Xəbər Lenti

Sorğu

İnfografika

Arxiv

11 Yanvar

2017
12:55
591
Şamaxıda vəziyyət ciddidir: kəndarası yol bağlanıb

Şamaxının Mədrəsə və ikinci Cabanı kəndlərində sürüşmə sahələri aktivləşib. Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin Geoloji planlama ekspedisiyasının rəisi Əziz Qaralov APA-ya deyib ki, bir müddət əvvəl rayonun ikinci Cabanı kəndində böyük çökmə prosesi baş verib.

Onun sözlərinə görə, çökmə nəticəsində əsas kənd arası yol bağlanıb: “Biz həmin vaxt ərazidə monitorinq aparanda bildirdik ki, yarğan boyu yerləşən evlərə təhlükə gözlənilir. Çünki evlərdə çatlar yaranmışdı. Hazırda sürüşmə prosesi sönməyib. Havanın da belə qeyri-stabil keçməsi ilə əlaqədar torpaq rütubətlidir, tam doyub və ilişmə qüvvəsini itirib. Həm də kənd sürüşməyə meylli, təxminən 40-45 dərəcə mailliyi olan yamacda yerləşir”.

Ə. Qaralov qeyd edib ki, rayonun Mədrəsə kəndində isə bir müddət əvvəl baş vermiş sürüşmə nəticəsində 20 hektar ərazidə vətəndaşlara verilmiş pay torpaqları yararsız vəziyyətə düşüb: “Ərazidə çökmə-sürüşmə baş vermiş və yarğanlar əmələ gəlmişdi. Hətta kəndə bitişik bir neçə fərdi yaşayış evini köçürmüşdülər. 20-yə yaxın fərdi yaşayış evində isə çatlar əmələ gəlmişdi. Hazırda Mədrəsə kəndində sürüşmə öz əhatə dairəsini genişləndirib. Sürüşmə sahəsi təxminən 40 hektara yaxın ərazini əhatə edir. Sürüşmə prosesi aktiv fazadadır. Kənddə textonik çatlar boyu çoxsaylı səth suları çıxıb. Həmin sular da axaraq yarğanlar əmələ gətirib, sürüşmə prosesini artıb. Pay torpaqları isə əkin-biçin üçün yararsız vəziyyətə düşüb”.

Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru