Xəbər Lenti

Sorğu

Arxiv

İnfografika

15 Dekabr

2016
10:01
1496
Azərbaycan vətəndaşı qohumunu görmək istədi, vilayət polisini ayağa qaldırdı - FOTO

Türkiyənin Bursa vilayətində dünən Azərbaycan vətəndaşının da iştirak etdiyi maraqlı hadisə baş verib. Belə ki, təhlükəsizlik kameralarındakı nömrə tanıma sistemi bir avtomobilə aid 27 BR 230 dövlət nömrə nişanının başqa bir marka və modelə aid olduğunu müəyyən edib, vilayət polis ayağa qalxıb. 

FaktXəbər-in Türkiyə mediasına istinadən verdiyi məlumata görtə, bomba daşıdığı şübhəsiylə axtarışa verilən avtomobil tapıldıqdan sonra həqiqət ortaya çıxıb. 

Məlum olub ki, 27 BR 230 dövlət qeydiyyat nişanı Türkiyədə Opel Corsa markalı avtomobilə aiddir. Amma təhlükəsizlik kamerasındakı sistem bu nömrəni Audi markalı avtomobildə qeydə aldığı üçün həyəcan siqnalı verib. Məhz buna görə də ehtimal olunub ki, nömrə oğurlanıb və maışnda bomba var. 

Əməliyyat həyata keçirən vilayət polisi avtomobili Yıldırım rayonu, Yediselviler məhəlləsindəki ara küçələrin birində saxlayıb. Bomba yükləndiyi ehtimalı ilə böyük təhlükəsizlik tədbiri görərək avtomobilə yaxınlaşan Türkiyə polisi maşında olan Azərbaycan vətəndaşı Ömər Eyyuboğlunu saxlayaraq, üstünü axtarıblar. Daha sonra Terrorla Mübarizə Şöbəsinin əməkdaşları maşında axtarış aparıblar və heç bir şey tapmayıblar. Eyyuboğlu Azərbaycandan Bursaya qohumlarını görməyə gəldiyini söyləyib.

Maşının nömrəsini araşdıran polis qeydiyyat nişanının kənarındakı Azərbaycana aid "AZ" abreviaturasının olduğunu görüb və əsl məsələ aydınlaşıb. Türkiyədə avtomobillərə verilən dövlət qeydiyyat nişanları ilə Azərbaycan maşınlarının nömrələri bir-birinə bənzədiyi üçün belə bir hadisə yaşanıb.

Orphus system Mətndə orfoqrafik səhv aşkar etdinizsə, həmin hissəni qeyd edib Ctrl + Enter düymələrini sıxın.
Xəbərlərimizi Faktxeber.com-un facebook səhifəsində də izləyə bilərsiniz.
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com