Xəbər Lenti

Sorğu

İnfografika

Arxiv

06 Yanvar

2017
15:08
685
Azərbaycanda hansı heyvanlar ov siyahısından çıxarıla bilər?

Azərbaycan Milli Elmlər Akademiyası (AMEA) Zoologiya İnstitutu dəniz qara ördəyi və pazdimdikləri quşların ov siyahısından çıxarmağı təklif edir.

İnstitutun direktoru Elman Yusifov deyib ki, bu təkliflə Xəzərin Azərbaycan sektorunun cənub sahil zolağında qış və yay mövsümlərində apardıqları tədqiqatlardan sonra çıxış edirlər.

Onun sözlərinə görə, tədqiqatlar nəticəsində müəyyən edilib ki, dənizdə qara ördək və pazdimdiklilər qeyri-bərabər yayılıb: "Eyni zamanda, ağgöz qara ördək, nazik və uzun pazdimdiklər nadir heyvan olmaq, böyük pazdimdik isə yox olma təhlükəsindədir. İnstitut buna əsaslanaraq, dəniz qara ördəyi və pazdimdikləri quşların ov siyahısından çıxarmağı təklif edir".

E.Yusifov əlavə edib ki, Xəzərin Şahdili, Qobustan, Yenikənd subasarına həmsərhəd sahil suları, Böyük və Kiçik Qızılağac körfəzləri beynəlxalq əhəmiyyətə malik sayda qırmızıbaş və kəkilli qara ördəklərin toplantı yerləridir. Antropogen təsirlər nəticəsindən isə Puta, Səngəçal, Ələt, Lənkəran sahil zolağı qara ördəklərin beynəlxalq əhəmiyyətə malik sayda toplantı yeri kimi artıq öz əhəmiyyətini itirib. (Trend)

Məqalədə : ov heyvan AMEA ovçuluq 
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru