Tarix:03-01-2017 19:01
Aslan İsmayılov Qüdrətdən, İlyasdan, Əlidən və İsadan danışdı
"Ermənilər fahişəni milli qəhrəmana çevirirlər, biz isə İlham Rəhimov, Vahid Ələkbərov kimi adamları özümüzdən incidirik"
Şərh yaz
FaktXəbər-in məlumatına görə, tanınmış vəkil Aslan İsmayılovun bakipost.az-a müsahibəsində çox maraqlı məqamlara toxunaraq, ölkə gündəmində olan mövzulardan və siyasi səhnədə olan şəxslərdən danışıb, müəyyən ittihamlar səsləndirib.
 
- Aslan müəllim, son ayların ən qalmaqallı adamlarından birisiniz. BAXCP sədri Qüdrət Həsənquliyevlə bağlı sərt çıxışlar etdiniz - qarşı tərəf sizi məhkəməyə verdi. Bu məsələ bitməmiş deputat Fəzail Ağamalı, daha sonra Etibar Məmmədova hücuma keçib, onları aşağılayan ifadələr işlətdiniz. Eyni zamanda bir iş adamı ilə qarşılıqlı ittihamlarınız var. Nə baş verir? Bütün bunlar bir prosesin tərkib hissələridir, yoxsa, bu təsadüfən belə alınıb?
 
- Heç nə təsadüfi deyil. Mən indiyə kimi heç nəyi nə təsadüfən, nə də şəxsi maraq üçün etməmişəm. Sadəcə olaraq, mən ədalətsizliyə dözə bilmirəm. Mən Bakıya 1989-cu ildə gəlmişəm. Burada yüksək vəzifələrdə işləmişəm, meydan hərəkatından tutmuş, bu günə qədər  bütün proseslər gözümün önündə olub, bəzi vacib məsələlərin iştirakçısı olmuşam.
 
İndi özlərini qəhrəman hesab edənlərin hamısının "dabaqda gönünə bələdəm”. Mən Etibar Məmmədovu 89-dan - mitinqlərdən tanıyıram. Onda milli qəhrəman olmuşdu. Özüm onu sevə-sevə dinləmişəm. Amma sonra məlum oldu ki, bu adam dağıdıcıdır. 91-də Etibar AXC-ni bir hərəkat olaraq parçaladı və başladı bu təşkilatın içərisində qarşıdurma yaratmağa. Bir qədər keçdi, Rəhim Qazıyev məsələsi gündəmə gəldi, Milli Məclisin qapalı iclası keçirildi və o, vətənə xəyanətdə suçlandı, ona görə də istefa verdi. Həmin vaxt Etibar Məmmədov Rəhimi müdafiə edirdi. Bir qədər sonra Surət Hüseynov məsələləri ortaya çıxdı. Açıq görünürdü ki, Rusiya Surətin əliylə milli hökuməti yıxır, Elçibəyi devirmək istəyir. Onda da Etibar Məmmədov Surət Hüseynovun müdafiəsinə qalxdı. Bacarıqsız olmasına baxmayaraq, milli hakimiyyəti yıxmağa başladı.
 
Etibar Məmmədovla yanaşı Nemət Pənahlı və Şadman Hüseynov müdafiəçi qismindəydilər. Həmin vaxt Elçibəy də, İsa Qəmbərov da bu adını çəkdiyim şəxsləri satqınlıqda, vətənə xəyanətdə açıq ittiham edirdilər. Sonra bu proseslər yaddan çıxdı, başqa proseslər başladı. Hər şey xalq tərəfindən unuduldu, bunlar yenə maydan oxumağa başladılar.
 
98-ci ildə bu adam yenidən meydana gəldi, prezident seçkilərinə qatıldı. Həmin vaxt hakimiyyət dəyişikliyinin olması real idi. Amma Elçibəy və İsa Qəmbər seçkilərdən geri çəkildilər, Etibar Məmmədov qaldı tək. Bu dəfə onlar Etibarı satdılar. Ondan sonra başladı parlament alveri. 95-də Əli Kərimlinin dəstəsi getdi parlamentə, 2000-də yenə AXCP parlamentdə təmsil olundu. Sonra Əli Kərimli hakimiyyətlə əlaqələri kəsdi. Bundan sonra İsə Qəmbərin dəstəsi hökumətlə razılığa gəlib parlamentə qatıldılar, mandat aldılar. Bir sözlə, Heydər Əliyev dönəmində hakimiyyətə satılmayan adam qalmadı. Bir dəfə bu oynadı, bir dəfə o...
 
 Bu proseslərin hamısı mənim gözümün önündə baş verib. Ona görə də, kimsə gəlib özünü başqa cür təqdim edəndə dözmürəm. Onların bu yeni nəslə yalan danışmalarına imkan vermək olmaz. Mənim heç vaxt siyasi iddiam olmayıb, olmayacaq da. Bu məsələləri ona görə deyirəm ki, bilirəm, 10-20 il sonra bu prosesin iştirakçılarının gorunu söyəcəklər. Satqınları da söyəcəklər, durub susanları da. İstəmirəm mənə "gorbagor” desinlər. İstəyirəm desinlər ki, bir kişi var idi, hər dəfə çıxıb olanları deyirdi, satqınları ifşa edirdi.
 
- Hadisələrin üstündən bu qədər vaxt keçib. Etibar Məmmədov siyasətdən tam kənardadır. Sizə qarşı münasibətin bu qədər kəskin olduğu vaxt niyə yenidən həmin məsələlərə qayıdırsız?
 
 - O gün təsadüfən mətbuatdan oxudum ki, Etibar yenidən siyasətə qayıdır, Baş nazir olmaq istəyir. Ona görə elə belə yazdım. Sonrakı yazılar göstərdi ki, elə belə yazdıqlarım tam ünvana dəyib. Bu yenə meydana girib gəncləri aldatmaq istəyir. Gənc nəsil də baş verənləri bilmədiyindən bunlara yenidən inana bilər.
 
 
- Sizcə, bu mümkündürmü?
 
- Müstəqillik tarixinə nəzər salsaq görərik ki, bizim xalq çox sadəlövhdür və onu aldatmaq elə də çətin deyil. Rusiya öz mövqelərini möhkəmləndirən kimi Etibar Məmmədov, Rəhim Qaziyev və başqaları fəallaşır. Mətbuata fikir verin və dediklərmin şahidi olun. Bax indi həmin proses gedir.
 
- Bəlkə Qüdrət Həsənquliyevin Rusiya, İlham Rəhimovla bağlı dediklərinin kökündə elə bu proseslərin getməsindəndən qaynaqlanan narahatlıq dayanır? Siz də durub onu ittiham edirsiz...
 
- Səmimi deyirəm, əgər bilsəydim o yazı belə bir ajiotaj doğuracaq, mənim fikirlərimi o yönə istiqamətləndirəcəklər, heç vaxt həmin statusu yazmazdım. Mənim Qüdrət Həsənquliyevlə bağlı heç bir problemim yoxdur.
 
- Yəni Q.Həsənquliyevlə konfliktə getmək istəməzdiniz...
 
- Yox, əsas məsələ Qüdrət deyil. O mənimçün heç kimdi. Mənim o statusumu elə yozdular ki, guya, mən İlham Rəhimovu müdafiə edirəm, onun diqtəsiylə yazmışam. Mən özümü İlham Rəhimovdan qat-qat üstün sayıram. Mən dəyərimi bilən kişiyəm. Mən kiməsə qulluq edəsi olsaydım, elə gedib ölkənin Prezidentinə qulluq edərdim. Niyə gedib İlham Rəhimova qulluq edirəm? O baxımdan deyirəm ki, istəməzdim. Yoxsa Qüdrət mənimçün heç kim olub, indi də heç kimdi, gələcəkdə də heç kim olacaq. Sadəcə o fikirləri deməkdə məqsədim, hədəfim Qüdrət olmayıb.
 
Onu niyə hədəfə alım ki? Guya, kim bilmir ki, Qüdrətin dedikləri öz fikirləri deyil. Ona deyirlər belə danış, o da çıxıb danışır, kiminsə fikirlərini çatdırır. Yoxsa Qüdrət İlham Rəhimova - Putinin dostuna qarşı gedə bilər? Bunu hamı bilir ki, Qüdrət hakimiyyətdə müəyyən qrup adamların fikirlərini deyir. Mən bunu bilə-bilə Qüdrəti ittiham eləmərəm. Mənim aqresiyam Qüdrətə yox, onu danışdıran adamlara idi ki, qardaş düz eləmirsiz.
 
 
- Nəyi düz eləmirlər?
 
- Qarabağın açarı olan Rusiya ilə münasibətləri bu şəklə salmaq olmaz. Putinə söz deyə bilən və bununla bizim ən böyük problemimizin həllinə yardımçı ola biləcək adamı ittiham etməyin, əksinə, ondan istifadə edin. Bir baxın da ermənilərə. Nümunə götürün də. Öz təbliğləri üçün bütün vasitələrdən, bütün imkanlardan istifadə edirlər. Gedib Kim Kardaşyanı gətirirlər. Fahişə gəlib Ermənistanın prezidenti ilə görüşdü və milli qəhrəman oldu. Niyə belə etdilər? Ona görə ki, ondan müəyyən məsələlərin təbliği üçün istifadə də bilsinlər. Onlar fahişəni milli qəhrəmana çevirirlər, biz isə İlham Rəhimov, Vahid Ələkbərov kimi adamları özümüzdən incidirik...
 
Mən hələ 94-cü ildə Prezident Aparatında işləyəndə "Azərbaycan” qəzetində bir səhifəlik yazı ilə çıxış etmişəm. Demişəm ki, mütləq Azərbaycanın diasporu yaradılmalıdır. Və o zaman öz imkanlarımdan istifadə edib müəyyən işlər də görmüşəm. Yəni bu məsələləri bilən, diqqət edən adamam. İlham Rəhimov sıradan bir adam deyil. Siz bunu niyə gözümçıxdıya salmısız? Niyə ondan düşmən düzəldirsiz? Mənim dediklərimin qayəsində bu olub ki, bunu özünüzdən uzaqlaşdırmayın, əksinə, istifadə edin. Yazmışdım ki, xaricdə yaşayan imkanlı, nüfuzlu adamları niyə didərgin salırsız? Niyə erməni fahişəni gətirib qəhrəman edib, sonra da ondan istifadə edir, siz isə Qarabağ probleminin açarını əlində saxlayan bir kişinin yanına gedə, onunla yeyib-içən adamı burdan diksindirirsiz?
- Amma hər kəsə bəllidi ki, İlham Rəhimovla yaxın münasibətləriniz var. Uzun illər bir yerdə olduğunuz "Ədalət Partiyası”nın  sədri İlyas İsmayılovla aranız dəyən kimi onunla kəskin münasibətlərdə olan İ.Rəhimovla yaxınlığa başlamısız... Demək istəyirəm ki, Qüdrət Həsənquliyev barədə yazdıqlarınızın Rəhimovun müdafiəsi kimi anlaşılması bir qədər də təbiidir.
 
- Gəlin belə danışaq. Yenə deyirəm, mən heç kimi özümdən artıq kişi hesab eləmirəm! Düzdür, vaxtilə İlyas İsmayılovla çox yaxın dost olmuşam. Amma bu gün tamam pis münasibət var. Düzdü, mən İlyas İsmayılovla yaxın olanda, onun İlham Rəhimovla münasibətləri çox pis olub. İlham həmişə mənə xoş münasibət bəsləsə də, mən ona qarşı aqressiv olmuşam və bunu aşıq nümayiş etdirmişəm, özü də İlyasa görə. İndi bəziləri öz şərəflərinə uyğun olaraq, mənə şər atırlar, deyirlər ki, guya mən onu "kaşelyoka”-filana dəyişmişəm. Mən heç kimi heç nəyə dəyişməmişəm. İlyas İsmayılov mənə xəyanət edib! Ona görə də onunla münasibəti kəsmişəm. Mən 20 il ərzində onun bir sözünü iki eləməmişəm. Həyatda elə adam tanımıram ki, ona mənim qoyduğum hörməti qoysun...
 
Yəni məsələlərin dostluğa dəxili yoxdur. Mən haqqı deyirəm, kim necə qanır, özü bilər. Hərə öz dünya görüşü, əxlaqına uyğun şəkildə nəyisə qavrayır. Mən prinsiplərimi qarına dəyişənlərdən deyiləm.
 
- BAXCP ilə qarşıdurmadan sonra İlham Rəhimovla əlaqəniz, söhbətiniz olubmu?
 
- Bəli. Bir dəfə görüşmüşük.
 
- Nə deyir, bu məsələlərə reaksiyası necə oldu?
 
- Açığı deyim ki, mən bu gün içimdə İlham Rəhimovdan narazıyam. Ona görə ki, məndən çox onu söyürlər və o susur. Onun imkanı da mənimkindən dəfələrlə çoxdu. Bəs niyə çıxıb birinə cavab vermir?! Ortalıqda mən qalmışam. Bilirsən ki, mən prinsiplərimlə ilə bir yerdə səni də sən demədən, kişiyana müdafiə etmişəm! Bir reaksiyan olsun da!
 
- Hər halda bilir ki, sizi məhkəməyə veriblər... Nə deyir bu barədə?
 
- Görüşəndə dedim. O isə dedi ki, əşi boş ver, məhkəmə söhbətləri boş seydi. Elə bu da mənim xətrimə dəydi. Ola bilər səninçün boş seydi, amma axı mənə ağızlarına gələni deyirlər... Onun imkanları, işçiləri var. İstəsə mənə olan hücumların qarşısını aldıra bilər. Qalmışam bir ordunun qabağında tək. Hamısını qısqırdırlar üstümə. Bu qədər təhqirlərə dözmək elə bilirsiz asandı? Ola bilsin o ifadələrə layiq olanlar üçün bu asandır. Mən özümü zorla saxlayıram. İki oğlum var, onları da zorla saxlayıram. Xaricdə yaşasalar da zorla qarşılarını alıram. Arada istəyirəm, gedib öldürəm o alçaqları. Bu da mənə yaraşmaz.
Düzdü, məni söyənlərin hamısını vermişəm məhkəməyə. Amma məhkəmələr də sifariş alıb, iddialarımı müxtəlif bəhanələrlə götürmür.
 
- Kimlərdi onlar?
 
- Elçin Mirzəbəyli, Niyaməddin Orduxanli, Taleh Şahsuvarlı, Əli Həziquliyev...
 
- Bəs belə çətinliklərlə üzləşdiyiniz bir vaxtda, niyə başqalarını da prosesə qoşdunuz? Məsələn, Fəzail Ağamalını...
 
- Onunla necə odu, heç yadımda deyil. Yəqin təsadüfi olub.
 
- Bayaq dediniz heç nə təsadüfi deyil, ona görə soruşdum...
 
- Təsadüfi o baxımdan ki, mənim Fəzail dərdim yoxdu. Fəzailin hansı yuvanın quşu olduğunu hamı yaxşı bilir. Onun keçmişi də, indisi də... Mən həmin yazımda tək Fəzaildən söz açmamışdım. Biləsuvarda camaat ayağa qalxanda mən deputatların siyahısına baxdım. Dedim hamı Vahid Əhmədov deyil ki, Qubada narazılıq olanda xalqın qarşısına çıxsın, ağsaqqallıq eləsin. Fəzail və bir neçəsinin adını çəkib sual etmişdim ki, bu adamlar xalqın qarşısına çıxa bilərlər? Bunların işi xalqın yanında olmaq deyil, Milli Məclisdə tapşırıq yerinə yetirməkdir. Sonra da o mənə zəng elədi, hədə diliylə danışdı, "odboy” verdim. Əslində onun zəngi də, danışıq tərzi də göstərir ki, millət vəkilliyinə aidiyyəti yoxdur. Qanunverici orqanda əyləşən adam necə hədə dilində, küçə ifadələriylə danışa bilər? O Azərbaycanda nəyi təbliğ edir? "Oğruları”, cinayətkar aləmin adamlarını. Buna deputat demək olarmı?
Qaldı Etibar Məmmədova, onun da kim olduğunu hamımız bilirik.
 
- Bütün bunlar az qala hamıda belə bir fikir formalaşdırır ki, Aslan İsmayılov intriqaçıdır, qalmaqalı sevir... 
 
- Mən elə adam deyiləm. Səmimi deyirəm bu cür adamlardan da zəhləm gedir. Əlavə olaraq bildirim ki, buna sağlamlığım da imkan vermir.
 
- Eyni vaxtda hamıya, xüsusən eyni regionun adamlarına cəbhə açmaq, həm də xüsusi bir məqsədin olması fikri də yaranır...
 
- Həmin adamların eyni regiondan olması ağlıma gəlməyib. Yeni informasiya oldu. Qaldı ki, məqsəd məsələsinə, vallah-billah heç bir məqsədim yoxdu. Mənim elədiklərimin 99 faizi balalarıma, bir faizi millətimə görədi. Mən istəmirəm nə vaxtsa, mən öləndən sonra mənim balalarıma mənim haqqımda da gorbagor desinlər.
 
- Bu proseslərin axırı nə ilə qurtaracaq sizcə?
 
- Bəlkə də öldürəcəklər... Qarşıda məni hansı təhlükələrin gözlədiyini bilən adamam. Tutula da bilərəm, öldürülə də bilərəm. Amma bunun heç biri məni qorxutmur. Artıq 60-a yaxınlaşıram Bu günə kimi şərəflə yaşamışam. Həyatda olan bütün iddialarımı təmin etmişəm. Kişi kimi də ölmək istəyirəm. Hörmət elədiyim vəkil Adil İsmayılov bir dəfə mənə dedi ki, səni öldürəcəklər, o qədər düşmən qazanmısan kimin öldürdüyünü müəyən edə də bilməyəcəyik.
Bu gün məni söyənlərin hamısını alın siyahıya. Yadda saxlayın. 20 ildən sonra onların harda olduğuna da baxarsız, mənim də.
AXC şinelindən çıxanların hamısı zəhərə bulaşıb. O qədər intriqalar, boş-boş qalmaqallar görüblər ki, heç istəsələr də başqa cür ola bilməzlər. Vaxtilə Əli, İsa Rəhim Qazıyevə satqın deyirdilər. İndi hamısı susub, Rəhim meydana gəlib. O gün "Azadlıq”a zəng elədim. Dedim, ay qardaşlar, siz palaz-palaz yazılar yazıb, bunun satqın olduğunu bildirirdiniz. İndi nə oldu, nə dəyişdi ki, bu adama meydan verirsiz? Dedilər, indi bizim məqsədimizə uyğun gəlir. Mən bu adamlara nə deyim? Heç vaxt marağıma uyğundur prinsipini qəbul etməmişəm.
Orphus system Mətndə orfoqrafik səhv aşkar etdinizsə, həmin hissəni qeyd edib Ctrl + Enter düymələrini sıxın.
Xəbərlərimizi Faktxeber.com-un facebook səhifəsində də izləyə bilərsiniz.
İmza :
Teqlər :
Aslan - İsmayılov - Qüdrətdən, - İlyasdan, - Əlidən - - İsadan - danışdı -
Paylaş :
Mail Yazdır Şərh yaz 0 dəfə şərh edilib
Tarix:03-01-2017 19:01 - Oxundu: 827
Münasibət
27-04-2017 14:27 Hər 9 adama 2 avtomobil düşür - Nəqliyyat eksperti
27-04-2017 13:31 Deputat: “Bəzi kafe və restoranlarda sulu qəlyana narkotik qatırlar”
27-04-2017 10:45 Kafelərdə qəlyan, siqaret tüstüsündən nəfəs almaq olmur - Millət vəkili
26-04-2017 16:51 Deputat 40 gün, 40 gecəlik toyların tarixinə toxunub
25-04-2017 17:18 Zahid Oruc: Prezident Administrasiyası ləğv edilmir
25-04-2017 17:06 “Nağdsız hesablaşmalar haqqında” qanun düzgün tətbiq olunmur
25-04-2017 10:54 "Ana və uşaq ölümünün səviyyəsi aşağı düşüb"
24-04-2017 15:59 "Ev əşyalarının vətəndaşdan alınması ağır nəticələrə səbəb olacaq"
24-04-2017 09:48 İŞİD mövqelərini ard-arda itirir, sıraları da seyrəlir - Politoloq
22-04-2017 15:11 Yollardakı sarı zolaqlarda hərəkətin qadağan olunacağı vaxt açıqlanıb
20-04-2017 18:18 Mübariz Qurbanlı: “Yeni məscid tikilsə adı “Hacı Cavad” olacaq”
20-04-2017 09:22 Taksilərə vahid tarif kimə sərfəlidir?
19-04-2017 16:15 "Azərbaycanda icra başçıları ən mədəniyyətsiz zümrəyə çevrilib"
19-04-2017 09:45 "NAZ-lifan"da istehsal dayandı
18-04-2017 14:23 Hüquq müdafiəçisi ilə rəsmi şəxsin qaz mübahisəsi: "Bu absurd fikirdir"
18-04-2017 12:19 "Elə bilirsiz ki, Avropa ölkələrində..." - Əli Hüseynli
17-04-2017 15:12 "Hacı Cavad məscidi ilə bağlı müxtəlif təkliflər var"
14-04-2017 14:05 "İşıq, qaz pulunu artırmaqla büdcəyə pul qazandıra bilməyəcəyik"
13-04-2017 11:05 Şəhid ailələri, Milli Qəhrəmanların övladları... - Sosial mənzil şansı...
12-04-2017 14:11 Dini Komitə və Mədəniyyət Nazirliyi məscidlərin sökülməsinə aydınlıq gətirib
12-04-2017 11:35 Millət vəkili dolların ucuzlaşmasından danışdı
08-04-2017 12:09 Əli Əhmədov: "Bəzi sahibkarlar vicdan hisslərini itiriblər"
07-04-2017 17:50 Dini kəsim Milli Şuranın sabahkı aksiyasına münasibət bildirdi
06-04-2017 11:07 "Məmurlarımızın xaricdə müalicə almaq istəyi..."
05-04-2017 17:13 Yol polisi "saxla" əmrinə tabe olmayan sürücüyə qarşı silah istifadə edə bilərmi? – RƏSMİ CAVAB
05-04-2017 14:18 Kardioloq: “Yeniyetmələr üçün enerji içkiləri böyük təhlükə mənbəyidir”
05-04-2017 10:36 "Məzənnə sabitliyinin uzunmüddətli və dayanıqlı olacağını düşünmürəm
04-04-2017 11:05 "2017-ci ildə mənzil bazarında qiymət artımı gözlənilmir"
31-03-2017 14:40 Mirvari Qəhrəmanlı: “Ancaq köməkçi işlərdə, açıq havada işləyənlər təxliyə olunub”
29-03-2017 14:22 Eldar Namazov AXC liderlərinin KQB ilə əməkdaşlıq etdiyini bildirib
29-03-2017 10:19 Rusiyadakı mitinqlərdən həvəslənib aksiyalar təşkil etmək...
28-03-2017 10:36 Bayram bitsə də, bazarlarda bahalaşma bitmək bilmir
27-03-2017 17:02 Azərbaycanda elmi jurnalistika niyə yoxdur?
27-03-2017 15:54 Dollar yenidən qalxacaq - Millət Vəkili
27-03-2017 14:13 "Düşməni öyrənmək, atdıqları addımların məntiqini hesablamaq lazımdır"
24-03-2017 11:26 Nazir: “Azərbaycanlı tələbələr mütləq gürcü dilini bilməlidir”
22-03-2017 09:26 "Nə vaxtsa görmüsünüzmü ki, cənab prezident əfv sərəncamı versin..."
21-03-2017 14:18 İqtisadçı ekspert Novruz bayramı ərəfəsində qiymətlərin qalxmasını...
16-03-2017 14:21 Marketlərə gedib qiymətlərlə maraqlanmışam - Əli Əhmədov
14-03-2017 09:45 "Azərbaycana kreditlərin verilməsi tamamilə dayandırıla bilər"
13-03-2017 14:59 Deputat pensiyalarla bağlı dəyişiklikləri şərh edib
13-03-2017 09:28 Mənim pensiyam neçə manat olacaq?
11-03-2017 11:07 Əfv siyahısında 20 tanınmış məhbusun adı var
09-03-2017 14:36 Nəqliyat eksperti sürücüləri günahlandırdı: Onların insanlıq...
07-03-2017 15:20 "Azəriqaz” İstehsalat Birliyinin özəlləşməsinin vaxtı çatıb"
06-03-2017 14:43 "Narkotikdən gələn gəliri əldən vermək istəmirlər" - Millət vəkili
06-03-2017 14:19 "Neqodnı"lara pis xəbər - Hərbi xidmətə çağırıla bilərlər
06-03-2017 14:13 Elmar Məmmədyarov BƏƏ-nin "Əl-Fəcr" qəzetinə müsahibə verib
06-03-2017 09:47 Neft hansı həddədək bahalaşacaq - 2017-ci ilin proqnozu
04-03-2017 11:40 Novruz Məmmədov: Ermənistan rəhbərliyinin hansısa məqsədi var
04-03-2017 10:40 Bəli, səhv etmişik, yanlışa yol vermişik - “Azəravtoyol”un sədri
03-03-2017 22:37 İpoteka Fondu səmərəli işləyə bilirmi?
02-03-2017 10:29 Tanınmış iqtisadçılar pensiya yaşının artırılmasını tənqid etdilər
01-03-2017 22:05 Pensiya yaşının artırılması sosial gərginliyi artıracaq - ekspert
01-03-2017 14:14 "Çoxu o vəzifələri elə rüşvət hesabına tutublar"
28-02-2017 15:22 Hüqüqşünas yol polisini İTTİHAM etdi: Qanunla bela rəftar etmək olmaz
28-02-2017 13:04 “Aprel müharibəsinin bütün təfərrüatları bu günədək üzə çıxmayıb”
27-02-2017 09:53 6 ay başa çatır
25-02-2017 12:55 Baş nazirin müavini: "Ordunuz hazırdır!"
24-02-2017 10:04 "Mən Qarabağı ermənilərdən təmizləyəcəkdim, qoymadılar"

Xəbər Lenti
Bu gün ən çox oxunanlar

Qəbul səviyyəsi "sıfır" olan məktəblərin adları açıqlanıb - SİYAHI
27-04-2017 11:16
DYP maşını qaydanı pozub, qəza törətdi - ölənlər var
27-04-2017 13:36
DİM: "Qəbul imtahanlarına asan, orta, çətin suallar salınıb"
27-04-2017 11:09
II və III-cü ixtisas qruplarının imtahan günü müəyyənləşdi
27-04-2017 12:36
Metroda həyəcanlı anlar - Qatar tuneldə qaldı - VİDEO
27-04-2017 10:16
Banklar dolların yeni alış-satış qiymətlərini elan etdilər - SİYAHI
27-04-2017 11:27
Azərbaycana müasir silah və hərbi texnikanın yeni partiyası gətirilib - FOTO-VİDEO
27-04-2017 09:00
Selin apardığı qadın ölümdən son anda qurtuldu - VİDEO
27-04-2017 12:40
Azərbaycanlı diplomatın arvadı Nyu-Yorkda oğurluqda ittiham olunub
27-04-2017 10:45
Ukrayna Hollivud ulduzunu "qara siyahı"ya salıb
27-04-2017 09:57
Sorğu
Səs ver Nəticələr

Ölkə Siyasət
Dünya Münasibət
Hüquq İqtisadiyyat
Hərb Təhsil
Araşdırma Analiz
Hadisə, Kriminal Top Secret
İdman Maraq Dünyası
Mənəviyat Ailə-Uşaq
Sağlamlıq Foto
Tarix Video
Texnologiya Mədəniyət
Reportaj Vətən uğrunda
Рейтинг@Mail.ru ® 2009 FAKTXEBER.COM - Azərbaycan Onlayn Xəbər Portalı

Firefox 3.6+, GoogleCrome10+, Opera 9+, Macromedia Flash, 1360 x 768

Dərc olunan materilların mətninə görə, redaksiya heç bir məsuliyyət daşımır.
Saytdakı materiallardan istifadə edərkən istinad zəruridir.


Rss - Saytın Xəritəsi - Dizayn : AA Design

Faktxeber.az