avqust

2017
09:46
880
Azərbaycanlı Ramil Quliyev Türkiyəyə ilk qızıl medalını qazandırdı - FOTO

Azərbaycanlı Ramil Quliyev Londonda keçirilən Dünya Atletika Çempionatında 200 metrə qaçışın qalibi olaraq Türkiyəyə ilk qızıl medalını qazandırıb.

Bu qaçışda qələbəsi gözlənilən Wayde Van Niekerk gümüş medala sahiblənib.

Cənubi Afrikalı qaçışçı, beləliklə 1995-ci ildə həm 400, həm də 200 metrlik məsafəyə qaçışın qalibi olmuş Michael Johnson-un uğurunu təkrar edə bilməyib.

Quliyev 200 metrlik qaçışı 20, 09 saniyəyə başa vurub. Trinidad və Tabaqodan olan Jereem Richards 20, 11 saniyə ilə üçüncü yeri tutub.

Britaniyalı Nethaneel Mitchell-Blake yalnız 4-cü yeri tuta bilib. Ona xəstəliyi ilə əlaqədar çempionatın normativini yerinə yetirmək üçün çərşənbə günü tək qaçmaq imkanı yaradılmışdı.

Bu da qeyd olunmalıdır ki, qaçışı şərh edən Britaniya telekanalları Ramil Quliyevin Azərbaycandan olduğunu təkrar-təkrar vurğulayırdılar.

BBC Sport proqramının müxbiri isə qaçışdan sonra çoxlarını maraqlandıran sualı ona verib.

Müxbir ondan nə üçün Azərbaycanın adından çıxış etmədiyini soruşub.

Ramil Quliyev bu suala neytral cavab verib və deyib ki, onun üçün qızıl medalı qazanmaq ən böyük arzu idi.

Quliyev qələbəsini Türkiyə və Azərbaycan bayraqlarını dalğalandırmaqla qeyd edib.

O Türkiyə vətəndaşlığını 2011-ci ildə qəbul edib. Ramil Quliyev 200 metrlik məsafəyə qaçışın ikinci avropalı çempionudur.

Məqalədə : Ramil Quliyev 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


17-12-2017 15:50

ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru