Xəbər Lenti

Sorğu

İnfografika

Arxiv

16 Mart

2017
10:37
698
Azərbaycanda 100-dək məqsədli nikaha daxil olma halları müəyyən edilib

"2009-cu ildən bu günə kimi 24 min 943 nəfər əcnəbi və vətəndaşlığı olmayan şəxsin isə Azərbaycandan çıxarılması təmin edilib".

Bunu Dövlət Miqrasiya Xidmətinin rəisi Firudin Nəbiyev deyib.

O bildirib ki, 8 ildə miqrasiya qanunvericiliyinin tələblərinin pozulması halları ilə bağlı ümumilikdə 172 min 25 nəfər əcnəbi, vətəndaşlığı olmayan şəxs və Azərbaycan vətəndaşı barədə müvafiq qərarlar qəbul olunub: "2012-2015-ci illər ərzində 910 hüquqi şəxs, 405 fiziki şəxs və 330 filial və ya nümayəndəlik olmaqla, ümumilikdə 1 min 645 sahibkarlıq subyektində yoxlama keçirilib. Yoxlamalar zamanı ümumilikdə 8 min 760 nəfər əcnəbinin qanunsuz olaraq əmək fəaliyyətinə cəlb olunduğu aşkar edilib. Yoxlamaların nəticəsi olaraq 631 sahibkarlıq subyektinə cərimə tətbiq edilməklə barələrində inzibati qərar qəbul edilib. Bunlar əsasən tikinti, tibb, təhsil və digər sahəsi üzrə, o cümlədən küçə ticarəti ilə məşğul olan əcnəbilər və vətəndaşlığı olmayan şəxslər olub".

O qeyd edib ki, Azərbaycan vətəndaşı ilə yaxın qohumluq münasibətində olma əsası ilə ölkə ərazisində müvəqqəti yaşamaq üçün icazə verilməsi üçün müraciət edən əcnəbilər və vətəndaşlığı olmayan şəxslərin bu məqsədlə 97 halda məqsədli nikaha daxil olma halları müəyyən edilib və bununla bağlı sui-istifadənin qarşısı alınıb.

Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru